Isaías 28:21 - Tayta Diosninchi Isquirbichishan

²¹ Tayta Diosga Perazim jircacho rurashannömi illajpita usharenga. Gabaón guechwacho rurashannömi rabyawan usharenga. Runa tantiyayta mana atipashantami ruranga.

Isaías 28:21 ပူးပေါင်းရင်းမြစ်များ

2 Samuel 5:20

Davidpis aywar chayaran Baal-perazimman. Chaychömi Filistea runacunata binsiran. Nircur niran: «Aypalla yacu aywajnömi Tayta Diosga contrancunapa chaupinpa päsanäpaj camacächisha.» Chaypitami pillyashan partita jutichaparan Baal-perazim nir.

2 Samuel 5:25

Davidga Tayta Dios nishanno ruraran. Chaynöpami Filistea runacunataga Gabaonpita Gezercama wañuchiran.

1 Crónicas 14:11

Davidpis aywar chayaran Baal-perazimman. Chaychömi binsiran. Nircur niran: «Aypalla yacu imatapis apacojnömi Tayta Diosga chiquimajcunapa chaupinpa päsanäpaj camacächisha.» Chaypitami pillyashan partita jutichaparan «Baal-perazim» nir.

1 Crónicas 14:16

Davidga Tayta Dios nishanno ruraran. Filistea suldärucunata wañuycärachiran Gabaonpita Gezercama.

Salmos 94:16

¿Pillaraj shamonga mana alli runacunapitawan fiyucunapita washämänanpaj?

Isaías 10:12

Sión lömatawan Jerusalenta Asiriapa rayninwan ushaycacherga paytapis Tayta Dios castigangami. Castiganga alli-tucushanpita, ollgoj car munayniyoj-tucushanpita.

Isaías 28:19

Cada chayamuyninmi garachasha apashunquipaj. Waran-waranmi, chacaypapis junajpapis chayamongapaj.» Chayamunanpaj caycashanta musyaycullarnami manchariywan sicsicyanquipäpis.

Isaías 29:14

Chaypitami cay runacunapäga tantiyayta mana camäpacunanpaj camacächishaj. Camacächishaj cay runacuna fiyupa almirananpaj. Yachajcunapa yachaj cayninpis, tantiyajcunapa tantiyaj cayninpis manami canganachu.»

Isaías 29:23

Paycunapita mirar-aywajcunaga nasyunnincho imano rurashätapis ricashpan Noga juchaynaj cashäta musyangapaj. Israelcunapa Santo Tayta Diosnin captë Nogallatana rispitamangapaj.

Isaías 64:2

Contrayquicunataga ojalä urämushpayqui nina rupar cashacunata usharishanno rurarinquiman, yacutapis nina timpurachishanno rurarinquiman. Chauraga chay contrayquicuna musyanmanmi pï cashayquitapis. Juc-lä nasyun runacunapis ñaupayquichöga mancharir sicsicyanmanmi.

Isaías 65:7

quiquincunapa juchanpita, taytancunapa juchanpitapis. Paycunaga puntacunacho insinsutapis rupachin. Puytush lömacunachöpis ïdulucunata adurar rabyachimaj. Chaypitami imanöpis rurashanman-tupu castigashaj.» Tayta Diosmi chayno nisha.

Jeremías 30:14

Llapan yanapäshoj nasyun runacunami gongaycushurayqui. Paycunataga manami imapis gocunnachu. Yupaytapis mana atipaypaj juchata rurashayquipitami, fiyupa mana allicunata rurashayquipitami mana cuyapaypa castigashcä. Gamtaga contrayquinöpis nogami gueshyaj-tucachishcä.

Lamentaciones 2:15

Näninpa päsajcunaga cushipäshushpayqui maquintapis macshunraj. Manacajman churashushpayqui umantapis awinraj. Jerusalén, gampäga caynömi nin: «¿Tagaychi caycan ‹intëru munducho caj siudäcunapita mas cuyayllapaj› nishan siudä?» nir.

Lamentaciones 3:33

Rasunpaga pay manami munanchu runacunata ñacachiyta, ni nanächiytapis.

Ezequiel 33:21

Babiloniaman apamashancunaga chunca ishcay (12) wata, chunca quillaman gallarej pichga junajninna caran. Chay junajmi Jerusalencho pillya caycajpita gueshpimoj runa chayamur willamaran «Jerusalentaga contranchïcunanami charicurcusha» nir.

Habacuc 1:5

Tayta Diosnami cutichir niran: «Masqui ricay nasyuncunata. Masqui ricay imano päsaycashantapis. Fiyupa manchariypajcunata ruranäpämi caycä. Imano ruranäpaj caycajtapis willashuptiqui gamcunaga manami riguinquimanchu.

Josué 10:10

Tayta Diosnami camacächiran Israelcunata fiyupa manchacunanpaj. Chaynöpami Israelcunaga aypallata Gabaoncho wañuchiran. Gueshpejcunatanami gatiran Bet-horonman näni aywajpa. Gatishpan Amorreo runacunataga wañuchiran Azeca wichancho, Maceda wichancho.

Josué 10:11

Amorreo runacuna Israelcunapita ayguishpan Bet-horonta urarcaycaptinmi Tayta Diosga jatusaj rumicunatano runtu tamyata tamyachimuran. Chay runtu tamyawanmi Israelcuna sabliwan wañuchishanpita mas aypalla wañuran.

Josué 10:12

Amorreo runacunata Israel runacuna wañuchinanpaj Tayta Dios camacächishan junajmi Josuëga Tayta Diosta mañacur llapan Israelcunapa ñaupancho niran: «Tayta Dios, Gabaón janancho inti päracuycuchun. Quillapis Ajalón pampa janancho päracuycuchun.»