Isaías 3:11 - Tayta Diosninchi Isquirbichishan

¹¹ ¡Ay imanöraj canga juchasapacuna! Paycunataga imatapis rurashanman-tupumi Tayta Dios cutichenga.

Isaías 3:11 ပူးပေါင်းရင်းမြစ်များ

Génesis 18:25

¿Juchaynaj runacunatawan juchasapa runacunata tallucashata wañuchinquimanchuraj? Juchaynajcunataga juchayojcunatano manami wañuchinquimanchu. Chaytaga ruraycunquimanrächu. Mundu intërucho llapanpa juchaynaj jueznin caycarga ¿manachu alli arriglanquiman?» nir.

2 Samuel 3:39

Chaymi nogaga, Dios acrashan ray caycashpäpis Sarviapa wamrancuna Joabta y Abisaitaga wañuchicoj captin manchacömi. ¡Chaypita Tayta Dios castigachun!»

1 Reyes 21:21

Chaymi Tayta Dios nisha: ‹Gammanmi fiyupa mana allita chayachimushaj. Gampita mirajcunatapis ushajpämi illgächishaj. Israelcho caycajta llapantami wañuchishaj ollgu caj wamrayquicunata, uywayniquita, mana uywayniqui cajtapis.

2 Crónicas 6:23

gamga wiyamunqui syëlupita-pacha. Imanöpis cashanpita uywayniquicunataga arriglaycuy. Juchayoj cajtaga castiganqui juchanpita, mana allicunata rurashanpita. Juchaynajcunataga ima chayananpaj caycaptinpis chapaycunqui.

Job 10:15

Juchata rurasha carga manami salbacönachu. Juchaynaj carpis uysurayllami uysuräcö. Manacajmanmi churamashcanqui, llaquicaycächimanqui.

Salmos 28:4

Paycunataga castigay ari mana allita rurashanman-tupu. Juchata rurashanman-tupu ayñita cutichiy.

Salmos 62:12

Payllami munayniyoj y cuyacöga. Paymi cada runata cutichin rurashanman-tupu.

Proverbios 1:31

Mana wiyacushayquipitami fiyupa ñacanquipaj. Juchayqui-tupumi fiyupa ñacayman chayanquipaj.

Proverbios 11:31

Cay pachacho alli runacunapis ñacaycaptenga juchasapacunawan fiyu runacunaga imanöraj ñacanga.

Proverbios 12:14

Alli runaga shimillanpitami imatapis allita tarin. Imanöpis rurashan-tupumi pägataga chasquin.

Proverbios 26:27

Uchcuta uchcorga quiquinmi uchcushanman yagan. Gagata amijtapis quiquintami rumiga ñitirin.

Isaías 13:11

Tayta Diosmi nin: «Allpacho tiyajcunataga ushajpämi illgächishaj. Mana allita rurashanpitami runata castigashaj. Mana rispitacojcunatawan alli-tucojcunatapis pengaymanmi churashaj. Alli-tucoj fiyu runacuna manami canganachu.

Isaías 48:22

Ichanga Tayta Dios nin: «Fiyucunapäga alli goyaypis manami canchu» nir.

Isaías 65:20

Chaychöga wamracunapis yurircullarga manami wañonganachu. Auquincunapis cawanga alli wañuypa wañunanyajmi. Pachac watayoj caycashancho wañorga wañonga mösullaraj caycashpanmi. Manaraj pachac watamanpis chayallar wañojtaga ‹maldisyunädumi casha› nengami.

Isaías 65:6

Chay runacuna imanöpis rurashanga llapanmi nogapa ñaupächo isquirbiraycan. Chaymi castigänillataga mana cachashächu. Paycunataga castigashaj

Isaías 65:7

quiquincunapa juchanpita, taytancunapa juchanpitapis. Paycunaga puntacunacho insinsutapis rupachin. Puytush lömacunachöpis ïdulucunata adurar rabyachimaj. Chaypitami imanöpis rurashanman-tupu castigashaj.» Tayta Diosmi chayno nisha.

Jeremías 21:14

Chaymi imatapis rurashayquimanno castigashayqui. Ima-aycayquitapis rupaycachishämi. Llapantami ninaga rupacurcongapaj. Noga Tayta Diosmi chayno në.»

Jeremías 31:30

Pipis pochgoj übasta micuptenga chay micoj cajpami quirun shimpanga. Chaynöpis juchata ruraj cajmi juchanpitaga wañonga.»

Ezequiel 16:59

« ‹Noga Tayta Diosga mastapis në: Gamga parlashanchïta manami cumlishcanquichu. Nogami ichanga chayno mana rurashächu.

Ezequiel 18:20

Pipis juchata ruraj cajllami wañonga. Ni wamranpis manami wañongachu papänin juchata rurashanpitaga. Ni papäninpis manami wañongachu wamran juchata rurashanpitaga. Allita ruraj cäga rurashanpita allitami chasquenga. Mana allita ruraj cajnami mana allita rurashanpita castigasha canga.

Ezequiel 2:10

Chay maquiga ricapaycaptë rölluta pachgariran. Ishcan-läpami isquirbisha caycaran. Chay isquirbishaga caycaran: llaquicuypaj, nanächicur wagaypaj nishancunami.

Ezequiel 24:14

Noga Tayta Diosmi chayno nishcä. Nishäga chaynömi canga. Quiquëmi chayno cananpaj camacächishäpis. Chaytaga manami cutiricushächu. Simrimi cumlishaj. Manami cuyapäshächu, ni pësacushäpischu. Imanöpis rurashayquipitami, imanöpis cashayquipitami castigashayquipaj. Noga Tayta Diosmi chayno në.»

Ezequiel 33:8

Capas mana allita ruraj runataga noga willachëman ‹wañunquimi› nir. Chayno niycaptë chay runa mana allita ruraycashanta cachaycunanpaj mana willaptiquega manami cachaycunmanchu mana allita ruraycashanta. Chay runaga juchanpitami wañonga. Ichanga chay runa wañushanpita gamtami tapushayquipaj.

Miqueas 3:4

Gamcunaga juc junaj Tayta Diosta mañacunquipämi. Ichanga pay manami wiyashunquipänachu. Fiyupa mana allita rurashayquicunapitami gamcunapitaga juc-läpa ticracurcongapaj.

Miqueas 7:13

Chay nasyun runacunapa nasyunnenga chunyajman ticrashami quëdanga. Chaynöga canga chaycho tiyaj runacuna juchancunapitami y mana allita rurashanpitami.

Números 32:23

Nishayquino mana cumlishpayquimi ichanga Tayta Diospa ñaupancho juchayoj ricacunquipaj. Chaura chay juchayquipita castigashunquipämi.

2 Corintios 5:10

Llapanchïmi Jesucristupa ñaupanman chayashunpaj imano cawashanchïpitapis pay jusgamänanchïpaj. Chaychömi premyuta chasquishunpaj cay pachacho imano cawashanchïpitapis.

Santiago 2:13

Runa-masinchïta mana cuyapaptinchëga Tayta Diosninchïpis mana cuyapaypami castigamäshunpaj. Runa-masinchïta cuyaparmi ichanga Tayta Dios jusganan junaj allicho llojshishun.

Jueces 9:57

Shequem runacuna mana allita rurashanpitapis Tayta Diosga camacächiran paycuna wañunanpaj. Jerobaalpa wamran Jotam maldisyunta goshanga chaynömi cumlicaran.