Isaías 30:1 - Tayta Diosninchi Isquirbichishan

¹ Tayta Diosmi nin: «¡Ay imanöraj canga mana wiyacoj wamräcuna! Mana tapucamayllapami jucwan-jucwan parlacusha. Chaynöpami jananman-jananman juchata rurarcaycan.

Isaías 30:1 ပူးပေါင်းရင်းမြစ်များ

2 Reyes 18:21

Nogaga musyaycämi Egipto runacuna yanapäshunayquipaj yäracuycashayquita. Egiptoga caycan challcucoj shogushnömi. Pipis tucnacurcuptenga maqui paltanpapis challcur päsarinmi. Chaynömi Egiptupa faraonnenga payman yäracojta engañanga.

2 Reyes 18:24

Egipto nasyunpita cawallucunata muntacojcunata tarimuyta yarparpis ¿imanöparäshi binsinquiman munayniyoj raynëpa suldäruncunapa manacajnin mandajllantapis?

Salmos 61:4

Gampa wasiquichömi imaycamapis goyayta munä. Älayqui rurinman pacaycamay ari. Selah

Isaías 1:2

Janaj pacha, cay pacha Tayta Dios cayno nishanta wiyay: «Wamräcunatami rucuyänancama uywashcä. Rucuyarcurnaga chiquicarcamashana.

Isaías 1:23

Mandajniquicunapis Tayta Diosta manami wiyacunchu. Paycunaga suwacunapa amiställanmi. Paycunaga munarcaycan pacayllapa päguta chasquiytami. Munarcaycan imapitapis imallatapis päganantami. Wacchacunataga manami alli arriglanchu. Biyüdacuna dimandacuptinpis manami cäsunchu.

Isaías 1:4

Ay imanöraj canqui juchasapa runacuna, mana allita rurar jucha aparicoj runacuna, juchasapacunapita mirajcuna, pirdicasha wamracuna. Gamcunaga Tayta Diospitami witicurishcanqui. Israelcunapa Santo Diosnintami manacajman churashcanqui. Paytaga gongaycärishcanquinami.

Isaías 1:5

¿Imapänataj mastaga castigasha caytapis munanqui? ¿Jinallarächu mana wiyacoj caycanqui? Cuerpuyquipis manami jäcunnachu maynincho astinäpäpis. Umayquipis intëru rachishallanami. Imata ruranayquipäpis gänasniqui manami cannachu.

Isaías 28:15

Gamcunaga nircaycanqui: «Wañuywanmi parlashcäcuna fiyupa manchariypaj mana alli chayamuptin nogacuna mana wañunäpaj. Nogacunaga llullacuypami pacacushäcuna. Engañaypami chapacushäcunapis.»

Isaías 28:20

Chaura gamcunaga caycanquipaj mana tincushayqui quichqui cawituman puñucuycojnömi, tacshalla gatacunawan gatacojnöllami.

Isaías 29:15

¡Ay imanöraj canqui mana allita rurananpaj yarpaycashanta pacashpan Tayta Diospita pacacojcuna! Paycunaga chacaypami mana allicunata ruran. Nircur «Manami pipis ricamanchïchu. Manami pipis musyanchu» nin.

Isaías 30:9

Cay nasyun runacunaga mana wiyacoj llullami. Tayta Dios yachachishantapis manami wiyayta munanchu.

Isaías 31:1

¡Ay imanöraj canqui yanapänanpaj Egiptucunaman ruwacoj aywajcuna; Egipto runacunapa cawalluncunaman yäracojcuna; aypalla carrëtancuna cashanman yäracojcuna; cawalluta muntacurcur pillyajcunaman yäracojcuna! Paycunaga yarpayllapis manami yarpärinchu Israelcunapa Santo Tayta Diosninman. Paymanga manami yäracunpischu.

Isaías 32:2

Raypis mandäshejcunapis cada-ünun cangapaj wayra chayananta chapajno, löcu wayrapita pacacunano, chaqui jircacunata pargunapaj sicyano, chaqui jircacho jatuncaray gagapa llantuyninno.

Isaías 4:5

Acrashan runacuna shuntacasha caycashan Sión löma jananpaga Tayta Diosmi junajpa yurichengapaj yana pucutayta. Chacaypanami yurichenga fiyupa achicyar nina rataycajta. Tayta Dios munayniyoj cashannami juc toldunöpis llapanpa jananpa mashtacäconga

Isaías 5:18

Ay imanöraj canqui llullacuypa mana allita apaycämojcuna, jucha rurayta garchaycämojcuna.

Isaías 63:10

Chaypis paycunaga Tayta Diospa contranmi ricacuran. Chaymi Santo Tayta Diosta rabyachiran. Chaynöpami Tayta Diosga paycunapaj rabyacurcuran. Nircur contran ricacur castigaran.

Isaías 65:2

Conträ ricacoj runacunatami witimunanpaj goyay-goyay maquëta macyarashcä. Chay runacunaga quiquincuna munashannöllami llutan caminupa aywarcaycan.

Isaías 8:11

Sumaj charircamar Tayta Dios willapämaran cay Judá runacuna rurashannöga imatapis mana ruranäpaj. Tayta Dios nimaran:

Isaías 8:12

«Runacuna ‹Raypa contran jatarircaycan› nir parlashanta ama riguinquichu. Paycuna manchacushantapis ama manchacunquichu.

