Isaías 26:10 - Tayta Diosninchi Isquirbichishan

¹⁰ Fiyu runacunata may-jina cuyapaptiquipis paycunaga manami yachacongapächu alli cajta rurayta. Paycunaga alli runacunapa ñaupancho tiyaycarpis mana allillatami ruran. Paycunaga manami manchacushunquichu fiyupa munayniyoj Tayta Dios captiquipis.

Isaías 26:10 ပူးပေါင်းရင်းမြစ်များ

2 Reyes 13:6

Ichanga Jeroboampita mirar aywajcuna Israelcunata juchata rurachishantano jucha ruraytaga mana cachaycuranchu. Samariachöpis jinalla caycaran Asera diosa-niraj ïdulu.

Salmos 106:43

Tayta Diosga achca cutimi salbaran. Tayta Dios imachöpis yanapänanpaj caycashantapis quiquincunami pirdichiran. Chaynöpami sïguir juchata rurashpan mana alliman chayaran.

Salmos 143:10

Tantiyachimay gam munashayquino cawanäpaj. Gammi Tayta Diosnë canqui. Espirituyqui yanapämächun ari allillata ruranäpaj.

Salmos 69:27

Mana allita rurajcunataga mana alliman chayachiy. ¡Paycunataga ama perdunaypischu!

Éxodo 8:15

Chaypita llapanpis allina caycajta ricashpan faraonga yapay rumi shonguno contra ricacuran. Aaronwan Moisés nishantaga mana cäsurannachu. Tayta Dios willashannömi caran.

Éxodo 9:30

Nogaga musyaycämi gampis, autoridäniquicunapis Tayta Diosta manaraj manchacushayquita.»

Éxodo 9:34

Tamyapis runtupis räyupis chawashatana ricar faraonpa autoridänincuna mas piyur-raj rumi shonguno contra ricacuran. Aunircurpis manana munarannachu.

Proverbios 1:32

Mana tantiyacojcunaga mana tantiyacushanpitami wañuymanpis chayan. Tantiyacuyta mana munajcunapis imapäpis mana yarpachacushpanmi ushacan.

Eclesiastés 3:16

Cay pachachöga ricashcämi juez allita rurananpa ruquin mana allita rurajta; alli arriglananpa ruquin mana alli arriglajtapis.

Eclesiastés 8:11

Fiyu runata juchanpita mana castigaptenga runacuna sïguirmi jucha rurayllapaj yarparcaycanga.

Isaías 1:21

Ñaupata alli goyaj Jerusalén runacuna, imanöshi pirdicashcanqui. Ñaupataga llapaniquimi rasun cajllata rurarayqui. Allillata rurarmi goyarayquipis. Cananga llapaniquipis wañuchicojllamanmi ticrashcanquipis.

Isaías 2:10

Runacunaga pacacongapaj gagapa shillincunamanmi. Pampata uchcuriycärir allpa rurinman yayconga. Chaynöga pacaconga manchacuypaj munayniyoj Tayta Diospitami.

Isaías 24:5

Cay pachataga runacunami ganrachisha. Laycunata manami cumlishachu. Tayta Diospa mandamintuncunata mana wiyacushachu. Imaycamapis alli cananpaj parlashantapis manami cumlishachu.

Isaías 27:13

Chay junäga trompëtatami tucamongapaj. Chaura Asiriacho ogracasha caycajcunawan Egiptuman prësu aywasha caycajcunapis Jerusalenman shamongapaj fiyupa rispitädu lömacho Tayta Diosta adurananpaj.

Isaías 32:6

Fiyu runaga mana allillatami parlan. Yarpayninchöpis yarpaycan mana allita ruranallanpämi. Tayta Dios melanäcushancunatami ruran. Tayta Diospäga llutancunatami riman. Pishipacojcunatapis manami yawaycachinchu. Yacunaycajtapis manami yacuta chagapaycunchu.

Isaías 32:7

Engañacojcunaga yäracun engañayta yachashallanmanmi. Melanaypajcunata rurayllatami yarparaycan. Pobricunatapis llullapaypami llaquicachin. Alli arriglananta ashiycajcunatapis mana allimanmi churan.

Isaías 5:12

Gamcuna fistata rurashayquichöga arpa, guitärra, tamburcuna, pincullucuna wagashallanmi wiyacaycanpis. Chay fista rurashayquichöga bïnupis aypallanpami ushacan. Ichanga manami yarpachacunquicunachu Tayta Dios ruraycashanpäga. Manami tantiyacunquipischu Tayta Dios camaricuycashantaga.

Jeremías 2:7

Nogami gamcunata pushamurä ima-aycapis wayunan partiman, cay particho wayushan frütacunata micunayquipaj, chaycho ima-ayca alli wayojcunatapis micunayquipaj. Ichanga gamcuna chayaycamur alli chacräta ganrachishcanqui. Gamcunaga ticrachishcanqui cay nasyun quiquëpa caycaptin fiyupa melanäcunäpaj.

Jeremías 31:23

Israelcunapa munayniyoj Tayta Diosnin nin: «Judá runacunataga cutichishaj ñaupata tiyashan partimanmi, siudänincunamanmi. Chaycho tiyajcunaga yapaynami parlangapaj: ‹¡Alli goyay caycashan rispitädu jircaman Tayta Dios bindisyunninta churaycuchun!› nir.

Oseas 11:7

Noga nishätaga acrashä runacuna manami wiyacunnachu. Juc dioscunamannami gayacuycan. Chay dioscuna nogapita mas munayniyoj cashanta yarpaptinpis manami yanapangapächu.

Oseas 13:6

Nogami micuyta tarichirä. Micuyniqui puchu-puchu captinnaga waquinpita mas alli-tucushpayqui nogata gongaycäramarayqui.

Oseas 9:3

Gamcunaga Tayta Dios acrashan nasyunchöpis manami tiyanquipänachu. Chaypa ruquin Efraín runacunaga yapay cutenga Egiptumannami. Asiriachönami miconga mana micunanpaj nishä micuycunata.

Miqueas 2:10

Jatariyna-llapa; aywacuyna-llapa. Cay pachaga manami jamaräcunayquipächu. Pasaypa mana allillata rurashayquipitami ushajpaj illganquipaj.

Mateo 4:5

Chaypitana Satanasga Jesusta pusharan Jerusalenman. Chaychöna Templupa mujinëti puntanman wicharcachir

Deuteronomio 32:15

«Israel ichanga werayasha, jaytacojyasha. Jesurún wera cayllawan llushwaypa llushwasha. Chayno carmi Camajnin Tayta Diostapis gongaycusha. Salbajninta, chapajninta manacajman churasha.

Apocalipsis 2:21

Maynami chay warmita nishcä juchancunapita arpinticunanpaj. Chaypis manami jucha ruraynincunata cachariyta munanchu.

1 Samuel 15:17

Samuelna niran: «Gamga ‹manacajllami cä› nirayquimi. Chayno niycarpis llapan Israelcunapa mandajninmi caycanqui. Tayta Diosga churashurayqui Israelcunapa raynin canayquipämi.