Isaías 24:13 - Tayta Diosninchi Isquirbichishan

¹³ Runaga wallcallanami cay pachacho quëdanga. Olivota pallar ushajpaj shicwananpaj wiruptin juc ishcay quëdashannöllana, cosëcha ushay quëdaj übasta ashishannöllanami quëdanga.

Isaías 24:13 ပူးပေါင်းရင်းမြစ်များ

Isaías 1:9

Munayniyoj Tayta Dios noganchïta juc ishcayllatapis cawaycajta mana cachaycamashaga canan öra caycashwan caran Sodomawan Gomorra quëdashannönami.

Isaías 17:4

«Siria ushacaptenga Israelpa capitalnin Samariapis munayniynajmi quëdanga. Ima-aycata charashancunapis manami canganachu.

Isaías 27:12

Chay junajmi Tayta Diosga runa rïguta ërashanno ruranga Éufrates mayupita asta Egipto mayucama. Gam Israelcunataga juctapis mana cachaypami juc juclla shuntashunquipaj.

Isaías 6:13

Nasyuncho cada chuncapita jucnaylla quëdasha captinpis ushajpämi illgächishaj. Ichanga gueruta muturiptin runcun quëdashannömi quëdanga. Chaypitami Tayta Dios acrashan chillguimonga.»

Jeremías 44:28

Egiptucho wañuypita gueshpiycur Judá nasyunman cutejcunaga juc ishcayllami canga. Chaura Egiptuman tiyaj shacamojcunapäga mä imanöshi canga. Noga nishächush u paycuna nishanchush cumlenga.

Ezequiel 7:16

Waquenga mancharisha palumanöpis jircacunaman, puntacunaman gueshpir pacaconga. Gueshpejcunapis juchanpita llapanmi wañonga.

Levítico 19:9

«Cosëchata rurarga ama shuntanquichu ashircur-ashircorga. Rutushayqui rïgu shicwashantapis ama shuntanquichu.

Miqueas 2:12

«Israelcuna, gamcunataga llapaniquitami juc pachallaman shuntaj-aywä. Gamcunataga wallcalla quëdasha caycajllatapis shuntajmi-aywä. Chayno rurarmi jucllachashayqui uyshata canchanman gaycojno. Gamcunaga caycanquipaj uyshacuna alli guewacho caycajnömi. Chaychöga aypallanömi gaparpanquipaj.»

Miqueas 7:1

¡Cuyapaypämi caycä! Cosëchata ushaycur chacracho quëdajcunata ashejnöllanami caycä. Manami tarënachu micuyta munashä übasta ni ïgustapis.

Mateo 24:22

Acrashan runacunata cuyaparmi Tayta Diosga chay ñacay junajcunata wallcayächenga. Man'chäga manami pipis salbacunmanchu.

Apocalipsis 3:4

Chaypis Sardischöga waquinniqui cawarcaycanqui Tayta Dios munashannömi. Manami ganracushcanquichu. Chaymi allita rurashayquipita nogawan cawanquipaj yuraj röpayqui jatisha.