Isaías 8:19

Ichanga runacuna nishunquipaj: «Almata tapucuy. Tapucuy shap-shapyayllapa parlaj musyacojcunata» nir. ¿Imanirtaj runacunaga wañojcunapa almanta tapucun? Chaypa ruquin runaga ¿manachu Tayta Diosta tapucunman?

Jeremías 17:5

Tayta Dios nin: «Maldisyunädumi canga runa-masillanman yäracojcunaga. Maldisyunädumi canga callpallanman yäracojcunaga. Maldisyunädumi canga nogaman mana yäracamoj runaga.

Jeremías 2:18

Cananga ¿ima allitataj jorgunqui Egiptuman yäracur, Nilo mayu yacuta upushpayqui? ¿Ima allitataj jorgunqui Asiriaman yäracur, Éufrates mayu yacuta upushpayqui?

Jeremías 37:7

«Tapucamänanpaj cachamushoj Judäpa rayninta willanqui. Gamcunata yanapäshunayquipaj faraonpa suldäruncuna aywamöga Egiptumanmi cuticonga.

Jeremías 4:17

Tayta Diosnin caycaptë conträ ricacushanpitami Judá runacunataga runa chacranta tumajno intëru cantunpa contrancuna curalapaycärenga. Noga Tayta Diosmi chayno në.

Jeremías 42:19

Quëdasharaj caycaj Judá runacunataga Tayta Dios nishunqui Egiptuman mana aywanayquipämi. Canan nishäta sumaj yarpachacuy.

Jeremías 5:23

Gamcunaga carcaycanqui mana wiyacoj upaman ticrashami. Chaymi nogata cachaycamar aywacushcanqui.

Ezequiel 11:2

Tayta Dios nimaran: «Runa, chay runacunami mana allita rurayllata yarparcaycan. Siudächo tiyajcunatapis llutantami willaparcaycan.

Ezequiel 2:3

Caynömi niycämaran: «Runa, gamtami Israelcunaman cachashayqui. Chay runacunaga mana wiyacoj carmi Nogapa conträ ricacusha. Unay caj awiluncunapis canan caycajcunapis nogapa conträmi ricacusha.

Ezequiel 24:3

Chaymi mana wiyacoj runacunataga yarparänanpaj tincuchiypa willapay cayno nir: «Jatun mancata churcushun. Nircur yacuta wiñashun.

Ezequiel 29:16

Israel runacunapis yapayga mananami Egiptuman yäracongapänachu. Chaypa ruquenga paycuna tantiyaconga Egiptuman guellicushpan mana allita rurashantami. Chauraga paycuna musyangapämi noga Tayta Dios cashäta.› »

Ezequiel 3:9

Noga camacächishaj gagacunapitapis mas chucru caycaj asul rumino chucru canayquipämi. Paycunataga ama manchacuychu. May-jina mana wiyacur fiyupa rabyasha caycaptinpis ama manchacuychu.»

Oseas 11:6

Siudächo tiyajcunataga sabliwanmi wañuchenga. Llapan runacunatami illgächir ushanga. Yarpashancunatapis manami camacächenganachu.

Oseas 13:2

Cananpis jinallami juchata rurarcaycan. Guellaynincunata chullurcachir ïdulucunata rurachicurcun. Chay ïdulucunataga guellay tacajmi yachashanman-tupu rurapan. Nircorga nin: «Paypaj garayniquita churay-llapa» nir. Chaura runacunaga jundiypa rurashan töruta rispitashpan muchan.

Oseas 7:13

«Ay, nogata gongaycamajcunaga imanöräshi canga. Paycunaga illganga nogapa conträ ricacushanpitami. Paycunaga nogapa conträmi llullacurcaycan. Man'chäga noga salbämanmi.

Zacarías 4:6

Chaura payga cayno nimaran: «Zorobabelpaj Tayta Dios nishan caynömi caycan: ‹Manami suldärucunatarächu, manami callpataräpischu nistan, chaypa ruquenga Espiritullätami. Noga munayniyoj Tayta Diosmi chayno në.

Números 32:14

«¿Canan gamcunapis Tayta Diosta rabyachej unay Israel-masiquicunanöllachu guellanächiyta munaycanqui? Chayno guellanächiptiquega yapaymi Israelcunapaj Tayta Dios rabyacurcongapaj.

Romanos 2:5

Gammi ichanga canqui rumi shongu. ¿Imanirtaj jucha rurayta mana cacharinquichu? Jucha rurayta mana cachariptiquega Tayta Diosninchi fiyupa rabyar llapan juchayquipitami jusgar castigashunquipaj.

Deuteronomio 29:19

«Cay conträtuta chasquircur ama yarpaychu mana cumliptiquipis Tayta Dios mana castigashunayquipaj cashanta. Mana cumlerga juchayojmi canquipaj Tayta Dios llapayquita castigar ushacächishunayquipaj.

Deuteronomio 9:24

Gamcunaga rejsishäpita-pachami Tayta Diosta mana wiyacoj runacuna cashcanqui.

Deuteronomio 9:7

«Chunyajcho Tayta Diosta rabyachishayquipita castigashushayquita imaypis ama gonganquichu. Egiptupita llojshimushayquipita-pachami gamcunaga payta mana wiyacunquichu.

2 Timoteo 3:13

Fiyu runacuna y engañajcunaga mas mana allimanmi chayanga. Waquinta engañanga y quiquincunatapis jucga engañangami.

Josué 9:14

Gabaón runacuna micunanpaj apamushanta ricar Israelcunaga riguiran. Ichanga Tayta Diosta mana tapucuranchu.