Isaías 30:18 - Tayta Diosninchi Isquirbichishan

¹⁸ Chaypis, Tayta Diosga shuyaraycäshunquimi gamcunata cuyapäshunayquipaj. Payga fiyupami munaycan cuyacoj cayninta gamcunata musyachishuyta. Tayta Diosga rasunpa alli cajta ruraj Diosmi. Alli cawaytami tarenga payman yäracojcunaga.

Isaías 30:18 ပူးပေါင်းရင်းမြစ်များ

Job 35:14

«Tayta Diosta ‹Gamta manami ricächu› nishpayquipis shuyaycuy ari. Paypa maquinchömi caycanqui arriglashunayquipäga.

Salmos 2:12

Paypa ñaupanmanga sicsicyar gongurpacuy. Mana rispitaptiquega jinan örami rabyacurcunman. Chaura wañunquimanmi. Cushishami cawanga Tayta Diosman yäracojcunaga.

Salmos 27:14

Tayta Diosman yäracuy. Mana guellanayllapa yäracuy. Tayta Diosllaman yäracuy ari.

Salmos 34:8

Tayta Dios fiyupa alli cashanta musyanayquipaj masqui camay. Cushishami cawanga payman yäracojcunaga.

Salmos 84:12

Munayniyoj Tayta Dios, ¡cushisha cawachun gamman yäracamojcunaga!

Salmos 99:4

Gammi munayniyoj ray canqui Tayta Dios. Allita ruraj cajta cuyanqui. Gammi camacächishcanqui llapanpis iwal cananpaj. Israel runacuna caycashanchöga gammi alli cajta rasun cajta rurashcanqui.

Éxodo 34:6

Moisespa ñaupanpa päsashpan Tayta Diosga cayno niran: «¡Nogaga Tayta Diosmi cä! ¡Nogaga Tayta Diosmi cä! Cuyapäcoj, alli shongu Diosmi cä. Jucllaga imapitapis mana rabyacojmi cä. Pasaypa cuyacojmi cä. Rasun cajta rurajmi cä.

Proverbios 16:20

Tayta Dios nishanta wiyacorga allichömi canga. Tayta Diosman yäracojcunaga cushishami canga.

Isaías 18:4

Tayta Dios caynömi nimaran: «Shuyashpä syëlupitami ricapäshaj usya captin alli shanashan wichan, cosëcha captin shullay pucutay llanturashan wichanpis.»

Isaías 2:11

Alli-tucojcunaga uysurpangami. Ollgojcunapis manacajman churashami ricacongapaj. Chay junäga Tayta Diosllami fiyupa munayniyoj cashpan rispitasha canga.

Isaías 2:17

Alli-tucojcunawan ollgojcunaga pasaypa manacajman churashami cangapaj. Chay junäga Tayta Diosllami fiyupa munayniyoj cashpan rispitasha canga.

Isaías 25:9

Chay junaj runacuna nengapaj: «Chaynömi noganchïpa Diosninchëga. Paymanmi yäracuranchi. Tayta Diosmi salbamashcanchi. Pay salbamashanchïpita cushicur gaparpäshun ari.»

Isaías 28:17

Chaychöga alli goyaymi plomädano canga. Rasun cajta ruraynami nibilno canga. Gamcuna llullacuypa pacacushayquitaga runtu tamyami illgarachengapaj. Chapäshunayquipaj yäracushayquitanami yacu apacongapaj.

Isaías 33:2

Tayta Dios, nogacunataga cuyapaycamay ari. Nogacunaga gammanmi yäracaycämö. Cada tuta yanapaycamay ari. Ñacaycunacho caycashä örapis salbaycamay ari.

Isaías 33:5

Munayniyoj Tayta Diosga syëluchömi tiyan. Paymi camacächisha Sioncho alli cajta, rasun cajta rurananpaj.

Isaías 40:31

Tayta Diosman yäracojcunami ichanga alli callpallancho caycangapaj. Chaymi anca buylaycajno aywangapaj. Cörrirpis manami uticangapächu. Caruta aywarpis manami bëtangapächu.

Isaías 42:14

Tayta Diosmi cayno nin: «Achca watami mana rimacushcächu. Shongullächo yarparashcä, upällalla cacushcä. Cananmi ichanga gueshyacoj warmi nanaywan gaparashanno gayarayparaj willacushaj.

Isaías 42:16

Gapracuna aywashanpaga chacaytapis achicyajmanmi ticrarachishaj. Jatun ragracunatapis pampamanna ticrarachishaj. Paycunataga pushashäpaj mana rejsishan nänicunapami, quichqui nänicunapami. Chaycunataga rasunpami rurashaj.

Isaías 48:9

«Rispitasha canä-raycumi rabyashpäpis awantacurä. Nogapaj allita parlanan-cashami pasinsacur gamcunataga mana illgächirächu.

Isaías 5:16

Munayniyoj Tayta Diosmi nishanta cumlishpan musyachenga munayniyoj cashanta. Santo Tayta Dios alli arriglashpanmi musyachenga rispitädu cashanta.

Isaías 55:8

Tayta Dios cayno nin: «Noga yarpashäga manami gamcuna yarpashayquinöchu. Noga rurashäga manami gamcuna rurashayquinöpischu.

Isaías 57:16

Nogaga manami para-simriga ‹juchayoj canqui› niycäshäpänachu. Mananami para-simriga rabyashapis caycäshänachu. Chayno rabyashalla captëga camashä runacuna mananami yäracamanmanchu.

Isaías 61:8

Chayga canga Tayta Dios cayno nishanpitami: «Nogaga alli rurajcunatami cuyä. Suwacunata, wañuchicojcunataga chiquëmi. Aunishänömi gamcunaga päguyquita chasquinqui. Gamcunawan imaycamapis allilla cananchïpaj conträtutami rurashun.

