Isaías 25:1 - Tayta Diosninchi Isquirbichishan

¹ Tayta Dios, gammi canqui Diosnë. Nogaga gamtami rispitashpä alabashayqui. Almiraypajcunata rurashayquipitami adurashayqui. Unaypita-pachami yarpashayquicunaga caycan rasun cajlla, alli cajlla.

Isaías 25:1 ပူးပေါင်းရင်းမြစ်များ

Salmos 111:4

Fiyupa almiraypajcunata rurashantaga manami pipis gongangachu. Tayta Diosga alli shongumi y cuyapäcojmi.

Salmos 118:28

Tayta Dios, gammi Diosnë canqui. Chaymi gamta alabashayqui. Tayta Diosnë gamtami agradësicushayqui.

Salmos 145:1

Gam fiyupa munayniyoj Raynë cashayquitami willacushaj Tayta Dios. Imaycamapis alabaycäshayquimi.

Salmos 146:2

Cawashäyäga imaypis Tayta Diosta alabaycäshämi. Cay pachacho cawashäcamaga alabansacunawan Tayta Diosta alabaycäshämi.

Salmos 31:15

Nogaga gampa maquiquichömi cawaycä. Salbaycamay ari chiquimashpan gaticachaycämajcunapita.

Salmos 40:5

Gamga Tayta Dios, aypallatami milagrucunata rurashcanqui. Nogacunataga imay örapis yarparaycämanquimi. Chaycunata willacushpämi pï-maytapis willapayta munä. Ichanga willapaytapis manami ushämanchu. Manami imapis tincunchu gammanga tayta.

Salmos 40:6

Gamga manami cushicunquichu uywacunata pishtapäshushallayquipita, ni chaqui micuycunata garashushallayquipitapis. Aychata rupachipäshushallayquipitaga manami perdunanquichu. Chaycunapa ruquenga gamta wiyacunallätami munanqui.

Salmos 46:10

Caynömi niran: «Diosniqui cashäta tantiyacuy. Maquëchöna caway. Nogami intëru nasyuntapis maquëcho caycächë. Nogami cay mundutapis chararaycä.»

Salmos 75:2

Tayta Dios caynömi nin: «Imaypäpis nishä junajmi Nogaga alli arriglashaj.

Salmos 78:4

Noganchïpis wamranchïcunata willapäshun Tayta Diosninchi munayniyoj cashanta, Munayninwan fiyupa allicunata rurashantapis.

Salmos 89:1

Tayta Dios, cuyapäcoj cashayquipitami imaypis alabashayqui. Imaypis willacushämi llapanta cumlej cashayquitaga.

Salmos 98:1

Mushoj alabansawan Tayta Diosta alabashun. Payga rurasha fiyupa almiraypajcunatami. ¡Munayniyoj cashpanmi, callpayoj cashpanmi llapanta binsisha!

Salmos 99:5

¡Tayta Diosninchïta alabay-llapa! ¡Paypa ñaupanman llapaniqui gongurpacuy! ¡Tayta Diosga santumi!

Éxodo 15:2

Tayta Diosmi imapitapis chapämaj, salbamaj. Chaymi payllapaj cantä. Payta alabä Diosnë captinmi. Payta adurä unay caj famillyäcunapapis Diosnin captinmi.

Isaías 11:5

Pay imaypis alli cajllata, rasun cajllata ruraj cashanmi canga chegllanta watacunanno.

Isaías 12:1

Chay wichanga ninquipaj: «Gamta agradësicömi Tayta Dios. Nogapaj fiyupa rabyashami caycarayqui. Cananga rabyashayquipita allchacashcanquinami. Allinami goyaycächimanqui.

Isaías 26:13

Tayta Dios, juc mandajcunami nogacunataga munaynincho charämasha. Ichanga gamllami Tayta Diosnë canqui.

Isaías 26:8

Tayta Dios, mandamintuyquicunata cumlishpä nogacunapis cushishami goyarcaycä. Tayta Dios, nogacunaga llapanë gamllamanmi yarparaycämö.

