Isaías 25:2 - Tayta Diosninchi Isquirbichishan

² Siudätapis gotuy-gotuy juchusha cananpämi ticrarachishcanqui. Pacacuna curalasha siudätapis ushajpämi juchurgärachishcanqui. Jäpa runacunapa palasyuncunatapis juchuchirmi illgarachishcanqui. Chay siudätaga manami imaypis allchachenganachu.

Isaías 25:2 ပူးပေါင်းရင်းမြစ်များ

Job 12:14

Dios juchuchishan cajtaga manami pipis yapay allchannachu. Pitapis Dios wichgaycushan cajtaga manami pipis jorgunnachu.

Isaías 13:20

Chaychöga imaypis manami runa tiyanganachu. Yapayga mananami pipis tiyanganachu. Arabia runacunapis chaychöga manami pachaconganachu. Uyshërucunapis chaychöga mananami uywancunata jamachenganachu.

Isaías 13:21

Chaychöga oshgu mishicunallanami tiyanga. Wasicunachöpis tucucunallanami tiyanga. Avestruzcunallanami tiyanga. Jacha cabracunallanami pañangapis.

Isaías 13:22

Palasyucunachöpis atojcunallami aullar tiyanga. Alli palasyucunachöpis jirca animalcunallami tiyanga. Babilonia nasyunpaga öran chayaycämunnami. Manami aycäpis pishinnachu.»

Isaías 14:23

Chay partitaga ticrarachishaj mitu-mitu gochamannami, chushyajcuna tiyanallanmannami. Illgächicuna pichanawanmi illgächiypa pichashaj.» Munayniyoj Tayta Diosmi chayno nisha.

Isaías 17:1

Damasco imano cananpäpis Tayta Dios ribilashanta Isaías cayno willacuran: «Damascuga mananami siudänachu canga. Aypalla ragällami ricaconga.

Isaías 17:3

Israelpa curalasha siudänincunapis manami cangapänachu. Siriacho Damasco capital cashanpis ushacangami. Chauraga Siriapis Israelno munayniynajllanami canga.» Munayniyoj Tayta Diosmi chayno nisha.

Isaías 21:9

Parninpa-cama cawallucuna carrëtan garachasha aywaycämojtami ricaycä. Aywaycämojcuna nisha: ‹¡Canan Babiloniataga illgarachengami! Ïduluncunapis llapanmi agullasha pampacho mashtarpaycanga› nir.»

Isaías 23:11

Tayta Diosmi lamar jananpa maquinta jogarisha. Intëru nasyuncunatami sicsicyachisha. Canaán nasyunpa pacacuna siudänincunata illgächinanpämi nisha.

Isaías 23:13

¡Masqui ricay Caldeacuna tiyashanta! Chay nasyonga unay manami caranchu. Asiria runacunami yanaparan chunyaj chaqui jircacho goyajcuna tiyananpaj. Cananga Caldeacunami escaluncunata rurasha Tirocho caj palasyucunata juchuchinanpaj. Paycunaga pasaypa usharcur ragällantami cachaycusha.

Isaías 24:10

Siudäga juchushami caycan. Wasimanpis mananami pipis yaycunnachu.

Isaías 25:12

Tayta Diosga juchurachengami sinchi pergasha siudäcunapa curralnincunatapis. Nircorga pampacho mashtaraycajtami cachayconga.

Isaías 26:5

Paymi mana alliman chayachin alli-tucojcunataga. Munayniyoj caycaj siudätapis allpawan llapan tacucänanpaj juchurachin. Chay siudäpa pergancunapis juchucäcun.

Isaías 27:10

Intërunpa curalasha caycaj siudäga chunyajmi ricaconga, runa wasinta cachaycuptin quëdashanno, chunyaj chaqui jircacho runa mana tiyashanno. Chay siudä cashanga canga uywacunata michicunallannami, sacsacarcärir uywancuna puñurpänallannami.

Isaías 32:14

Palasyucho pipis manami tiyangachu. Aypalla runacuna tiyashan siudäpis chunyajmi ricacongapaj. Sumaj curalasha siudäcunatapis para-simrimi cachaycärengapaj. Chaura chaychöga chucaru bürrucunami cushisha tiyangapaj. Manshu uywacunatapis chaychömi michengapaj.

Isaías 32:19

Munticunata runtu tamya ushariptinpis, siudäcuna juchuchir-ushasha captinpis

Isaías 34:13

Palasyucunachöpis cashallanami wiñamonga. Pacacunanchönami ishancacunawan shirallana wiñanga. Chay partiga ticrangapaj jirca allgucunapa tiyananman, Avestruz äbicuna puñunallanmanna.

Isaías 37:26

Gamga ¿manachu musyarayqui noga Tayta Dios chaycunata llapanta camacächishäta? Unaypitanami chayno cananpaj camacächirä. Chaymi cananga cumlishcä. Chaynöpami gamga curalasha siudäcunatapis illgächir cachaycunqui ragällanta, muntuy-muntuy goturaycajta.

Jeremías 51:26

Gamcho gotuy-gotuy caycaj rumicunataga manami pipis apangapächu wasincunata pergananpaj. Imaycamapis chunyajllami cacunquipaj. Noga Tayta Diosmi chayno në.

Jeremías 9:11

Tayta Dios nin: «Jerusalentaga ticrachishaj ranramanmi. Chaura jirca allgucunapa tiyanallannami canga. Judächo caycaj siudäcunata ticrachishaj chunyajmanmi. Chaura manami pï runapis tiyanganachu.»

Deuteronomio 13:16

Ima-aycantapis shuntarcur-shuntarcur läsaman gotuycushpayqui llapanta rupachinqui. Nircur chay siudäta rupaycärachinqui. Chayga rupachina sacrifisyuta Tayta Diospaj rupachishayquinömi canga. Siudäga imaycamapis ragällannami quëdanga. Pipis manami allchanganachu.

Apocalipsis 18:19

Nircorga fiyupa wagar gapararmi allpatapis umanman wiñacur nenga: «¡Ay jatuncaray siudä! Chaychömi büquiyojcuna nigusyunta ranticur llapanpis rïcuyasha. Cananga illajpitachaj juc rätulla ushacäcusha.»