Isaías 29:10 - Tayta Diosninchi Isquirbichishan

¹⁰ Tayta Diosmi camacächisha gamcuna fiyupa wañuy puñuypa puñucäcunayquipaj. Profëtacunami caycan llapan runacunapa ñawinnöpis. Ichanga Tayta Diosmi bendarcusha mana ricananpaj.

Isaías 29:10 ပူးပေါင်းရင်းမြစ်များ

Salmos 69:23

Ñawincunapis chacacäcuchun mana ricananpaj. Imaycamapis chancancuna chucchuchun.

Isaías 29:14

Chaypitami cay runacunapäga tantiyayta mana camäpacunanpaj camacächishaj. Camacächishaj cay runacuna fiyupa almirananpaj. Yachajcunapa yachaj cayninpis, tantiyajcunapa tantiyaj cayninpis manami canganachu.»

Isaías 30:10

Profëtacunatami nircaycan «Amana ricapacuynachu» nir. Profëtacunataga nircaycan: «Amana willapämaychu rasun cajta musyachishushayquita. Cushicuypaj cajcunallata willapämayga. Munashäcunallata willapämayga.

Isaías 43:27

Unay rimir-punta caj awiluyquipis juchatami ruraran. Yachachishojniquicunapis conträmi ricacuran.

Isaías 44:18

Chay runacunaga manami musyanchu, ni tantiyanpischu. Ñawin chapashanömi carcaycan. Manami tantiyanchu.

Jeremías 4:9

Tayta Diosmi cayno nin: «Chay junaj chayamuptenga raypis, mandajcunapis manchariywan sicsicyangami. Cüracunapis fiyupami mancharengapaj. Profëtacunapis jupayllashanömi ricacongapaj.»

Lamentaciones 4:14

Chaypitami cällicunapapis puriycan gaprano, mayman chayaytapis mana musyashpan. Yawarpita mana cawaj captinmi pipis mana yatayllapis yataycuyta munanchu.

Ezequiel 14:9

« ‹Juc profëta, mana rasun cajta willacuptenga noga Tayta Dios chayno camacächisha captëmi canga. Chauraga nogami chay profëtata castigar illgächishaj acrashä Israel runacunapita.

Miqueas 2:6

Gam Israelcunaga nircaycanqui: «Ama willapämaynachu imapis cananpaj cajcunata. Mana alliga manami nogacunata chayamangachu.

Miqueas 3:1

Sumaj wiyay-llapa: Israelcunapa autoridänincuna, mandajnincuna, gamcunaga ¿manachu alli cajta ruranquiman?

Miqueas 3:6

Chaypitami gamcunataga manana musyachishayquinachu imata ruranäpaj cajtapis. Ima cananpaj cajcunatapis manami willapäshayquinachu.» Chay profëtacunapäga intipis yagacongami. Paycunapäga pachapis chacacäcongami.

Romanos 11:8

Chayno cananpaj captinmi Tayta Diosninchïpa palabranchöpis cayno niycan: «Tayta Diosmi camacächisha mana tantiyacoj cananpaj. Ricaycarpis mana ricajno, wiyaycarpis mana wiyajno carcaycan. Canancamapis paycuna chaynömi caycan.»

2 Corintios 4:4

Paycunaga mana tantiyanchu Satanás chapata churaptinmi. Chaymi alli willacuy fiyupa achicyaj achquino caycaptinpis mana ricajno carcaycan. Jesucristo munayniyoj cashanta musyaycächishantapis mana tantiyanchu. Tayta Diospita Jesucristo musyaycächishantapis mana tantiyanchu.

1 Samuel 26:12

Chaynöpami Davidga Saulpa jawananpita lansanta, yacu purichicunanta apacurcur aywacuran. Manami pipis ricaranchu ni mayaranpischu. Llapanpis fiyupa puñucasha carcaycaran. Tayta Diosmi wañuypa puñucäcachiran.

1 Samuel 9:9

(Canan «profëta» nishanchïtami unayga «willacoj» nej. Chaymi Israelcuna Tayta Diosta tapucuyta munarga «Willacojta tapucoj aywashun» nej.)