Isaías 24:6 - Tayta Diosninchi Isquirbichishan

⁶ Chaypitami castïgu chayamur cay pachataga usharisha. Chay castïguwanmi cay pachacho tiyajcunapis ñacaycan. Chaypitami cay pachacho tiyajcuna ushacasha. Wallcallanami runacunaga cawaycar quëdasha.

Isaías 24:6 ပူးပေါင်းရင်းမြစ်များ

2 Reyes 24:12

Chaura Judäpa raynin Joaquinga mamanwan, llapan suldäruncunawan, mandäshejnincunawan, tantiyachejnincunawan Babiloniapa raynintaga «maquiquichöna cashaj» niran. Chaura paycunata prësu chariran. Chay öra Nabucodonosorga pusaj watana ray caycaran.

2 Reyes 25:12

Jinanchöga cachaycuran pobrinnincunallatana chacracunata aruycänanpaj, übascunata uryaycänanpaj.

Isaías 1:31

Callpayoj runaga ricacongapaj ogshanöllami. Imata arushancunapis canga lliptano yangallami. Chaynömi runaga arushanwan iwal rupanga. Chay ninata upichinanpäga manami pipis cangapächu.

Isaías 1:9

Munayniyoj Tayta Dios noganchïta juc ishcayllatapis cawaycajta mana cachaycamashaga canan öra caycashwan caran Sodomawan Gomorra quëdashannönami.

Isaías 34:5

Rasunpami Tayta Diospa sablenga syëlucho yurenga. Chay sabliga Edom runacunamanmi yaganga. Edom runacunataga Tayta Diosmi wañunanpaj distinasha.

Isaías 43:28

Mandashojniquicunapis Templöta ganrachisha. Chaynöpami camacächishcä Jacobpita mirar-aywaj Israelcunata ushacächinanpaj, manacajman churananpaj.

Isaías 5:24

Chaypitami nina ogshata rupacurcushanno, chaqui öjacunatapis ushacurcushanno gamcunapis ushacanquipaj. Sapinpita ismoj lantacunanömi, ismuptin waytancuna allpaman ticrashannömi ticranquipaj. Chaynöga canquipaj munayniyoj Tayta Dios yachachishushayquita mana wiyacushayquipitami, Santo Tayta Diospa layninta mana cäsushayquipitami.

Isaías 9:19

Munayniyoj Tayta Dios fiyupa rabyasha captinmi nasyuntaga nina rupaycan. Ninaga rupar ushacurcun runacunata. Runacunapis runa-masinta mana cuyapannachu.

Jeremías 12:4

¿Imaycamataj allpa chaqui caycanga? ¿Imaycamataj jachacunapis chaquenga? Uywacunapis äbicunapis wañurcaycan cay nasyuncho runacuna juchata ruraptin. Chay runacunaga yarpan imata rurashantapis mana ricashayquitami.

Jeremías 5:14

Chaymi ima-aycapäpis munayniyoj Tayta Dios nimasha: «Paycuna chayno rimashanpitami cayno canga: Nogami camacächishaj llapan nishäcunapis gampa shimiquichöga ninano cananpaj. Chay runacunanami yantano canga. Chaura shimiquipita yargoj ninanami ushacurconga.»

Ezequiel 5:3

Chay ajchacunapita waquinta shuntarcur jacurashayquipa juc cantunman watacunqui.

Levítico 26:22

Micucoj animalcunatami cachamushaj. Chauraga chay animalcunami wamrayquicunata miconga; uywayquicunatapis ushanga. Chaynöpami gamcunaga wallcajllana quëdanquipaj. Chauraga näniquicunapis chunyajna ricaconga.

Malaquías 2:2

Gamcuna noga nishäta mana ruraptiquega, llapan shonguyquipa mana rispitamaptiquega maldisyunädu canayquipämi camacächishaj. Gamcunaga manami llapan shonguyquipachu rispitarcaycämanqui. Chaypitami cüra cashpayqui bindisyunta chasquishayquitapis maldisyunman ticrachishaj.

Malaquías 3:9

Rasunpami llapayqui chay nasyuncho cajcunaga suwaparcaycämanqui. Chaypitami maldisyunädu carcaycanqui.

Malaquías 4:1

Munayniyoj Tayta Diosmi nin: «Wallcanami pishin jurnucho nina rataycajno chayamunanpaj caj junaj. Chay junäga llapan alli-tucojcuna, fiyu runacuna rupangapaj ninacho ogsha rupaycajnörämi. Chay junaj chayamur rupaptin manami ni imallanpis quëdangapächu.

Malaquías 4:6

Eliasmi camacächengapaj papänincunapis wamrancunawan amistananpaj; wamrancunapis papänincunawan amistananpaj. Chaynöpami noga shamushpä nasyunniquiman maldisyunta mana chayachimushänachu.»

Mateo 27:25

Chayno niptenga runacunana nipäcuran: «Au, cay runa wañushanpitaga nogacunanami, wamräcunanami juchata aparicushaj.»

Mateo 7:14

Quichqui cajpa yaycojcunami ichanga quichqui nänipa aywarcaycan imaycamapis cawananpaj. Wallcajllami chaypa aywarcaycan. Gamcunaga quichqui puncupa yaycuy ari.

Romanos 9:27

Israel runacunapänami ichanga Isaías cayno niran: «Lamar cantuncho agushnöraj Israel runacuna aypalla captinpis wallcajllatami Tayta Dios salbanga.

Deuteronomio 28:62

Israelcuna goyllarcunano aypalla casha carpis Tayta Diosninchïta mana wiyacushayquipita wallcallanami quëdanquipaj.

Deuteronomio 4:27

Chaymi Tayta Diosga juc-lä nasyuncunaman machiypa-machir gargushunquipaj. Chaura chayashayqui nasyunchöga wallcajllanami cawaycar quëdanquipaj.

2 Pedro 3:10

Ichanga suwa illajpita shamushannömi Tayta Jesucristupis illajpita chayamonga. Pay cutimuptinmi intipis, quillapis, llapan goyllarcunapis cay pachapis, manchariypaj wararaylla nina rataycajwan ushacanga. Cay pachaga llapanninwanmi rupaycällar ushacanga.