Isaías 29:5 - Tayta Diosninchi Isquirbichishan

^5-6 Ichanga mana yarpashapitami Noga munayniyoj Tayta Diosga chiquishojcunata castigashaj. Paycunataga castigashaj räyuwan, timlurwan, löcu wayrawan, löcu tamyawan. Chay aypalla chiquishojcunaga quëdangapaj ñuchu allpamanno ticrashami. Aypalla gaticachäshojcunaga cangapaj chaqui pangata wayra apashanömi.

Isaías 29:5 ပူးပေါင်းရင်းမြစ်များ

Job 21:18

¿Imayllaga paycunata shucucuy wayra ogshata apajno machiypa machishachuraj?

Salmos 1:4

Fiyu runacunapäga manami chaynöchu. Paycunaga carcaycan wayra apashan chaqui panganömi.

Salmos 35:5

Tayta Diospa anjilnin apaptin ricacuchun rïgupa punshanta wayra apashanno.

Isaías 13:11

Tayta Diosmi nin: «Allpacho tiyajcunataga ushajpämi illgächishaj. Mana allita rurashanpitami runata castigashaj. Mana rispitacojcunatawan alli-tucojcunatapis pengaymanmi churashaj. Alli-tucoj fiyu runacuna manami canganachu.

Isaías 25:3

Chaypitami chay siudächo caj munayniyoj runacunapis rispitashunquipaj. Fiyu runacunapis manchacushunquipaj.

Isaías 25:4

Pobricunataga gammi imaypis washashcanqui. Llaquicuycajcunatapis yanapar chapashcanquimi. Löcu tamya mana chayananpaj pacacunanmi cashcanqui. Fiyupa shanay mana chayananpäpis llantunmi cashcanqui. Fiyu runacunapa jämayninmi ichanga caycan löcu tamyano,

Isaías 25:5

chaqui jircaman shanay chayajno. Fiyupa shanaycaptin pucutaywan llantuchishayquinömi ollgoj runacuna gaparpaycashantapis gamga chawächinqui. Gammi ninqui fiyu runacuna upällalla wiyarpänanpäpis.

Isaías 29:20

Mana rispitacojcunaga manami canganachu. Fiyucunapis manami canganachu. Llutan ruraycunallata yarpajcunapis illganganami.

Isaías 30:13

Chaypitami gamcunaga juchayoj canqui. Juchayquega altu perga shillisha caycajnömi caycan. Perga shillicar mana yarpashapita amicäcojnömi canga.

Isaías 31:3

Egipto runacunaga runallami, manami dioscunachu. Cawalluncunapis aychallami, manami espirituchu. Tayta Diosga paycunata castigangami. Chauraga yanapaj Egiptuwan, «yanapämay» nej cajpis mana allimanmi chayangapaj. Llapan iwalmi wañongapaj.

Isaías 31:8

«Asiria runacunaga llapanmi sabliwan wañongapaj. Ichanga manami runacunapa espädanwanchu wañonga. Sinöga quiquëpa espädäwanmi ushacanga. Guërra captin chay runacunaga gueshpirmi aywacongapaj. Pillyay-yachaj mösucunatanami uywayman ticrachengapaj.

Isaías 37:36

Chay nishan chacayllami Tayta Diospa anjilnin chayaycur wañuchiran Asiria suldärucuna pachacaraycajta pachac pusaj chunca pichgan waranga (185,000) runacunata. Warannin tuta waquin suldärucuna riccharcamorga tariran wañusha mashtarpaycajtana.

Isaías 40:15

Tayta Diospäga nasyuncuna caycan jutuy yacunöllami. Paypäga nasyuncuna caycan ichicnaylla allpa balansacho caycajnöllami. Lamar chaupincho caycaj nasyuncunapis juc agushnöllami caycan.

Isaías 41:11

«Chiquishojcunaga llapanmi pengaypaj manacajman churasha cangapaj. Gamcunawan pillyaj cajcunaga ushajpämi illganga.

Isaías 41:15

Gamcunataga mushoj alli quiruyoj rïguta ëracunamannömi ticrachishayqui. Chayno alli quiruyoj carmi puntacunatapis yapyarinquipaj. Contrayquicunatapis rïgupa päjantano muntuy-muntuy goturaycajtami cachaycunquipaj.

Isaías 41:16

Paycunaga wayra apacuptin illgashannömi ushacangapaj. Löcu wayra shamur wacpa-caypa machirishannömi illgangapaj. Chaynöpami Tayta Dios yanapäshushayquipita fiyupa cushicunquipaj. Santo Diosniquipäga fiyupa cushishami caycanquipaj.

Isaías 47:11

Gammanga fiyupa disigrasyami chayamoj-aywan. Chay disigrasya imay cananpaj cashantapis manami musyanquipächu. Fiyupa mana alli chayashunayquipaj cajpitaga manami imanöpapis gueshpinquipächu. Mana yarpashayqui fiyupa mana allicunami illajpita chayashunquipaj.

Isaías 48:3

Paymi cayno nin: «Unay imano cashantapis manaraj päsaptinmi willacachirä. Quiquëmi musyachirä. Illajpitami rurarä. Chauraga willacachishänöllami rasunpa llapanpis caran.

1 Tesalonicenses 5:3

Cutimunan junäga runacuna cawarcaycanga «Alli goyayllami caycan» nir. Niycaptinmi mana yarpashapita paycunamanga castïgu chayapayconga. Llapanta usharenga. Mayganpis manami gueshpengachu. Gueshyaj warmita mana yarpashapita nanay charishannömi ñacay chayapayconga.