Isaías 64:4

Unaypita-pachapis manami mayashcäcunachu gampita mas jucga dios cashanta. Chaytaga manami wiyashcäcunachu. Manami pipis ricashachu yäracojcunata dioscuna yanapashanta.

Isaías 8:17

Jacobpita mirar aywaj runacunapita Tayta Dios pacacusha captinpis nogaga paymanmi imaypis yäracö. Imano captinpis payllamanmi yäracuycä.

Jeremías 17:7

«Nogallaman yäracamoj runami ichanga bindisyunta chasquenga.

Jeremías 42:7

Mañacushanpita chunca junajtanaga Jeremiasta Tayta Dios willaran.

Daniel 12:12

¡Cushisha cachun waranga quimsa pachac quimsa chunca pichgan (1,335) junajnincama mana yamacaypa Diosman alli yäracur shuyajcunaga!

Oseas 1:7

Judá nasyun cajtami ichanga cuyapäshaj. Quiquëmi salbashaj. Nogaga salbashaj manami guërrawanchu, lëchawanchu, sabliwanchu, cawallucunawanchu, ni cawalluta muntacuy yachajcunawanpischu.»

Oseas 2:14

«Chaypitarämi, nogaga yapay cuyacurcushaj. Chunyajman pushaycurmi alli shimëpa parlapäshaj yapay cuyacarcamänanpaj.

Oseas 5:15

«Nircur cuticushaj tiyanämanmi. Chaycho cacushaj paycuna juchayoj cashanta reconösinancama, ashimaj shamunancama. Fiyupa llaquicuycho caycashan örami ashimanga.»

Malaquías 2:17

Tayta Diosga gamcunata wiyashuyta yamacashanami caycan. Chaypis nircaycanquiraj: «¿Imatataj nishcä wiyayta yamacänanpäga?» nir. Gamcunaga nishcanqui: «Tayta Diosga allimi rican mana allita rurajcunatapis. Chayno ruraptinpis payga allimi rican» nir. Chaynöpis asipashpayquimi gamcunaga nircaycanqui «¿Maytaj alli arriglaj Tayta Dios?» nir.

Lucas 15:20

Chayno yarpachacurirshi papänin tiyaycashan nasyunman cuticuran. «Papänenga caruta aywaycämojllatana ricärir cushicushpan cörriylla aywaran. Taripaycushpan macallacurcur cuyapar muchasha.

Lucas 2:25

Chay wichan juc runa Jerusalencho caycaran Simeón jutiyoj. Payga Tayta Dios ricaptinpis runa-masincuna ricaptinpis alli cawaran. Israelcuna ñacaycashanpita Cristo shamur jorgunanpaj cashantapis shuyaycaran. Payga Espíritu Santupa munayninchömi cawaj.

Hechos 5:31

Nircurmi Diosga derëchu caj-lädunman jamachisha, munayniyoj mandaj cananpaj, salbamajninchi cananpaj. Chaymi Israelcuna juchancunapita arpinticur mañacuptenga perdunanga.

Romanos 5:20

Moisés isquirbishan layga masrämi musyachimashcanchi llapanchïpis fiyupa juchasapa cashanchïta. Chayno caycashapis Tayta Diosmi ichanga cuyapäcoj car mana yamacaypa perdunamashcanchi.

Romanos 9:22

Tayta Diosninchïpis chaynömi ruran. Tayta Diosga waquin runacunata distinaran castigashanta ricacunanpaj. Y waquin runacunatana distinaran munayniyoj cashanta ricachinanpaj. Ichanga Tayta Diosninchi pasinsacurmi awantasha mana allita rurar castïguman aywananpaj caycaj runacunata.

Efesios 1:6

Chaynöga rurasha cuyapämashanchïpita imaypis Tayta Diosninchïta alabananchïpämi. Cuyay wamran-raycumi Tayta Diosga chasquimashcanchi.

Efesios 1:8

Chaynöpis cuyapämashpanchïmi alli yarpayta gomashcanchi sumaj tantiyacunanchïpaj.

Deuteronomio 32:4

Paymi imapitapis chapämajninchi. Pay rurashancunaga fiyupa allimi. Imatapis allillatami ruran. Payga manami imaypis llullacunchu. Payga llapantapis allimi rican. ¡Alli cajtami ruran; rasun cajllatami riman!

Santiago 5:11

Noganchëga musyanchïmi Tayta Diosninchi munashanno mana yamacaypa goyajcuna cushisha cananpaj cashanta. Tantiyacuy Job fiyupa ñacarpis mana yamacaypa Tayta Diosninchïman yäracushanta. Chayno yäracuptinmi Tayta Diosninchi cuyapäcoj cashpan payta yanaparan. Tayta Diosninchëga noganchïtapis mana gongaypami imaypis cuyapämanchi.

2 Pedro 3:15

Tantiyacuy Taytanchi Jesucristo imanir manaraj cutimushanta. Payga shuyaraycan runacuna arpinticunantami. Chayno cananpaj cashantaga ermänunchi Pablupis Tayta Diosninchi tantiyachiptin isquirbimushanami.

2 Pedro 3:9

Chayno caycaptenga ama yarpäshunchu: «Jesucristoga ¿imanirtaj mana cutimunchu?» nir. Tayta Jesucristoga shuyaraycan llapan runa arpinticunantami. Payga manami munanchu pipis juchallancho wañunanta.

1 Samuel 2:3

«Pipis ama alli-tucur rimachunchu. Pipis ama puydej-tucuchunchu. Tayta Diosga imatapis llapantami musyan. Payga rurashan-tupumi runata jusgan.