Isaías 22:4 - Tayta Diosninchi Isquirbichishan

⁴ Chaymi nirä: «Ñaupäpita witicuy-llapa. Fiyupa llaquicurmi wagaj-aywä. Marcä mana alliman chayashanpita wagaycä. Ama shogamaychu-llapa.»

Isaías 22:4 ပူးပေါင်းရင်းမြစ်များ

Ester 4:1

Mardoqueoga imano cananpaj cashantapis musyaycur fiyupa llaquicur röpancunatapis rachiran; gachga röpacunatana jaticuran; umanmanpis uchpata wiñacuran. Llaquicur wagashpan gaparaycar intëru Susa siudäpa puriran.

Salmos 77:2

Llaquisha caycashä öra Tayta Diosta mañacö. Chacaycuna mañacushpä mana jamaypami maquëcunata jogarirä. Chayno mañacuptëpis manami cushicachimannachu.

Isaías 15:3

Läsacunachöpis llapan llaquicurcaycanga, wagarcaycanga. Wasin janancunachöpis nanaywan gaparpaycanga. Cällinpapis runacunaga purenga gachga röpasha.

Isaías 33:7

Masqui wiyay, jinyu runacunaga imanöshi llaquicurcaycan. Alli goyänanpaj parlaj cacha aywajcunapis imanöshi wagarcaycan.

Jeremías 13:17

Gamcuna mana wiyacuptiquega alli-tucushayquipitami pacayllapa noga wagashaj. Tayta Dios acrashan runacunata prësu apacuptinmi llaquicuywan fiyupa wagashaj.

Jeremías 31:15

Tayta Diosmi nin: «Ramá marcachömi llaquicushan wiyacan. Llaquicuypita fiyupa gaparaypami wagaycan. Raquelmi wamrancunata apacushanpita fiyupa wagaycan. Wamrancuna manana captinmi pï shoganantapis mana munanchu.»

Jeremías 4:19

¡Ay shongullau shongullau! ¡Llaquicuywanmi shongö tic-ticyaycan! Pillyapaj trompëta wagamojta, pillyapaj büllata ruraycämojtami wiyashcä. Chaymi jamaytapis manana tarëchu. Manami upällapis cacömanchu.

Jeremías 6:26

Marca-masëcuna, fiyupa llaquicushpayqui gachga röpacunata jaticuy. Uchpacho gochpay. Nircur jucnaylla wamrayqui wañusha caycajpäno fiyupa wagay. Ushamänanchïpaj caycäga manapis aycällatanami chayamonga.»

Jeremías 8:18

Llaquicuynëpäga manami ima jampipis canchu. Llaquicuyllawanmi shongöpis ushaycan.

Jeremías 9:1

¡Ojalä ñawëga pashtaj yacuno canman! Chauraga wañoj marca-masëcunapaj pagasta junajtapis wagaptë pashtaj yacunömi weguë llojshinman.

Jeremías 9:18

Rasunpa juclla shamuchun. Noganchïpaj llaquicuywan wagachun. Paycuna wagaptin noganchïpapis weguinchi ñawi junta yurichun. Guepshanchïcunapis ushmasha cachun.

Lamentaciones 2:11

Wagaycaptillämi ñawëpis chacaycanna. Mayaptë pëchöpis rachicäcojnöraj caycan. Marca-masëcuna tiyashan siudä illgashata ricashcä. Chuchuycaj wamracunapis cällicunacho yargaypita wañuycajtami ricashcä. Chaymi balurnëpis manana cannachu.

Ezequiel 21:11

Chay sablitaga afilasha, llushwachasha caycächin wañuchicojta aptaparcunanpämi.

Ezequiel 27:31

Gampaj llaquicushpanmi ajchanta rutuconga. Lütu röpatapis jaticonga. Fiyupa llaquicushpanmi wagangapis.

Miqueas 1:8

Chaypitami fiyupa llaquicushpä wagashaj. Gara-chaquilla, röpaynajlla purishaj. Atoj-mallwa aullajno wagashaj. Avestruz äbipa wawanno gaparäshaj.

Mateo 2:18

«Ramá marcachömi fiyupa gaparaypa wagashan wiyacan. Raquelmi wamrancunata wañuchishanpita fiyupa wagaycan. Wamrancuna manana captinmi pï shoganantapis mana munanchu.»

Mateo 26:75

Chayraj yarpäriran Jesús cayno nishanta: «Gällu manaraj cantaptinmi quimsa cutina ñïgamasha caycanquipaj.» Chayta yarpärerga jawaman llojshircur fiyupa llaquicur wagaran.

Lucas 1:2

Chay isquirbejcunaga isquirbiran Jesuspa disïpuluncuna willapashantami. Chay willajcunaga caran Jesusta ima päsashantapis quiquin ñawinwan ricajcunami, paypa willacojnincunami.

Lucas 19:41

Jerusalenta ricänaman chayarcur Jesús wagaran