Isaías 29:7 - Tayta Diosninchi Isquirbichishan

⁷ Aypalla nasyun runacuna Arielcho tiyajcunawan pillyarcaycäga illgangapaj suyñunöllami. Llapan magaycaj runacunaga, perga curralta juchuycächejcunaga illgangapaj chacaypa ricapacushannöllami.

Isaías 29:7 ပူးပေါင်းရင်းမြစ်များ

Job 20:8

Chacaypa ricapacushannömi, suyñuynincho ricashannöllami illgangapaj. Chauraga pipis manami tarengapänachu chay runataga.

Salmos 73:20

Tayta Dios, fiyu runacunataga juc runa suyñushanta gongaycojnömi pï-maypis gongayconga.

Isaías 17:14

Chay runacuna tardipaga fiyupa mancharishami carcaycanga. Pacha wararcuptenga chiquimajninchïcuna llapanmi mana canganachu. Chaynömi illganga imanchïtapis suwapämajninchïcuna, marcanchïtapis mana allita rurajcunaga.

Isaías 37:36

Chay nishan chacayllami Tayta Diospa anjilnin chayaycur wañuchiran Asiria suldärucuna pachacaraycajta pachac pusaj chunca pichgan waranga (185,000) runacunata. Warannin tuta waquin suldärucuna riccharcamorga tariran wañusha mashtarpaycajtana.

Isaías 40:17

Paypa ñaupanchöga llapan nasyuncunapis manami imapischu. Paypäga llapanpis manacajllami caycan.

Nahúm 1:15

¡Judá runacuna, masqui ricay! Willacoj maynami jircacunapa aywaycämun alli goyay cananpäna willapata apamushpan. Diosta adurana fistayquicunata rurayna. Tayta Diosta aunishayquicunatapis cumliyna. Yapayga imaypis manami fiyu runacunapa munaynincho canquipänachu. Chay fiyu runacunaga ushajpänami ushacasha.

Nahúm 2:1

Nínive, gammanga illgächicojmi aywaycämun. ¡Sumaj curalasha siudäniquicunapa pergan jananman camacay ricachacojcuna! ¡Nänipa shamojta ricachacuy! ¡Espädayquita chegllayquiman sumaj watacuy! ¡Pillyanayquipaj sumaj camaricuy-llapa!

Zacarías 12:9

«Chay junäga illgächishämi maygan nasyun runacunatapis Jerusalenman magaj yaycoj cajtaga.