Isaías 24:1 - Tayta Diosninchi Isquirbichishan

¹ Masqui ricay-llapa. Tayta Diosga llapantami cay pachata usharenga. Cay pachata fiyupami cuyurachenga. Runacunatanami wacpa-caypa mashtacächenga.

Isaías 24:1 ပူးပေါင်းရင်းမြစ်များ

2 Reyes 21:13

Samaria siudäta castigashänömi, Acabpa famillyancunata castigashänömi castigashaj Jerusalentapis. Ganra lätuta mayllarcur ucpashanchïnömi Jerusalenga limyu quëdanga.

Nehemías 1:8

Masqui yarpaypis nogacunapaj Moiseswan willachimashayquita. Nogacuna juchata ruraptëga intëruman machiypa-machir gargaramänayquipämi nimarayqui.

Salmos 146:9

Tayta Diosga ima-ayca mana allipitapis chapanmi juc-lä nasyun runacunata. Yanapanmi wacchacunata biyüdacunata. Fiyu runacunapänami ichanga camacächin mana alliman chayananpaj.

Isaías 13:13

Chay öraga syëlupis chucchongami. Cay pachapis cuyurishpan caycashanpita witengami. Chaynöga cangapaj chay junaj fiyupa rabyaptëmi.

Isaías 13:5

Caru nasyunpitami aywarcaycämun. Allpapa cuchun syëlupa chaquinpitami aywaycämun. Chay aywaycämöga Tayta Dios rabyar castigacunanmi. Runacunata ushajpaj illgarachinanpämi aywaycämun.

Isaías 2:19

Tayta Dios chayno shamuptin runacunaga mancharishpanmi yagacaycärengapaj gagacho caycaj uchcucunaman, pacha rurinpa caycaj uchcucunamanpis. Chaynöga pacaconga manchacuypaj munayniyoj Tayta Diospitami.

Isaías 24:19

Cay pachaga fiyupa manchariypämi cuyurenga. Cuyurishpan ichic-ichiclla ruracäcongapaj.

Isaías 24:20

Machasha runa tuniycachaycajnömi ricaconga. Tuniyta munaycaj chucllanömi alayri cuyuycanga. Cay pachacho tiyajcuna juchata rurashanga fiyupami lasaycan. Chaymi cay pachaga tunishpan imaypis mana jatarenganachu.

Isaías 27:10

Intërunpa curalasha caycaj siudäga chunyajmi ricaconga, runa wasinta cachaycuptin quëdashanno, chunyaj chaqui jircacho runa mana tiyashanno. Chay siudä cashanga canga uywacunata michicunallannami, sacsacarcärir uywancuna puñurpänallannami.

Isaías 29:16

¡Chayno yarpar llutantami yarpaycan! ¿Manca rurajwan mancaga iwalchuraj? ¿Rurasha caycäga rurajta ninmanchuraj: «Gamga manami ruramashcanquichu» nir? ¿Imanirajtapis rurashanpita mituga rurajta nengachuraj: «Manami rurayta yachanquichu» nir?

Isaías 29:2

Ichanga nogami Ariel siudämanga ñacaycunata chayachishaj. Chayrämi canga llaquicuy, wagay. Chay siudä nogapäga cangapaj rupachicuna altarnömi.

Isaías 30:32

Asiriacunata Tayta Dios castigaynin-tupumi gamcuna cushicur tamburcunata, arpacunata tucashayquipis wiyacangapaj. Asiria runacunata Tayta Diosga fiyupami castigangapaj.

Isaías 32:12

Micuy alli wayunan chacracunapaj, übas alli wayunan chacracunapaj llaquicushpayqui pëchuyquita cutacuy.

Isaías 33:9

Allpaga fiyupami chaquicäcusha. Imatapis mana wayuchinnachu. Líbano muntipis wañuytacäcushami. Sarón guechwapis chunyaj chaqui jircanami ricacusha. Basán puntawan Carmelo puntapis garayashami caycan.

