Isaías 24:8 - Tayta Diosninchi Isquirbichishan

⁸ Mananami tucannachu tamburcunata. Ni arpacunatapis manami tucannachu. Fistata rurar, cushicur gaparpajcunapis manami mayacannachu.

Isaías 24:8 ပူးပေါင်းရင်းမြစ်များ

Job 3:7

¡Chay chacayga ama imapis yurinmanchu caran! ¡Iti yuriptin ama cushicunmanpischu caran!

Job 30:31

Arpä wagashanpis llaquicuyllapämi. Pincullöpis llaquicuyllapämi wagan.

Salmos 137:2

Siudächo caycaj wayau yöracunaman warcuycäriranchi arpanchïcunata.

Isaías 16:10

Chacracunachöpis mananami cushicur gaparpanganachu. Manami übas chacracunachöpis cantanganachu. Übastapis manami gapchenganachu bïnuta rurananpaj übas lluchcacunancho. Mananami cushicur gaparpanganachu.

Isaías 5:12

Gamcuna fistata rurashayquichöga arpa, guitärra, tamburcuna, pincullucuna wagashallanmi wiyacaycanpis. Chay fista rurashayquichöga bïnupis aypallanpami ushacan. Ichanga manami yarpachacunquicunachu Tayta Dios ruraycashanpäga. Manami tantiyacunquipischu Tayta Dios camaricuycashantaga.

Isaías 5:14

Fistacunallacho goyajcunata y llutancunata parlar cawacojcunataga micucoj animalnömi chay runacunata y mandajnincunatapis llapanta ultacurcunanpaj sepultüra shuyaraycan.

Jeremías 16:9

Nogami camacächishaj cay nasyunchöga cushicur fista ruray cantay manana cananpaj. Majachacaychöpis mananami pipis cantanganachu. Cayno nishäga waracunallanami canga. Quiquiquicunami ricanquipis.

Jeremías 25:10

Chaynöpami camacächishaj cushicur fistata ruraycunapis manana cananpaj. Majachacar fistata rurashanpis manami canganachu. Maraynincunacho agajpis manami canganachu. Ni achquincunapis manami ratanganachu.

Jeremías 7:34

Judá nasyuncho caj llapan siudäcunacho, Jerusalén cällicunacho cushicuy fista cajpis manami cangapänachu. Manami pipis casaray fistacho birsonganachu. Nasyun intërumi chunyaj ricacongapaj.»

Lamentaciones 5:14

Siudäman yaycuna puncucho auquincunapis manami cannachu. Mösucuna jipashcuna manami cantannachu.

Ezequiel 26:13

Chaynöparämi cushicur birsur gaparpaycashayquitapis chawächishaj. Chayrämi arpayquicuna wagashanpis mana wiyacanganachu.

Ezequiel 28:13

Edén wertachömi caycarayqui. Röpayquipis caycaran tucuy-niraj achicyaj rumicunawan burdashami. Chay achicyaj rumicunapa jutenga caynömi caran: Rubí, crisólito, jade, topacio, cornalina, jaspe, zafiro, granate, esmeralda. Aläjayquicuna, arëtiquicuna gorillapita caran. Chaycunaga gam yurishayquipita-pacha camarishanami caycaran.

Oseas 2:11

Cushicur goyashancunapis ushacangami. Manami canganachu fistancuna, llullu quillacho rurashan fistacuna, säbadu jamay junajcuna, waquin fistacunapis.

Amós 6:7

Chayno cashayquipitami gamcunataraj ñaupa-puntataga juc-läman prësu apashunquipaj. Fistata rurar gaparpashayquicunapis manami musyacangapänachu.

Apocalipsis 18:22

Mananami cantashancunapis wiyacangapänachu. Mananami imaypis wiyacanganachu cälliquicunacho arpa, pincullu ni trompëta wagashanpis. Gam cajchöga mananami ima aruyta yachajcunapis canganachu. Mulinu agashanpis manami wiyacanganachu.