Isaías 24:11 - Tayta Diosninchi Isquirbichishan

¹¹ Bïnu muchuy captin runacunaga cällicunachöpis wagarcaycan. Mananami pipis cushicunnachu. Cushicuyga chay pachapita aywacusha.

Isaías 24:11 ပူးပေါင်းရင်းမြစ်များ

Salmos 144:14

Uywäcunapis achca cargata apachun. Nogacunapäga ama cachunchu llaquicuy. Prësucurcurpis ama apamächunchu. Cällicunachöpis llaquicur ama gaparpächunchu.

Proverbios 31:6

Machächicoj bïnuga caycan llaquicuycajcunapämi, jagayasha wagaycajcunapämi.

Isaías 16:10

Chacracunachöpis mananami cushicur gaparpanganachu. Manami übas chacracunachöpis cantanganachu. Übastapis manami gapchenganachu bïnuta rurananpaj übas lluchcacunancho. Mananami cushicur gaparpanganachu.

Isaías 32:10

Gamcuna cananga mana yarpachacuypa goyarcaycanqui. Cananpita wata masllataga fiyupami llaquicunquipaj. Chaynöga canquipaj cosëchata mana shuntar. Yapayga manami übasta shuntanquipänachu.

Isaías 32:13

Acrashä runacunapa chacrancunachöga wiñamonga cashawan jachacunallami shatayänanpaj. Cushicur goyashan wasincunachöpis wiñamonga cashawan jachacunallanami.

Isaías 8:22

Cay pachacho imata ashirpis manami imatapis tarengapächu ni ricangapächu. Cay pachachöga caycangapaj llaquicuyllami. Llaquicuyllawanmi pachapis chacacäconga. Chay runacunataga chacajmanmi jitarponga.

Isaías 9:19

Munayniyoj Tayta Dios fiyupa rabyasha captinmi nasyuntaga nina rupaycan. Ninaga rupar ushacurcun runacunata. Runacunapis runa-masinta mana cuyapannachu.

Jeremías 14:2

«Judá runacunaga llaquicuywanmi wagarcaycan. Siudäcunacho tiyajcunapis fiyupami llaquicurcaycan. Runacunaga llaquicuywan pampachömi goturpaycan. Jerusalencunaga nanaywanmi gaparpaycan.

Jeremías 46:12

Intëru nasyun runacunanami musyarcaycan manacajman churasha cashayquita. Intëru nasyunmanmi wiyacaycan gaparpashayqui. Pillyajniquicunaga quiquin-purami tacanacusha. Nircur ishcanmi cuchpasha.»

Jeremías 48:33

Cananga mananami wiyacannachu Moab runacunapa chullpa chacrancunacho cushicuywan gaparpashanpis. Bïnupis manami cannachu churaräcunancunacho. Bïnupaj übasta lluchcajcunapis manami cannachu. Manami cushicuypitanachu gaparpaycanpis.

Oseas 7:14

Cämancho gaparpashpanpis, manami llapan shongunpa mañacamanchu. Rïgun, bïnun achca cananpaj mañacur janancunatami yawar-yawar ruracun. Chayno rurarmi nogapa conträ ricacusha.

Joel 1:12

Übascunapis chaquicäcushami. Ïguscunapis manami wayushachu. Granadacunapis, palmacunapis, mansänacunapis, jircacho caj yöracunapis ushajpämi chaquisha. Chaynöpami runacunapis mana cushicunnachu.

Joel 1:15

¡Ay imanöraj canga chay junaj! Tayta Dios jusganan junäga chayaycämunnami. Chay junäga canga fiyupa manchariypämi munayniyoj Tayta Dios castigaptin.

Lucas 16:25

«Chayno niptinshi Abraham niran: ‹Ïju, gamga yarpay rïcu cashpayqui alli cushisha goyashayquita. Lazaroga pobri cashpanmi fiyupa ñacaran. Chaypitami cananga caycho cushisha caycan. Gammi ichanga chaycho ñacaycanqui.