Isaías 29:9 - Tayta Diosninchi Isquirbichishan

⁹ ¡Ariel runacuna, gamcunaga jinalla goyarcaycay mana tantiyacuypa! ¡Gaprano, imatapis mana ricajno goyarcaycay! ¡Machächicojta mana upusha caycashpayquicunapis machasha runano tapraycachaycanqui!

Isaías 29:9 ပူးပေါင်းရင်းမြစ်များ

Isaías 1:2

Janaj pacha, cay pacha Tayta Dios cayno nishanta wiyay: «Wamräcunatami rucuyänancama uywashcä. Rucuyarcurnaga chiquicarcamashana.

Isaías 19:14

Paycunamanga Tayta Diosmi cachasha pantachicoj espirituta. Egipto runacunataga chay espiritucunami rasun cajtaga mana rurachishachu. Chaymi chay runacunaga carcaycan machasha runa gumitashan jananman tunir mana musyashanno.

Isaías 29:1

«¡Ay imanöraj canqui Davidpa siudänin Ariel! ¡Ay imanöraj canqui David pachacushan Jerusalén siudä! Chay siudächo tiyajcunaga cada wata fistata rurar cushicushpanmi goyarcaycan.

Isaías 29:10

Tayta Diosmi camacächisha gamcuna fiyupa wañuy puñuypa puñucäcunayquipaj. Profëtacunami caycan llapan runacunapa ñawinnöpis. Ichanga Tayta Diosmi bendarcusha mana ricananpaj.

Isaías 49:26

Ñacachishojcunataga quiquin-pura micunacunanpämi camacächishaj. Machananpaj bïnuta upushannömi quiquincunapa yawarnintapis uponga. Chaynöpami llapan runacuna musyangapaj Noga Tayta Dios salbashojniqui cashäta, Jacobpa munayniyoj Diosnin gamcunata chapaj cashäta.»

Isaías 51:17

Jerusalén, apurä ricchay ari. Juclla jatariy. Gamga Tayta Dios castigacunan cöpacho caycajtami upushcanqui. Juc runa cöpata charir ushajpaj upucurcur fiyupa machasha cashannömi ñacashcanqui.

Isaías 56:10

Paycunata mandaycäga gaprayashami carcaycan. Manami imatapis musyanchu. Llapanpis paycunaga carcaycan mana wagyacoj allgunömi. Paycunaga goyay-goyaymi jitaräcun. Puñullarmi cacun.

Isaías 6:10

Isaías, chay runacunapa yarpayninta ticrachiy mana tantiyajman. Rinrincunatapis llutarcuy mana wiyananpaj. Ñawintapis chaparcuy mana ricananpaj. Chaynöpami mana ricar mana wiyar mana tantiyangachu. Chaynöpami mana arpinticongachu. Chayno captenga nogapis manami allchacächishächu.»

Isaías 63:6

Fiyupa rabyasha cashpämi nasyuncunataga llapirishcä. Fiyupa ollgusha carmi illgarachishcä. Yawarninpis yacunörämi pampapa aywasha.»

Jeremías 13:13

Chaura gamna ninqui: ‹Tayta Diosmi nimasha cay nasyuncho tiyaj runacunataga llapanta machächinanpaj cashanta. Machächenga David jamarashancho jamaraj raycunata, cüracunata, profëtacunata, Jerusalencho tiyajcunatapis llapanta.

Jeremías 2:12

Chayno cashanpitaga syëlupis mancharinmi. Mana allicunata ricashanpitaga sicsicyanmi. Noga Tayta Diosmi chayno në.

Jeremías 23:9

Noga Jeremiasga, Tayta Diospa ñaupancho caycashpä, profëtacunapaj Tayta Dios parlashanta wiyashäpitami pasaypa turwatashano caycä. Intëru cuerpöpis sicsicyaycan. Fiyupa machasha runano, mana yarpänancama upyasha runano caycä.

Jeremías 25:27

Upuchej aywanäpaj cachamashpan Tayta Diosga nimaran: «Jeremías, chay runacunata niy machänancama, tuninancama, gumitanancama chay cöpapita upunanpaj. Chaynöga ruracanga paycunacho guërra cananpaj camacächiptëmi.

Jeremías 4:9

Tayta Diosmi cayno nin: «Chay junaj chayamuptenga raypis, mandajcunapis manchariywan sicsicyangami. Cüracunapis fiyupami mancharengapaj. Profëtacunapis jupayllashanömi ricacongapaj.»

Jeremías 51:7

Babiloniaga maquëcho caran gori cöpata aptaraycashänömi. Chay cöpawanmi llapan nasyuncho tiyajcunata upuchirä. Nasyuncunacho tiyaj runacunaga chay cöpapita bïnuta upucurcurmi löcutaran.

Lamentaciones 4:21

Uz particho caj Edom nasyun runacuna mä cushicuy ari. Gamcuna cajmanpis castïgu chayamongapämi. Chauraga macharcur garapächulla cashannömi pengaypaj ricacunquipaj.

Habacuc 1:5

Tayta Diosnami cutichir niran: «Masqui ricay nasyuncunata. Masqui ricay imano päsaycashantapis. Fiyupa manchariypajcunata ruranäpämi caycä. Imano ruranäpaj caycajtapis willashuptiqui gamcunaga manami riguinquimanchu.

Mateo 26:45

Chaypitanaga yapay cutimur niran: «¿Imapänataj mastaga puñunquipis uticashanöga? Chayamushanami noga Destinädu Runata juchasapacuna prësu charimänanpaj öra.

Marcos 14:41

Quimsa cuti cajcho cutimurnaga niran: «¿Imapänataj mastaga puñunquipis uticashanöga? Chayamushanami noga Destinädu Runata juchasapacuna prësu charimänanpaj öra.

Apocalipsis 17:6

Chaypita ricärishächönami cuentata gocurirä Jesucristuman yäracojcunata wañurcachir yawarninta upushanwan chay warmi machasha caycajta. Chayta ricaycur mancharirmi imata ruraytapis mana camäpacurächu.