Isaías 31:1 - Tayta Diosninchi Isquirbichishan

¹ ¡Ay imanöraj canqui yanapänanpaj Egiptucunaman ruwacoj aywajcuna; Egipto runacunapa cawalluncunaman yäracojcuna; aypalla carrëtancuna cashanman yäracojcuna; cawalluta muntacurcur pillyajcunaman yäracojcuna! Paycunaga yarpayllapis manami yarpärinchu Israelcunapa Santo Tayta Diosninman. Paymanga manami yäracunpischu.

Isaías 31:1 ပူးပေါင်းရင်းမြစ်များ

Génesis 47:17

Chayno José niptin Egipto runacunaga uywancunatana aparan rïguwan rucananpaj. Aparan cawalluncunata, uyshancunata, cabrancunata, wäcancunata, bürruncunata. Chayno uywancunata apaptin Josëga rïguwan rucaran. Chaynölla juc wata intëru rucaran.

2 Crónicas 16:7

Chay wichan Tayta Diospa profëtan Hanani Judäpa raynin Asa cajman chayaycur niran: «Gamga Siriapa rayninmanmi yäracushcanqui. Manami yäracushcanquichu Tayta Diosmanga. Chaymi Siria suldärucuna maquiquipita gueshpisha.

2 Crónicas 16:9

Tayta Diosga ricaycanmi maycho ima caycashantapis Payman yäracoj cajta yanapänanpaj. Canan gamga upanömi llutanta rurashcanqui. Chaypitami cananpitaga amatar guërrallachöna canquipaj.»

Job 39:11

¿Callpayoj captinchuraj chay uywaman yäracunqui? ¿Arupäshunayquipäpis yäracunquimanchuraj?

Salmos 20:7

Waquenga yäracun pillyapaj caj carrëtancunaman. Waquenga yäracun pillyapaj caj cawalluncunaman. Noganchïmi ichanga yäracunchi Tayta Diosnillanchïman.

Isaías 10:17

Israelcunapaj achquino caycaj Santo Tayta Diosmi nina rataycajmanno ticracurengapaj. Nircorga juc junajllachömi Asiria runacunata illgarachengapaj cashata shatata nina rupacurcushanno.

Isaías 2:7

Israelchöga aypallami caycan goripis, guellaypis. Ima-ayca riquësacunapis aypallami caycan. Cawallupis aypallami. Yupaytapis mana atipaypämi caycan pillyapaj carrëtacunapis.

Isaías 20:5

Chayrämi Etiopiaman yäracoj Filistea runacunaga fiyupa mancharenga. Pengaconga Etiopía runacuna imano caycashantapis ricar. Egipto runacunaman yäracur paycunaga alli-chölu-tucuran.

Isaías 22:11

Wac-läpa cay-läpa pergacuna caycajpa chaupinchönami yacu pösuta rurarayqui unay caj ishtanquipa ruquin. Ichanga gamcuna manami cuentata gocushcanquichu guërra cananpäga unaypita-pachana Tayta Dios camacächisha caran.

Isaías 30:16

Chaypa ruquenga nishcanqui: ‹Manami cutëchu. Cawalluta muntacarcärirmi gueshpir aywacushaj› nir. Nishayquinöllami rasunpa gueshpinquipaj. Mastapis gamcunaga nirayqui: ‹Fiyupa cörrej carrëtacunaman wicharcurmi gueshpishaj› nir. Ichanga gaticachäshojcunapis mas fiyupa cörrejmi cangapaj.

Isaías 36:6

Nogaga musyaycämi yanapäshunayquipaj Egipto runacunaman yäracuycashayquita. Egiptoga caycan challcu shogushnömi. Pipis tucnacurcuptenga maqui paltantapis challcur päsarinmi. Chaynömi Egiptupa faraonnenga payman yäracojta ticrapanga.

Isaías 36:9

Egipto nasyunpita cawallucunata muntacojcunata tarimuyta yarparpis ¿imanöparäshi binsinquiman munayniyoj raynëpa suldäruncunapa manacajnin mandajllantapis?

Isaías 43:15

Nogami Santo Tayta Diosniqui cä. Nogami Israel nasyunta camacächishcä. Nogami rayniqui cä.

Isaías 5:12

Gamcuna fistata rurashayquichöga arpa, guitärra, tamburcuna, pincullucuna wagashallanmi wiyacaycanpis. Chay fista rurashayquichöga bïnupis aypallanpami ushacan. Ichanga manami yarpachacunquicunachu Tayta Dios ruraycashanpäga. Manami tantiyacunquipischu Tayta Dios camaricuycashantaga.

Isaías 57:9

«Asëtita apashpayqui cörriyllapa aywashcanqui diosniqui Moloc cajman. Aypalla perfümitapis apashcanqui. Juc diosta sirbiyta munarmi fiyupa caruman ruquiquita cachashcanqui. Chaynömi wañojcuna caycashancamapis cachayquita chayachishcanqui.

Isaías 64:7

Pipis manami canchu gamta adurashöga. Pipis manami yarpachacunchu gamman yäracamunanpäga. Chaypitami nogacunapitaga pacacuycushcanqui. Jucha rurashäcunapitami cachaycamashcanquipis.

