Isaías 3:13 - Tayta Diosninchi Isquirbichishan

¹³ Tayta Diosga acrashan runacunata dimandananpänami caycan. Paycunata juchanpita jusgananpänami caycan.

Isaías 3:13 ပူးပေါင်းရင်းမြစ်များ

Salmos 12:5

Tayta Diosga caynömi nin: «Pobricunata, wacchacunata, ñacachishpan munashanta ruraycächin. Chaypitami cananga salbashaj yanapänäpaj shuyaycämajcunataga.»

Salmos 74:22

¡Apuray Tayta Dios! ¡Munayniyoj cashayquita musyachiy! ¡Musyashayquinöpis mana tantiyajcunaga mana chawaypami contrayqui rimarcaycan!

Salmos 82:1

Syëlucho caycajcunapita mas munayniyojmi Tayta Diosga. Paymi chaupicho ichircur llapan dioscunata jusgar nin:

Isaías 1:18

Tayta Diosmi nin: «Shamuy-llapa. Cananmi sumaj parlar alli tantiyashun. Puca fiyupa tiñicashano gamcuna juchayoj captiquipis, Nogami limyuyächishayqui rashtanöna yuraj canayquipaj. Muräduman tiñisha tëlano captiquicunapis, Nogami limyuyächishayqui merïnu millwano yuraj canayquipaj.

Isaías 51:22

Acrashan runacunata imapitapis chapaj Tayta Diosniquimi cayno nin: «Castigacuna cöpa aptaraycashayquita guechurejnami-aywä. Cananpitaga mananami imaypis upunquipänachu noga rabyar upuchina cöpäpita.

Isaías 66:16

Tayta Diosga llapan runacunatami ninawan castiganga. Espädanta aptacurcurmi llapanta jusgangapaj. Chaynöpami Tayta Dios castigaptin aypalla runa wañongapaj.

Joel 3:12

Llapan nasyuncho tiyaj runacuna llapayqui camaricuy. Nircorga ayway Josafat guechwa pampaman. Chaychömi Tayta Dios jusgaj-aywan Israelpa bisïnun nasyun runacunata.

Miqueas 6:1

Israelcuna, Tayta Dios nishanta wiyay-llapa. Paymi nin: «Lömacuna wiyaycäshuptiqui ichircur difindicuy ari. Imata rimashayquitapis puntacuna wiyachun.

Miqueas 6:2

Mundu mana cuyucunanpaj tucnaraycaj simintuncunapis puntacunapis sumaj wiyay-llapa. Acrashä runacunatami jusgaj-aywä. Israel runacunatami imata rurashallantapis jorgapaj-aywä.