Isaías 34:10

Chacaypa ni junajpapis manami upengapänachu. Imaypis goshtayga jatariycangami. Imaycamapis chayno ushacasha ragällanna caconga. Chaypaga manami pipis purengapänachu.

Isaías 34:2

Tayta Diosga nasyuncunapaj rabyashami caycan. Rabyashami caycan nasyuncunapa suldäruncunapäpis. Paymi llapanta illgächenga; ushajpaj wañuchenga.

Isaías 42:15

Puntacunatapis puytush lömacunatapis ushacächishämi. Chaycho wiñaj jachacunatapis ushajpämi chaquirachishaj. Mayucunatapis chunyaj chaqui jircamanmi ticrarachishaj. Gochacunatapis chaqui allpamanmi ticrarachishaj.

Isaías 5:6

Chunyajtami cachaycushaj. Manami pipis captupangachu, ni uryangapischu. Shatallanami, cashallanami juntacurcongapaj. Pucutaycunatapis nishaj chay pachamanga manana aywananpaj, mana tamyananpaj.»

Jeremías 4:7

Puñunancho caycashanpita cäsata ashej liyun aywajnömi nasyuncunata ushajpaj illgächej aypalla suldärucuna aywaycämun. Nasyunniquicunata illgächinanpämi aywarcaycämun. Paycunami siudäniquicunatapis ragällan chunyajta cachayconga.

Jeremías 40:15

Chaymi Johananga pacayllapa Gedaliasta niran: «Noga pacayllapa aywar Ismaelta wañuycachimushaj. Manami pipis musyangachu pï rurashantapis. ¿Imanöpataj dëjashaj gamta wañuchishunayquitaga? Gamta wañuycachishuptiquega alli shuntacasha caycaj Judá runacunapis mashtaypa mashtarchari aywaconga. Chauraga quëdasha caycaj runacunapis cay Judächöga ushajpächari illganga.»

Jeremías 50:17

«Israelcunaga caycaran jircacho ogracasha uysha caycajnömi. Chayno caycaptinmi rimëruga Asiriapa raynin micucoj liyunno shamuran. Chaypitaga Babiloniapa raynin Nabucodonosorna usharinanpaj shamuran.

Jeremías 51:34

Jerusalenga nin: «Babiloniapa raynin Nabucodonosorga rachir-usharcur micucarcamasha. Micuyniynaj lätutanömi cachaycamasha. Ultacarcamasha lamarcho tiyaj manchariypaj jatuncaray waräcuynömi. Nogacho cajta payga sacsasha munashan cajllatami, waquintana jitarisha.

Jeremías 9:16

Taytancuna ni quiquincunapis mana rejsishan nasyuncunamanmi gargushaj. Paycunata gaticachächishaj sabliyojcunawan. Chauraga ni jucnayllapis manami cawaycäga quëdanganachu.»

Ezequiel 12:20

Llapan siudäniquicunami illgächisha canga. Chaura intërumi chaqui jircano ricacongapaj. Chayrämi gamcuna musyanquipaj noga Tayta Diosniqui cashäta› nir.»

Ezequiel 24:11

Nircur wiñayniynaj caycaj mancatana churcushaj nina rataycajman. Chaura chay mancaga wayllaycällar ushajpaj pucayanga llapan ganran wayllayllawan llojshinancama, oxidashanpis illgänancama.

Ezequiel 35:14

« ‹Noga Tayta Diosmi cayno në: Gamta illgächiptëga munducho cajcuna llapanmi cushiconga.

Ezequiel 5:14

«Jerusalén, nogami camacächishaj ragällan canayquipaj. Chaynöpami läduyquipa caj nasyun runacuna ricashuptiqui canquipaj llaquipaypaj. Caminanticunapis llapanmi ricashunquipaj imano caycashayquitapis.

