Isaías 20:4 - Tayta Diosninchi Isquirbichishan

⁴ Isaías cashantanöllami Asiriapa rayninpis prësu apangapaj Egipto runacunatawan Etiopía runacunataga: auquincunatapis, mösucunatapis. Paycunata apangapaj gala-chaquillata, ruri caj röpallantawan, gala-siquillata fiyupa pengacachishpan.

Isaías 20:4 ပူးပေါင်းရင်းမြစ်များ

2 Samuel 10:4

Chaura Hanunga niran: «Davidpa suldärucunata prësu charircur shaprantapis pullanta garaypa rutuy. Röpantapis siqui-patanpita uraman rogupariy.» Chaura chayno rurarcärir garguriran.

1 Crónicas 19:4

Chaura Hanunga niran: «Davidpa suldärucunata prësu charircur shaprantapis garaypa rutupay. Röpantapis siqui-patanpita uraman rogupariy.» Nishanno rurarcärerga garguriran.

Isaías 19:4

Nogami Egipto runacunataga churashäpaj fiyu mandajpa munayninman. Paycunataga mandangapaj fiyu raymi.» Munayniyoj Tayta Diosmi chayno nisha.

Isaías 3:17

Chaypita castigashpämi umantapis garachuwan galayächishaj. Llapan runa ricaymi gala-umalla purenga.»

Isaías 31:2

Tayta Diosga fiyupa yarpaysapami. Chaymi musyan imanöpa disigrasyata chayachiytapis. Imano rurananpäpis nishantaga simrimi cumplin. Fiyu runacunataga castigangami. Mana allita rurajcunata yanapajcunatapis castigangami.

Isaías 31:3

Egipto runacunaga runallami, manami dioscunachu. Cawalluncunapis aychallami, manami espirituchu. Tayta Diosga paycunata castigangami. Chauraga yanapaj Egiptuwan, «yanapämay» nej cajpis mana allimanmi chayangapaj. Llapan iwalmi wañongapaj.

Isaías 47:2

Maraycho tunaywanna machcata agay. Shucutaraycashayqui bëluyquitapis jorguriyna. Mayucunata päsanayquipaj falinniquita chegllayquicama jogariy. Chaynöpa chancayquicunapis alayri ricacanga.

Isaías 47:3

Galalla caycajtami pï-maypis ricashunquipaj. Pengayniquitapis ricachun ari. Chaynömi sumaj castigashayqui. Chay castïgupitaga manami pipis gueshpengachu.»

Jeremías 13:22

Gamcuna capas yarpachacunqui ‹¿Imanir-raj cayno caycä?› nir. Quiquiquicunapa juchayquipitami gamcunataga garapachaycur munashanta rurarcaycäshunqui.

Jeremías 13:26

Chaypitami nogapis gamcunata garapachashpä justanniquita umayquiman shucuparcushayqui. Chayno ruraptërämi pengaycho canquipaj.

Jeremías 46:19

Egipto runacuna camaricuyna prësu aywanayquipaj. Menfisga chunyajmi ricacongapaj. Juchusha ragällan captin pipis manami tiyangapänachu.

Jeremías 46:26

Nogami camacächishaj fiyupa chiquej Babiloniapa raynin Nabucodonosorpa maquincho cananpaj, pay mandashan runacunapa maquincho cananpaj. Chaypita mas unaytanami ichanga unay tiyashannöna yapay Egiptucho runacuna tiyacongapaj. Noga Tayta Diosmi chayno në.»

Ezequiel 30:18

Egipto munayniyoj caycashanta noga ushacächiptë, alli-tucurcaycashantapis ushacächiptë Tafnes siudächöga pachapis chacacäcongami. Chaycho tiyaj runacunatanami prësu apaconga.

Amós 9:7

Tayta Dios caynömi nin: «Israelcuna, nogapäga llapaniquipis iwal-llami caycanqui gamcunapis Etiopía runacunapis. Imanömi gamcunata Egiptupita jorgamurä chaynömi Filistea runacunatapis Creta partipita jorgamurä. Aram runacunatapis Kir partipita jorgamurä.

Miqueas 1:11

Safircho tiyajcuna nasyunniquipita juc-lämanmi prësu aywanquipaj galalla, fiyupa pengacur. Zaanáncho tiyajcuna, yanapäshunayquipaj manami pipis yargamongapächu. Beteselcho tiyajcuna, wagaptiquipis manami pipis cuyapäshunquipächu.

Nahúm 3:10

Chayno caycajtami Tebas runacunataga prësu aparan. Wamrancunatapis cällipa isquïnancunaman apaycur pagshirgäriran. Mayur runacunata apacunanpaj surtita jitaran. Mandajnincunatanami cadinacunawan watacarcärir prësu apacuran.

Sofonías 2:12

¡Etiopía runacuna, gamcunapäpis Tayta Dios camacächenga espädanwan wañunayquipämi!

Apocalipsis 3:18

Rasunpa rïcuno cayta munarga gori püruta nogapita rantiy. Galalla cayta mana munarga yuraj röpata nogapita rantiy. Gaprano cayta mana munarga nogapita jampita rantiy. Chaynöpami rïcuno canquipaj, alli röpashano canquipaj. Y gaprano cashayquipa ruquenga allina tantiyacunquipaj.