Isaías 19:4 - Tayta Diosninchi Isquirbichishan

⁴ Nogami Egipto runacunataga churashäpaj fiyu mandajpa munayninman. Paycunataga mandangapaj fiyu raymi.» Munayniyoj Tayta Diosmi chayno nisha.

Isaías 19:4 ပူးပေါင်းရင်းမြစ်များ

Salmos 31:8

Chiquimajcunapa munayninmanga manami cachaycamashcanquichu. Nogataga alli pachamanmi churamashcanqui.

Isaías 19:2

Tayta Diosmi nin: «Nogami camacächej-aywä Egipto runacuna rimanacur raquicänanpaj. Chaynömi camacächishaj quiquin-pura pillyananpaj. Amïgu-purami pillyanga. Marca-purami pillyanga. Nasyuncunata mandaj-purami pillyanga.

Isaías 20:3

Chaura Tayta Dios niran: «Sirbimajnë Isaiasga quimsa watanami rurin caj röpallanwan, gala-chaquilla goyasha Egipto runacunatawan Etiopía runacunata chayno päsananpaj cashanta musyachinanpaj.

Isaías 20:4

Isaías cashantanöllami Asiriapa rayninpis prësu apangapaj Egipto runacunatawan Etiopía runacunataga: auquincunatapis, mösucunatapis. Paycunata apangapaj gala-chaquillata, ruri caj röpallantawan, gala-siquillata fiyupa pengacachishpan.

Jeremías 46:26

Nogami camacächishaj fiyupa chiquej Babiloniapa raynin Nabucodonosorpa maquincho cananpaj, pay mandashan runacunapa maquincho cananpaj. Chaypita mas unaytanami ichanga unay tiyashannöna yapay Egiptucho runacuna tiyacongapaj. Noga Tayta Diosmi chayno në.»

Ezequiel 29:19

Chaymi, noga Tayta Dios në: Nogami camacächishaj Egiptuman Nabucodonosor yaycunanpaj. Nircur ima-aycantapis guechonga. Chay guechushanwannami suldäruncunata päganga.

Ezequiel 30:12

Camacächishaj Nilo mayu chaquicäcunanpaj. Chay nasyuntanami cachaycushaj fiyu runacunapa maquinman. Chay nasyuntaga juc-lä runacunawanmi usharishaj. Noga Tayta Diosmi chayno nishcä.

Nahúm 3:10

Chayno caycajtami Tebas runacunataga prësu aparan. Wamrancunatapis cällipa isquïnancunaman apaycur pagshirgäriran. Mayur runacunata apacunanpaj surtita jitaran. Mandajnincunatanami cadinacunawan watacarcärir prësu apacuran.

1 Samuel 23:7

Waquin runacunaga Saulta willaran «Davidga Keila siudächömi caycan» nir. Chaura Saulpis yarparan «Tayta Diosmi munaynëman churamusha wañuchinäpaj. Siudä rurichöga wichgacashami, lläbicashami caycanga» nir.