Isaías 23:12 - Tayta Diosninchi Isquirbichishan

¹² Sidontanami niran: «Fistayquicunapis manami cannachu. Charipacusha jipashnönami caycanqui. Chipriman gueshpirpis manami chaychöpis jamayta tarinquipächu.»

Isaías 23:12 ပူးပေါင်းရင်းမြစ်များ

Génesis 10:4

Javanpa wamrancuna caran: Elisa, Tarsis, Quitim, Rodanim.

Génesis 49:13

«Zabulón tiyanquipaj lamar cantuncunachömi. Gamga tiyanquipaj büquicuna chayanancho, llojshinanchömi. Lindayquega chayarangapaj Sidoncamami.

Isaías 23:7

Mas unay marcami casha Tiro siudäga. Chaychöga runacuna gustashallanta rurar cushishami goyäcoj. Chay runacunaga caruman tiyaj aywacoj.

Isaías 37:22

« ‹Noga Tayta Diosga Asiriapa rayninpaj caynömi në: « ‹Senaquerib, gampäga Sión siudä juc jipashnömi asicun. Gam aywacuptiqui Jerusalenga manacajman churashushpayquimi umanta awicun.

Isaías 47:1

Tayta Diosmi cayno nin: «Caldeacho caycaj Babilonia jipash allicho jamaraycashayquipita llojshiy. Allpamanna jamacuy. Japalla jipash sillunniquipita jatariy. Pampamanna jamacuy. Mananami pipis ‹pishi töpay cuyayllapaj jipash› nishunquipänachu.

Isaías 47:5

«Caldeacho caycaj Babilonia jipash upällalla jamacuy. Mananami pipis ‹nasyuncunapa mandajnin rayna› nishunquipänachu. Chacajmanna aywacuy.

Jeremías 14:17

«Jeremías, llaquicushpayqui runacunata cayno niy: « ‹Cuyashä runacunaman manchariypaj disigrasya chayashanpita weguëpis mana chawaypa aywachun. Malubrashan nanaywan fiyupa gaparpaptinmi weguëpis mana chawaypa aywachun.

Jeremías 2:10

«¿Caycho cashanno mayllachöga cashachuraj? Mä ayway inti yagamunan caj-lächo caycaj lamar chaupin tishgucunacho tiyaycajcunata sumaj ricamunayquipaj. Cedarman pitapis cachacuy imano cashantapis musyananpaj.

Jeremías 46:11

«¡Donsëlla jipashno caycaj Egipto runacuna, Galaadman ayway jampi ashej! Aypalla jampita shuntar jampicushayquipis yangami canga. Gamcunapäga mananami jampi cannachu.

Lamentaciones 1:15

«Tayta Diosga yagarachisha washämaj jinyu runacunata. Paymi cachamusha magamänanpaj jäpa suldärucunatana, paycuna nogapa jinyu suldäröcunata wañuchinanpaj. Tayta Diosga llapiramasha juc runa bïnupaj übasta gapchirishannömi.

Lamentaciones 1:3

Judá runacunataga juc-lämanmi prësu apasha. Chaychönami sasa aruycunacho aruchir, fiyupa ñacarcaycächin. Ñaupata paycunaga llapanpa mandajninmi caran. Cananga mananami jamaytapis tarichinnachu. Gaticachajcunaga chariycurmi llaquicachir fiyupa ñacarcaycächin.

Lamentaciones 4:15

«¡Witicuy-llapa! ¡Chaycunaga ganra runacunami caycan!» nir gayarpan. «Guella puricachaj runacunami. Amana caychöga tiyachunnachu» ninmi Diosta mana rispitajcunaga.

Ezequiel 27:6

Yacupa purichishunayquipaj bäticunayquitanami rurasha Basancho caj encina guerucunapita. Chipre lamar cantunpita sipresta apaycamurna intëru janayquita chapar intablasha. Chaymanga marfilcunawanpis cañichiypa adurnasha.

Daniel 11:30

Chay suldäruncunataga lamarpa inti yaganan caj-läpita büquicunawan shamoj suldärucunami illajpita wañuchengapaj. Chaymi pillyaycashanpita manchariyllawan juclla aywacongapaj. Norticho tiyaj caj rayga fiyupa rabyashpan chiquicurcongapaj Tayta Dioswan Conträtuta ruraj runacunata. Diospa conträtuncho nishanno mana cumlej runacunatanami alli ricangapaj.

Números 24:24

Lamar chaupin Chipre tishgupitami büquicunawan runacuna shamonga. Asiria nasyuncho caj marcacunata ragällantami cachayconga. Heber runacunatapis pasaypami ushacächenga.»

Josué 11:8

Tayta Diosmi Israel runacunapa munayninmanna cachaycuran. Chaynöpami gaticachar chayachiran Sidoncho caj siudäcunaman, Misrefot-maimman. Inti yagamunan cajpana chayachiran Mizpa pampacama. Chayno pillyar manami jucnayllatapis cawaycajtaga cacharanchu.

Apocalipsis 18:22

Mananami cantashancunapis wiyacangapänachu. Mananami imaypis wiyacanganachu cälliquicunacho arpa, pincullu ni trompëta wagashanpis. Gam cajchöga mananami ima aruyta yachajcunapis canganachu. Mulinu agashanpis manami wiyacanganachu.