Isaías 28:22 - Tayta Diosninchi Isquirbichishan

²² Chaymi amana caynachu mana rispitacöga. Mana rispitacoj captiqui wataraycäshushayqui cadina mastami apritacäconga. Nogaga wiyashcänami munayniyoj Tayta Dios cay nasyunta ushajpaj illgächinanpaj mayna nishanta.

Isaías 28:22 ပူးပေါင်းရင်းမြစ်များ

2 Crónicas 30:10

Cachashancunaga purimuran Efrainpa Manasespa juc siudäman juc siudäman chayar Zabulón trïbucunaman chayanancama. Willacur puriptin runacunaga manacajman churashpan asiparan.

2 Crónicas 33:11

Chaypitami Tayta Diosga camacächiran Asiria raypa mandaj suldäruncuna shamunanpaj. Paycunami Manasesta prësu charircur runsi cadinacunawan watarcur Babiloniaman aparan.

2 Crónicas 36:16

Tayta Diospa willacuyninta willapaptinpis pasaypa manacajman churar asiparan. Profëtacunatapis asiparan. Chaymi Tayta Diosga acrashan runacunapaj fiyupa rabyacurcuran. Chaymi runacunaga Tayta Diosman yäracunanpaj manana imata ruraytapis camäpacurannachu.

Salmos 107:16

Paymi acapa-acapa rurariran runsi puncucunatapis. Fyërru rancancunatapis acapa-acapa paquiriran.

Éxodo 8:25

Chaynöpami faraonga Moisesta Aarontawan gayarcachir niran: «Cananga ayway Tayta Diosniquita adurar uywacunata sacrifisyuta ruranayquipaj. Ichanga cay nasyunpita ama llojshinquichu.»

Proverbios 19:29

Shimisapacuna castigacänanpaj asticunaga caycanmi. Mana tantiyacoj upa runapis wajtan rawaychaj-rawaychajmi asticanga.

Proverbios 29:1

Piñacuycaptinpis tantiyacuyta mana munajcunaga manapis aycällatanami ushacanga. Jampipis manami canganachu.

Isaías 10:12

Sión lömatawan Jerusalenta Asiriapa rayninwan ushaycacherga paytapis Tayta Dios castigangami. Castiganga alli-tucushanpita, ollgoj car munayniyoj-tucushanpita.

Isaías 28:23

Sumaj wiyay noga nishäta tantiyacunayquipaj. Noga nishäcunataga juctapis mana cachaypa sumaj tantiyacuy.

Jeremías 15:17

Manami fistan-fistan purishcächu. Cushicuyllata yarpajcunapitapis witicushcämi. Gayamashayqui junajpita-pachami quiquillä goyäcushcä. Gamnömi jucha rurajcunapäpis fiyupa rabyä.

Jeremías 20:7

Tayta Dios, gamga llullapämashcanquimi. Nogaga nimashayquitami riguishcä. Gam nogapita mas callpa cashpayquimi binsimashcanqui. Cananga imay örapis runacuna asipänanmi caycä. Llapanmi manacajman churamar asipäman.

Jeremías 25:11

Cay nasyunpitaga ima-aycantapis ushajpämi apaconga. Siudäcunapis ragällanmi quëdanga. Cay nasyuncunacho tiyajcunaga ganchis chunca (70) watacamami Babiloniapa rayninpa maquincho canga.

Jeremías 36:23

Jehudí cada partita liguiyllanta rayga cuchilluwan cuchur-cuchur mashacuycashan nina rataycajman rupachiran. Rayga chayno cuchurcur-cuchurcur ushajpaj rupachiran.

Jeremías 39:7

Quiquin Sedequiaspatana ñawinta jorgachiran. Nircur Babiloniaman prësu apananpaj cadinawan watachiran.

Lamentaciones 1:14

«Juchäcunaga yügunömi lasaycäman. Quiquin Tayta Diosmi watarcamasha. Callpäpis ushacaycannami. Tayta Diosga cachaycamasha ichipayta mana puydishä runacunapa munayninmanmi.

Ezequiel 22:14

Ama yarpaychu imano rurashayquipitapis castigaptë ichipämänayquipaj cashantaga. Noga nishäga nishämi. Chaymi nishätaga cumlishaj.

Nahúm 1:9

Nínive runacuna ¿gamcunaga imanirtaj Tayta Diospa contran yarparcaycanqui? ¡Payga ushajpämi illgarachishunquipaj! Paypa contran cajcunataga illajpitami ushajpaj illgarachenga.

Mateo 27:39

Näninpa päsajcunami Jesusta ricar asiparan. Umancunata awishpan ashllir niran:

Mateo 27:44

Läduncho crusificaraycaj suwacunapis chaynöllami ashlliran.

Lucas 21:24

Waquintami sabliwan wañuchenga. Waquintanami caru nasyuncunaman prësu apanga. Mana Israel runacunanami Jerusalentaga munaynincho cachengapaj Tayta Dios nishan cumlinancama.

Hechos 17:32

«Wañushanpita cawaramusha» nir Pablo willapaptenga runacuna asiparan. Waquinna niran: «Rimashayquitaga juc junajrämi wiyashayqui.»