Isaías 26:8 - Tayta Diosninchi Isquirbichishan

⁸ Tayta Dios, mandamintuyquicunata cumlishpä nogacunapis cushishami goyarcaycä. Tayta Dios, nogacunaga llapanë gamllamanmi yarparaycämö.

Isaías 26:8 ပူးပေါင်းရင်းမြစ်များ

2 Samuel 23:5

Nogapita mirar aywajcunataga Tayta Dios manami cachaycongachu. Imaycamapis yanapämänanpämi aunimasha. Sumajmi parlashcäcuna. Manami rucacangachu. Paymi imapitapis alliman jorgaman. Yarpashäcuna alli llojshinanpaj camacächin.

Salmos 106:3

Rasun cajllata, alli cajllata ruraj cajcunaga cushishami cawanga.

Salmos 130:5

Llapan almäpami Tayta Diosman yäracö. Paypa palabranmanmi yäracö.

Salmos 18:23

Paypa ñaupanchöga alli cajllatami llapantapis ruraycä. Jucha ruraypitaga witicushcämi.

Salmos 42:2

Imaycamapis cawachicoj Tayta Diostami yacunaycajno ashiycä. ¿Imayraj cutishaj Tayta Diosta aduranäpaj?

Salmos 65:6

Gammi munayniquiwan callpayquiwan sumaj tacyaraycächinqui llapan jircacunata.

Salmos 73:25

¿Pïnëtaj nogapaga syëlucho caycan? ¡Gamllami Tayta! Yanapaycämaptiquega manami imatapis munächu cay pachachöga.

Salmos 84:2

Llapan shongöpami wasiqui puncucho cayta munä. Llapan shongöpami cushisha alabä cawachicoj Tayta Diostaga.

Éxodo 3:15

Mastapis Diosga Moisesta niran: «Israelcunata ninqui: ‹Tayta Diosmi cachamasha. Payga unay caj awilunchi Abrahampa, Isaacpa, Jacobpa Diosninmi› nir. Imaycamapis chayllami nogapa jutëga. Chay jutiwanmi imaycamapis rejsimanga.

Cantares 5:8

Jerusalén jipashcuna, gamcunatami ruwacö: cuyaynëta ricashpayquega willaycapamay ari «gampaj llaquicuyllawan gueshyaycan» nir.

Isaías 12:4

Chayrämi ninquipaj: «Tayta Diosta agradësicuy. Paypaj willacuy. Imata rurashantapis intëru marcacunaman willacuy. Tantiyachiy Tayta Dioslla llapanpita mas munayniyoj cashanta.

Isaías 24:15

May-chaychöpis Israelcunapa Tayta Diosnintaga rispitashpan alabangami.

Isaías 25:1

Tayta Dios, gammi canqui Diosnë. Nogaga gamtami rispitashpä alabashayqui. Almiraypajcunata rurashayquipitami adurashayqui. Unaypita-pachami yarpashayquicunaga caycan rasun cajlla, alli cajlla.

Isaías 25:9

Chay junaj runacuna nengapaj: «Chaynömi noganchïpa Diosninchëga. Paymanmi yäracuranchi. Tayta Diosmi salbamashcanchi. Pay salbamashanchïpita cushicur gaparpäshun ari.»

Isaías 26:13

Tayta Dios, juc mandajcunami nogacunataga munaynincho charämasha. Ichanga gamllami Tayta Diosnë canqui.

Isaías 30:18

Chaypis, Tayta Diosga shuyaraycäshunquimi gamcunata cuyapäshunayquipaj. Payga fiyupami munaycan cuyacoj cayninta gamcunata musyachishuyta. Tayta Diosga rasunpa alli cajta ruraj Diosmi. Alli cawaytami tarenga payman yäracojcunaga.

Isaías 33:2

Tayta Dios, nogacunataga cuyapaycamay ari. Nogacunaga gammanmi yäracaycämö. Cada tuta yanapaycamay ari. Ñacaycunacho caycashä örapis salbaycamay ari.

Isaías 49:23

Raycunami wamrachacushunquipaj. Raypa jipash wamrancunanami uywashunquipaj. Paycunaga rispitashushpayquimi gongurpaconga. Chaquiquiman ñuchu allpa lagacajtapis lajwangami. Chaymi musyanquipaj noga Tayta Dios cashäta. Musyanquipaj nogaman yäracamoj cäga mana pengaycho ricacushanta.»

Isaías 51:4

«Acrashä runacuna sumaj wiyamay. Acrashä nasyun runacuna sumaj tantiyay. Yachachicuynëcunatami willacachishäpaj. Chaycunaga llapan nasyun runacunapaj achquinömi canga noga munashänöna cawananpaj.

Isaías 56:1

Tayta Dios cayno nin: «Rasun cajllata ruray-llapa. Alli cajllata ruray-llapa. Manapis aycällatanami salbashaj. Chayno salbashpämi munayniyoj cashäta musyachishaj.

Miqueas 4:5

Waquin nasyun runacunaga diosnincunatami aduran. Noganchïmi ichanga imaypis Tayta Diosninchi nimashallanchïta wiyacushun.

Miqueas 7:7

Nogami ichanga Tayta Diosllata shuyäcuycäshaj. Salbamaj Tayta Diosnilläman yäracushaj. Payga wiyamangami.

Malaquías 4:4

Tayta Dios nin: «Horeb puntacho sirbimajnë Moisesta willapashä laycunata wiyacuy-llapa. Chaycunaga caran llapan Israelcuna wiyacunanpaj nishäcunami, mandamintöcunami.

Números 36:13

Moab pampacho Israel runacuna caycaptinmi Moisesta Tayta Dios niran chay laycunata tantiyachinanpaj. Moab pampaga caycan Jordán mayupa jucaj läduncho, Jericöpa chimpanchömi.

Lucas 1:6

Paycunaga imaypis Tayta Dios mandashanta cumlirmi goyaj. Chaymi paycunapäga pipis washanta mana rimajchu.

Hechos 1:4

Apostulnincunawan caycashpanmi Jesús niran: «Ñaupata willashänöpis Papänë aunishan Espíritu Santuta manaraj chasquishayquicamaga cay Jerusalenpita ama aywacunquirächu.

Romanos 8:25

Shuyarashanchïta manaraj chasquirmi ichanga imano ñacarpis shuyaraycänanchi.

2 Tesalonicenses 3:5

Tayta Diosninchi yanapayculläshunqui pay cuyacoj cashanno gamcunapis cuyacoj canayquipaj. Yanapayculläshunqui ima ñacaycho carpis Jesucristo cawashanno cawanayquipaj ari.