Isaías 9:12

Inti yagamunan caj-läpitaga chayasha Asiria runacuna. Inti yaganan caj-läpitana chayasha Filistea runacuna. Paycunami Israel runacunataga micuyta juc amuyta micucurcojnölla usharisha. Chaypis Tayta Dios rabyashanga manami päsacanrächu. Payga jinallarämi castigananpaj rimaycan.

Isaías 9:13

Chayno castigaycaptinpis runacunaga manami wanacuranchu. Ni munayniyoj Tayta Diosmanpis manami yäracuranchu.

Jeremías 17:5

Tayta Dios nin: «Maldisyunädumi canga runa-masillanman yäracojcunaga. Maldisyunädumi canga callpallanman yäracojcunaga. Maldisyunädumi canga nogaman mana yäracamoj runaga.

Jeremías 2:13

Acrashä runacunaga ishcay casta juchatami rurasha. Mana chaquej yacu pashtajno caycaptëpis Nogaman yäracaycämashanpita cachaycamasha. Y quiquincunami ïdulucunata adurasha sagra pösuncunata rurajno. Chay pösuncunaga yacuta manami juntachinchu.

Jeremías 37:7

«Tapucamänanpaj cachamushoj Judäpa rayninta willanqui. Gamcunata yanapäshunayquipaj faraonpa suldäruncuna aywamöga Egiptumanmi cuticonga.

Jeremías 42:14

capas yarpanqui: ‹Egiptuman tiyaj aywacushun. Chaychöga manami ricashunchu wañuchinacuyta. Ni manami wiyashunchu guërrapaj trompëtacuna wagamojta. Yargaypitapis chaychöga manami wañushunchu› nir.

Ezequiel 17:15

Chayno parlacushanpis Judäpa raynenga Babiloniapa rayninpa contran ricacuran. Chaymi Egiptuman cachata cacharan, cawallucunata, suldärucunata mañacamunanpaj. ¿Gamcuna riguinquichu llullaparcur paycuna cawaycajlla gueshpinanpaj cashanta? ¿Conträtuta rurar parlacushanta mana cumlëga cawanmanchuraj?

Ezequiel 29:16

Israel runacunapis yapayga mananami Egiptuman yäracongapänachu. Chaypa ruquenga paycuna tantiyaconga Egiptuman guellicushpan mana allita rurashantami. Chauraga paycuna musyangapämi noga Tayta Dios cashäta.› »

Daniel 9:13

Cay ñacaycunaga llapanmi nogacunaman chayamusha Moisés isquirbishan laycho niycashanno. Chaypis nogacunaga manami gamman ricäramushcächu. Gam nishayquita ruranäpäga manami yarpachacushcächu. Llutan ruraycunallachömi goyashcä.

Oseas 11:5

Chaypis paycunaga manami nogaman yäracamuyta munashachu. Chaypis Egiptumanga mananami cutenganachu. Asiria nasyunpa munayninchömi goyanga.

Oseas 11:9

Manami fiyupa rabyasha caycashämannöchu rurashaj. Efraintaga yapay manami illgächishänachu. Nogaga Diosmi cä, manami runachu. Noga gamcunacho caycäga Santumi cä. Manami gamcunata illgächejchu shamushaj.

Oseas 14:3

Asiria runacunaga manami salbamangapächu. Cawallucunawanpis pillyamanga manami aywashäcunachu. Quiquëcuna rurashätaga mananami imatapis ‹diosnë› nishänachu. Tayta Dios gamllami wacchacunatapis cuyapanqui» nir.

Oseas 7:7

Paycunaga jurnu rataycajno cashpanmi autoridänincunatapis wañuchisha. Raynincunatapis rucachisha. Ichanga ni jucnayllapis manami canchu nogata mañacamäga.

Habacuc 1:12

Tayta Dios gamga Santo Diosmi canqui. Imaycamapis cawaj cashpayquimi nogacunata wañunäpita salbaycämanqui. Imapitapis chapämaj gagano caycaj Tayta Diosnë, gammi Caldea runacunataga yanapashcanqui munashayquino yarpaycashayquita rurananpaj.

Habacuc 3:3

Diosga Temán partipitami shamun. Santo Diosga Parán jircapitami shamun. Selah Munayniyoj captin achicyaynenga intëru syëluchömi achicyaraycan. Intëru munduchönami payllatana alabarcaycan.

Zacarías 10:5

Paycunaga pillyacho contrancunata binsir cällicunacho caycaj mituchömi lluchcar-ushanga. Paycunaga pillyanga noga yanapajnin captëmi. Cawallun muntasha cajcunatami pengayman churangapaj.

Deuteronomio 17:16

Chay ray ama rantengachu achca cawallucunata. Egiptumanpis ama cachangachu cawallu rantej. Tayta Diosmi nishurayqui ‹Egiptuman aywaj nänipa ama imaypis cutimunquichu› nir.

Deuteronomio 20:1

«Guërraman aywar capas ricanqui contrayquicunapa suldäruncuna, cawalluncuna, pillyapaj carrëtancunapis aypalla caycajta. Chaypis ama manchacuychu. Gamcunataga Egiptupita jorgamushoj Tayta Diosmi yanapaycäshunqui.