Isaías 2:19 - Tayta Diosninchi Isquirbichishan

¹⁹ Tayta Dios chayno shamuptin runacunaga mancharishpanmi yagacaycärengapaj gagacho caycaj uchcucunaman, pacha rurinpa caycaj uchcucunamanpis. Chaynöga pacaconga manchacuypaj munayniyoj Tayta Diospitami.

Isaías 2:19 ပူးပေါင်းရင်းမြစ်များ

2 Samuel 22:46

Juc-lä nasyun runacunaga manchacamanmi. Pacacunanpitapis sicsicyaycarmi llojshimun.

Job 9:6

Paymi camacächin cay pacha sicsicyananpäpis, simintuncuna llojshicänanpäpis.

Salmos 7:6

¡Tayta Dios! ¡Chiquimajcunawan rabyasha pillyay ari! ¡Alli arriglanayquipaj nisha caycarga faburnë jatariy ari Tayta Dios!

Isaías 13:13

Chay öraga syëlupis chucchongami. Cay pachapis cuyurishpan caycashanpita witengami. Chaynöga cangapaj chay junaj fiyupa rabyaptëmi.

Isaías 2:10

Runacunaga pacacongapaj gagapa shillincunamanmi. Pampata uchcuriycärir allpa rurinman yayconga. Chaynöga pacaconga manchacuypaj munayniyoj Tayta Diospitami.

Isaías 2:21

Chay junaj runacunaga mancharishpanmi yagacaycärengapaj gagacho caycaj uchcucunaman, pachapa shimin uchcucunamanpis. Chaynöga pacaconga Tayta Diosta manchacushpanmi.

Isaías 24:1

Masqui ricay-llapa. Tayta Diosga llapantami cay pachata usharenga. Cay pachata fiyupami cuyurachenga. Runacunatanami wacpa-caypa mashtacächenga.

Isaías 24:18

Casadurpita gueshpej cäga yagangapaj uchcumanmi. Uchcupita llojshirir gueshpej cajnami togllacho watacasha quëdanga. Fiyupa löcu tamyami tamyamongapaj. Cay pachata tucnarämojcunapis chucchongarämi.

Isaías 24:19

Cay pachaga fiyupa manchariypämi cuyurenga. Cuyurishpan ichic-ichiclla ruracäcongapaj.

Isaías 30:32

Asiriacunata Tayta Dios castigaynin-tupumi gamcuna cushicur tamburcunata, arpacunata tucashayquipis wiyacangapaj. Asiria runacunata Tayta Diosga fiyupami castigangapaj.

Isaías 33:10

Tayta Diosmi cayno nin: «Cananmi castigayta gallaycushaj. Cananmi musyachishaj munayniyoj cashäta.

Isaías 7:19

Paycuna llapan chayamushpan tiyacaycärengapaj chunyaj ragracunacho, jircacunacho caycaj machaycunachöpis. Tiyacaycärengapaj shata casha caycashancunacho, uywacuna yacuta upunan particunachöpis.

Jeremías 16:16

«Nogami cachamushaj achcaj contrancunata. Chaycunami Israel runacunataga pescäduta charej-jina charenga. Chaycunami casadurcuna charejnöpis Israelcunataga jorgamonga jircacunapita, puntacunapita, machaycunapita, gagapa shillincunapitapis.

Jeremías 4:29

Lëchata jitajcuna, muntäducuna gayarashpan shamojta wiyar llapanmi siudäpita gueshpir aywacun. Shatacunaman munticunaman pacacaycärin. Gaga chaupincunaman wichacarcärin. Siudäcunaga llapanpis chunyajmi quëdacun. Chaychöga manami pipis tiyannachu.

Jeremías 48:28

Moab runacuna, siudäta cachaycärir gueshpicuy. Gaga chaupincunaman aywacuy paluma gagapa wirpancunacho gueshtata ruraycur tiyajno tiyacunayquipaj.

Ezequiel 33:27

«Mastapis niy: ‹Tayta Diosga caynömi nin: Nogaga jutëpami jurä: Ragällan caycaj siudäcunacho tiyaycajcunapis guërrawanmi wañonga. Chacracunacho tiyaycaj cajtanami jirca animalcuna micucurconga. Gagacunacho, machaycunacho tiyaycajcunana gueshyawan wañonga.