Ezequiel 5:2

Atacayta ushaycorga juc partiman raquishayqui caj ajchayquita siudäpa chaupincho rupachinqui. Yapay juc partiman raquishayqui cajtana siudäpa wajtanpa acapa-acapa cuchuraycar tumachinqui. Yapay juc parti puchoj cajtana janajpa jitarir machirinqui. Chay siudächo tiyaj runacunataga nogami espädäta aptacurcur gaticachäshaj.

Ezequiel 6:14

Paycunataga castigashäpaj chunyaj chaqui jirca sur cajcho caycajpita norticho Ribla siudäcamami. Paycuna tiyaycashan nasyunta, tiyaycashan particunatapis ushajpämi usharishaj. Manchacuypaj chunyajmanmi ticrarachishaj. Chayrämi tantiyacongapaj noga Tayta Dios cashäta.»

Ezequiel 6:6

Gamcuna tiyashayqui siudäcunaga maychöpis illgashami canga. Nogata aduramänayquipa ruquin juccunata aduranayquipaj rurashayqui capillacunapis juchuchishami canga. Altarniquicunapis pasaypami illganga. Ïduluyquicunapis paquir-ushashami goturpanga. Insinsuta saumachinayquipaj rurashayqui altarniquicunapis juchuchishami canga. Gamcuna rurashayquega llapanmi illganga.

Ezequiel 7:12

Örapis, junajpis chayamushanami. Ranticojpis ni rantejpis ama cushicuchunnachu. Fiyupa rabyashpämi castigashaj Israelcuna alli-tucushanpita.

Ezequiel 7:14

«Israelcuna alli-tucushanpitaga fiyupa rabyashpämi castigashaj. Chaymi guërraman aywananpaj trompëtata tucamuptinpis pipis manana aywanganachu.

Nahúm 1:5

Payta ricashpanga puntacunapis sicsicyan. Paypa ñaupanchöga puntacunapis jurucäcunmi. Payta ricashpanga intëru cay mundumi mancharin. Cay pachapis, cay pachacho tiyajcunapis llaquicun.

Nahúm 2:10

Nínive siudäga illgächishana, chunyaj jircaman ticrashana, pasaypa chaquishami caycan. Runacunapaga manchariyllawanmi shonguncunapis tic-ticyaycan. Gongurnincunapis sicsicyaycan. Llapanpapis mananami callpan cannachu. Cärancunapis yur'gasha utcunömi caycan.

Lucas 21:24

Waquintami sabliwan wañuchenga. Waquintanami caru nasyuncunaman prësu apanga. Mana Israel runacunanami Jerusalentaga munaynincho cachengapaj Tayta Dios nishan cumlinancama.

Hechos 17:6

Chay pachacarashancho mana tariycur Jasontawan waquin ermänucunallatana garchacurcur autoridäcunaman aparan «Pabluwan Silasmi may-chaypapis engañacur puriycan. Cananga caymannami chayamusha.

Deuteronomio 28:64

Tayta Diosga llapan nasyunmanmi mashtaypa mashtar gargushunquipaj. Chay nasyuncunachöga juccuna adurashan guerupita rumipita rurasha ïdulucunatami aduranquipaj. Chaycunataga gampis ni unay awiluyquicunapis manami rejsishachu.

Deuteronomio 32:26

« ‹Nogaga yarparä pipis mana yarpänanpaj intërupa garguriytami.

Deuteronomio 4:27

Chaymi Tayta Diosga juc-lä nasyuncunaman machiypa-machir gargushunquipaj. Chaura chayashayqui nasyunchöga wallcajllanami cawaycar quëdanquipaj.

Santiago 1:1

Chunca ishcay Israel trïbu runacunano may-chaychöpis mashtacasha caycaj ermänucuna: Noga Santiago, Tayta Diosninchïpa y Taytanchi Jesucristupa sirbejninmi gamcunata saludamö.