Isaías 28:29

Chaytapis ruran munayniyoj Tayta Dios yarpayta goptinmi. Paypa yachachicuynenga almiraypämi. Pay yachaj cashanga manami imamanpis tincunchu.

Isaías 40:27

Jacobpita miraj Israelcuna, ¿imanirtaj cayno ninqui: «Tayta Diosga manami musyanchu imano goyaycashätapis. Diostaga manami imapis gocunchu imano caycashäpis» nir?

Isaías 46:10

Nogami gallarinanpita-pacha willacachë imano cananpaj cashantapis. Shamoj watacunacho ima cananpaj cajtapis achca wata pishiycaptillannami willacachë. Ruranäpaj yarpaycashäcunaga rasunpa llapanmi cumlenga. Rurayta munashä cajtaga llapantami rurashaj.

Isaías 46:11

Inti yagamunan caj-läpitami juc runata gayashcä. Aycha micoj äbinöpis carupitami shamonga. Ruranäpaj yarpaycashäcunata paymi rurangapaj. Imano ruranäpäpis yarpashcänami. Chaytaga cumlishämi.

Isaías 49:4

Ichanga noga yarparä: «Yangallapämi arushcäpis. Manacajllachömi callpätapis ushashcä. Chayno carpis Tayta Diospa maquinchömi caycä. Arushäpita imano cutichimänanpäpis Tayta Diospa munayninchömi caycan» nir.

Isaías 49:5

Tayta Diosga mamäpa pachancho caycaptillänami pay munashanta willacoj canäpaj churamaran. Jacobpita miraj Israel nasyun runacunata shuntamunäpämi, cutichimunäpämi churamaran. Chaypitami Tayta Diosnëga alli ricamasha. Paymi nogataga yanapaycäman.

Isaías 61:10

Tayta Diosnëga salbamashami. Llapanchöpis allichömi jorgamasha. Chayno yanapämashanpitami cushicö. Almäpis fiyupa cushicun. Cananga caycä casarananpaj mösu alli rucacusha caycajnömi, u casarananpaj caycaj jipash camaränanpaj bisticusha caycajnömi.

Isaías 7:13

Chaura Isaías niran: «Wiyamay-llapa Davidpita mirar aywajcuna. Runata rabyachishallayquiwanna ¿manachu cuntintacunqui? Cananga ¿Diosnëtapis rabyachiytanachu munanqui?

Joel 2:26

Gamcunaga micusha upushami goyanquipaj. Chaymi noga Tayta Diosniquita alabamanquipaj. Chaynöga ruranquipaj fiyupa almiraypajcunata gamcunapaj rurashäpitami. Acrashä runacunaga mananami yapayga pengaycho cangapänachu.

Números 23:19

Tayta Diosga manami runacunanöchu. Payga manami llullacunchu. Imata aunircurpis manami cutiricunchu. Aunishantaga cumlinmi.

Efesios 1:11

Nogacunatapis Jesucristu-raycumi Tayta Diosga unaypita-pacha acracamasha erensyata chasquinäpaj. Tayta Diosninchëga llapantapis yarpashanno ruraj carmi aunimashan partisyunta gomanga.

Apocalipsis 15:3

Cantaycaran Tayta Diospa sirbejnin Moisés cantashanta, Cashni uysha cantashanta: «Llapanpaj munayniyoj Tayta Dios, Gam rurashayquicunaga fiyupa allimi. Llapanpa mandajnin Tayta Dios, Gamga imaypis alli cajllatami ruranqui.

Apocalipsis 19:11

Chaypitanami ricarä janaj pachapa puncun quicharaycämojta. Yuraj cawallun muntasha caycajtapis ricarä. Muntaraycäga caran nishanta cumlejmi. Paymi pitapis mana chapaypa juchancunapita jusganga.

Apocalipsis 7:12

«¡Amén! ¡Tayta Diosninchi alabasha cachun! ¡Payllami llapantapis musyan! ¡Imaycamapis payta agradësicushun! ¡Payllami llapanpäpis munayniyoj caycan! ¡Imaycamapis payta alabashun! ¡Amén!»