Oseas 10:8

Mana bälej ïduluncunata adurashan capillancunapis ushacangami. Chaychöga Israelcuna juchatami ruraran. Capillancunachöga cashacunawan shiracunallami wiñamonga. Chayrämi runacunapis puntacunata nenga: «¡Juchumur chapacarcamay!» nir. Jircacunatapis nenga: «¡Nogacunapa janäman tunimur ñiticarcamay!» nir.

Miqueas 7:17

Culebracunano, waquin garachaypa purejcunanöpis allpatami miconga. Pacarpaycashanpitapis sicsicyaycarmi llojshimonga Tayta Diospa ñaupanman. Tayta Dios, gamtaga fiyupami manchacushunquipaj.

Nahúm 3:11

Gampis chaynömi machasha runano tapraycachaycanquipaj. Imata ruraytapis mana camäpacushpayquimi contrayquicunapita pacacunquipaj. Pacacunayquipaj ashir purinquipaj.

Hageo 2:6

Manapis aycällatanami cuyurachishaj syëluta, munduta, lamarta, chaqui pachatapis.

Hageo 2:7

Llapan nasyuncunatapis cuyurachishaj. Chauraga ima-aycanpis caymannami chayamongapaj. Chaynöpami Templöchöga ima-ayca bälejcunapis junta caycanga. Noga munayniyoj Tayta Diosmi chayno në.

Lucas 23:30

Chay wichanmi fiyupa ñacashpan puntacunatapis nenga ‹Juchumur chapacarcamay› nir. Jircacunatapis nenga: ‹Nogacunapa janäman tunimur ñiticarcamay› nir.

2 Tesalonicenses 1:9

Paycunaga munayniyoj Tayta Diospa ñaupanman manami chayangapächu. Chaypa ruquenga infiernuchömi imaycamapis ñacangapaj.

Hebreos 11:38

Tayta Diosninchi munashanno cawashanpitami paycunata chiquiran. Chayno chiquiptinmi paycunaga puriran chaqui jircacunapa y chunyaj ragracunapa. Paycunaga machaycunallachömi puñuranpis. Tayta Dios munashanno cawaptinmi paycunataga runacuna chiquiran.

Hebreos 12:26

Israel runacunata Tayta Diosninchi Sinaí jircacho parlapaptin chay jircapis fiyupami sicsicyaran. Cananpis Tayta Diosninchëga palabrancho niycanmi: «Yapaymi munduta sicsicyachishaj. Cananga manami mundullatachu sicsicyachishaj, man'chäga syëlutawanmi.»

Apocalipsis 11:13

Chay örami fiyupa timlur caran. Chaymi chay marcacho cada chunca wasipita juc wasi juchuran. Ganchis waranga (7,000) runacuna wañuran. Cawaj cajcunaga fiyupa mancharirmi syëlucho caycaj Tayta Diosta alabaran.

Apocalipsis 11:19

Chaymi syëlucho caycaj Templu quichacaptin ricarä chunca mandamintucuna churaraycashan babulta. Chay örami illguypis räyupis, runtu tamyapis fiyupa caran. Timlurpis fiyupa caran.

Apocalipsis 16:18

Chaura achicyaypa achicyar illgömuran. Räyupis junrururan. Timlur captin pachapis fiyupa sicsicyaran. Runacunaga manami imaypis ricaranchu chayno timlur cajta.

Apocalipsis 20:11

Chaypita ricarä jatuncaray yuraj achicyaycachaycaj sillunta. Chaychömi Tayta Dios jamaraycaran. Chay örami syëlupis cay pachapis illgacäcuran. Mananami mas ricacarannachu.

Apocalipsis 9:6

Chay wichanga fiyupa ñacar wañuyta munarpis runacuna manami wañuyta tarengachu. Wañuy manami canganachu.

1 Samuel 13:6

Chaura Israelcunaga fiyupa manchariran. Filistea runacunaga intërupa yaycapaycuran. Chaymi Israelcunaga pacacuran, intëru jircaman, tarishan uchcucunaman, machaycunaman, gaga chaupincunaman, shillicunaman, maymanpis pacacunanpaj tarishanman.

1 Samuel 14:11

Chaymi Jonatanwan uywaynenga Filistea suldärucuna ricananpaj ricäpapa aywaran. Ricärir Filistea suldärucuna ninacuran: «Masqui ricay-llapa, hebreo runacunaga machaycunaman pacacushanpita llojshircaycämunnami.»