Isaías 2:20 - Tayta Diosninchi Isquirbichishan

²⁰ Chay junäga runacuna ïduluncunata goripita, guellaypita adurananpaj rurashantapis cachaycärengapaj ucushcuna tiyanan, chicchicuna tiyanan uchcucunachömi.

Isaías 2:20 ပူးပေါင်းရင်းမြစ်များ

Génesis 35:4

Chayno niptin llapan runacunawan castancunaga Jacobta goycäriran charashan diosnincunata, rinrincho jatirashan arëticunatapis. Jacobnami llapanta chaycunataga pampaycuran Shequem siudäpa sercancho encina yörapa chaquinman.

Eclesiastés 3:6

Canmi tarina timpu; ograna timpupis. Canmi churana timpu; jitarina timpupis.

Isaías 10:3

Chayno car gamcunaga ¿imataraj ruranquipaj jusgashushayqui öra? Carupita castïgu chayashuptiqui ¿pitaraj mañacunqui? Riquësayquicunatapis ¿maymanraj churanqui?

Isaías 17:8

Manami yarpanganachu runa rurashan altarcunapaj, ni imatapis maquinwan rurashan cajpäpis. Asera diosa-niraj ïdulumanpis mananami yäraconganachu. Manami yarpanganachu «diosnë» nishancunapaj ni insinsuwan saumachishan altarcunapäpis.

Isaías 30:22

Chauraga jitarinquipänami guellaypita rurashayquita, goriwan intërunpa chapyachiypa rurashayqui ïduluyquicunatapis. Chaycunataga ganra räputanömi manana ricaytapis munanquipänachu.

Isaías 31:7

Chay junäga jucha ruraj maquiquiwan quiquiquicunami goripitawan guellaypita rurashayqui ïdulucunata llapaniqui jitarinquipaj.

Isaías 40:19

¿Ïdulutachuraj ruranqui? Ïdulutaga tacay yachaj runallami ruran. Guellay tacayta yachajmi goriwan chapyan. Chayno guellaypita cadina wallgatapis jundiypa rurapan.

Isaías 46:1

Bel diosga uysucäcunmi. Nebo diospis tunicunmi. Chay dios-niraj ïdulucunataga uywacunaman cargacurcur-rämi apan. Chaycunaga fiyupa lasarmi uywacunata uticächin.

Isaías 46:6

Waquin runacunaga churacunanpita achca gorita jorgun. Guellaytapis balansacho pësan. Nircorga imanirajtapis ïduluta rurayta yachajwan parlan ‹diosnëta rurapämay› nir. Ruraparcuptenga chaypa ñaupanman gongurpacun, aduran.

Ezequiel 14:6

«Chaymi Israelcunata niy: ‹Tayta Diosga caynömi nin: Arpinticuyna-llapa. Ïdulucunata adurayta cachaycäriyna. Melanaypajcunata ruraytapis cachaycäriyna.

Ezequiel 36:25

Chuya yacuwanmi mayllashayquipaj. Ganra caycajta limyuyächishayquipaj. Ïdulucunata adurashayquipita ganra caycajtapis limyuyächishayquimi.

Ezequiel 7:19

Guellaynincunatapis cällicunamanmi mashtarenga. Goritapis mana bälej ganratanömi jitarenga. Rabyar castigashä öraga manami salbangachu guellayninpis, ni gorinpis. Chaycunataga manami micongapächu; ni sacsangapäpischu. Paycunaga gorita guellayta charayta munayllawanmi jucha ruraymanpis chayasha.

Oseas 14:8

Acrashä runacunataga nogami ricä, chayno mañacamashantapis wiyä. Nogaga pïno yöra berdiraycajnömi caycä. Nogami achcaman mirananpäpis yanapä. Chaymi Efraín runacunaga nengapaj: ‹¿Imapänataj munä cay ïdulucunata?› nir.»

Levítico 11:19

cigüeñata, llapan casta garsata, abubillata, chicchitapis.

Sofonías 2:11

Llapan dioscunata illgächishpan chay nasyun runacunataga Tayta Dios fiyupami mancharachengapaj. Intëru munducho tiyajcunapis Tayta Diosllatanami adurangapaj. Chaura may-chaychöpis payllanami adurasha cangapaj.

Lucas 23:30

Chay wichanmi fiyupa ñacashpan puntacunatapis nenga ‹Juchumur chapacarcamay› nir. Jircacunatapis nenga: ‹Nogacunapa janäman tunimur ñiticarcamay› nir.