Isaías 28:27 - Tayta Diosninchi Isquirbichishan

²⁷ Musyashanchïnöpis eneldotaga manami ëranchïchu. Cominustapis cawalluwanga manami ëracho lluchcachinchïchu. Eneldotaga gueruwan wiruyllapami shicwachinchi, cominustapis llanu guerucunawan wiruyllapami.

Isaías 28:27 ပူးပေါင်းရင်းမြစ်များ

2 Reyes 13:7

Joacazpaga manana carannachu achca suldäruncuna. Pichga chuncallana (50) caycaran cawalluwan cajcuna, chuncallana carrëtancunapis, chaquipa caj suldärucunana chunca waranga (10,000). Siriapa rayninmi binsir wañuchisha caran.

Proverbios 20:26

Yachaj rayga rïguta wayrajnömi fiyucunata acran. Nircur paycunataga rïgupa päjanta gollpojnömi illgarachenga.

Isaías 28:26

Diosmi tantiyachin imano murunanpäpis. Imano alli cashantapis musyachin.

Isaías 28:28

Rïgutami ichanga ëranchi. Chaypis manami ñuchunanyäga lluchcachinchïchu. Cawalluwan may-öra lluchcarcacherga rïgu llojshej cajta raquinchi rïguncuna manaraj ñuchuptin.

Isaías 41:15

Gamcunataga mushoj alli quiruyoj rïguta ëracunamannömi ticrachishayqui. Chayno alli quiruyoj carmi puntacunatapis yapyarinquipaj. Contrayquicunatapis rïgupa päjantano muntuy-muntuy goturaycajtami cachaycunquipaj.

Jeremías 10:24

Tayta Dios, castigarga castigamay cuyapayllapa. Rabyashaga ama castigamaychu ari. Rabyasha castigamarga illgarachimanquimanchari.

Jeremías 46:28

Jacobpita mirar aywaj sirbimajcuna ama manchacuychu. Nogami gamcunawan caycä. Gamcunata jitarishächo tiyaycashayqui nasyun runacunataga llapantami illgächishaj. Gamcunatami ichanga mana illgächishayquipächu. Chaypa ruquenga juchayqui-tupullami castigashayqui. Castigänillataga manami cachaycushayquipächu. Noga Tayta Diosmi chayno në.»

Amós 1:3

«Tayta Diosga caynömi nin: «Damasco siudä runacunaga fiyupa aypallatanami mana allita rurasha. Galaad runacunata alläpanami ñacachisha. Imanömi rïguta ëran fyërru ëracunawan, chaynömi rurasha. Chaypitami castigänillataga mana cachaycushächu.

Mateo 23:23

«¡Ay imanöraj canqui lay yachachejcunawan fariseucuna! ¡Janan shongullami carcaycanqui! Gamcunaga irbabuynapita, anispita, cominuspita, diesmuta raquiycanqui ‹Diospaj› nir. Chaypis manami cumlinquichu rasunpa cumlinayquipaj caj mandamintucunataga. Runa-masiquiwan alli arriglanquiman, runa-masiquita cuyapanquiman, Tayta Diosta wiyacunquiman. Cay mandamintucunataga imaypis cumlinquiman waquin caj mandamintucunatapis mana gongaypa.