Isaías 19:11 - Tayta Diosninchi Isquirbichishan

¹¹ ¡Zoán siudäpa mandajnincunaga yarpayniynaj upa runacunami! ¡Egiptupa mandajninta tantiyachej musyacojcunapis yarpayniynaj upa tantiyachejcunami! ¿Imanirtaj faraonta cayno nin: «Nogacunaga cä unay musyacojcunapita mirajmi, unay raycunapita mirajmi» nishpan?

Isaías 19:11 ပူးပေါင်းရင်းမြစ်များ

1 Reyes 4:30

Chaura Salomonga mas yacharan Egipto runacunapita, inti yagamunancho tiyajcunapitapis.

1 Reyes 5:10

Chaymi Hiramga guerucunata jorgachiparan sedruta, pïnutapis Salomón munashan cajtaga llapanta.

Job 12:17

Paymi camacächin yachajcunapis mana tantiyananpaj. Juezcunatapis upatacäcachin.

Salmos 33:10

Tayta Diosmi mana camacächinchu payta mana rispitajcuna imata rurayta munaptinpis.

Salmos 73:22

Pasaypa mana tantiyaj runami cashcä. ¡Ñaupayquichöga caycarä juc animalnömi!

Salmos 78:12

Tayta Diosga milagrucunata ruraran taytancuna ricaycaptinmi Egiptucho caycaj Zoán particho.

Salmos 78:43

Manami yarparannachu Egiptucho caycaj Zoán particho fiyupa almiraypajcunata rurashanta.

Salmos 92:6

Chaymi mana tantiyacunchu llutan ruraj runacunaga.

Éxodo 8:14

Runacunaga intërucho shuntaran muntuy-muntuy wañusha säpucunata. Chaura may chaychöpis fiyupa asyaran.

Éxodo 8:4

Säpuga aypalla carmi quiquin faraonpa janancunamanpis autoridänincunapa jananmanpis, llapan Egipto runacunapa jananmanpis pintircaycanga.

Proverbios 30:2

Nogaga cä llapan runapitapis mas mana tantiyacoj upami. Manami runapa yarpayninnöchu nogapa yarpaynëga.

Isaías 19:13

Zoanpa mandajnincunaga upami. Menfis siudäpa mandajnincunapis llullapashantami riguisha. Probinsyancunapa mandajnincunami Egipto runacunataga llutanta rurachisha.

Isaías 19:3

Egiptucunapa yarpaynintami pirdichishaj. Imata rurananpaj yarpashancunatapis manami camacächishächu. Chauraga imata rurananpäpis tapucongapaj ïdulucunata, brüjucunata, wañojcunapa almanta, musyacojcunatami.

Isaías 29:14

Chaypitami cay runacunapäga tantiyayta mana camäpacunanpaj camacächishaj. Camacächishaj cay runacuna fiyupa almirananpaj. Yachajcunapa yachaj cayninpis, tantiyajcunapa tantiyaj cayninpis manami canganachu.»

Isaías 30:4

Zoán siudäman, Hanes siudäman cachata ruquin cachacusha captinpis

Isaías 44:25

Nogaga manami camacächëchu llulla profëtacuna ‹caynömi, wacnömi canga› nishanno cananpäga. Nogami camacächë musyacojcunapapis manana yarpaynin cananpaj. Nogami camacächë yachajcuna jucnin nishan jucnin nishanwan mana tincunanpäpis. Yachashancunapis imapäpis mana bälejna cananpaj camacächë.

Jeremías 10:14

Runacunaga llapanpis upami, imatapis mana tantiyajmi. Ïduluncunaga ruraj runatapis pengacachinmi. Rurashan ïdulucunaga mana bälejmi, mana cawajmi.

Jeremías 10:21

Chaynöga caycan cay runacunapa mandajnincuna yarpayniynaj captinmi. Chay mandajcunaga Tayta Diosta manami wiyacushachu. Chaypitami castïgu chayasha. Cananga mandashan runacunapis mashtacashami carcaycan.

Jeremías 46:17

Chayno ninacur gaparpan: ‹Egiptupa mandajnin faraonga ricayllanmi. Manami imata ruraytapis camäpacunchu› nir.

Jeremías 49:7

Edom nasyun runacunapaj munayniyoj Tayta Dios caynömi niran: «¿Temán siudächöga mananachu can yachajcuna? ¿Mananachu tantiyajcuna ima ruraytapis puydipacanna? ¿Yachajcunapis llapan yachay cayninta gongaycärishanachu?

Jeremías 8:9

Chaypitami chay musyaj-yachajcunaga pengaycho cangapaj. Trampaman yaycusha animalnöpis mancharenga. Noga nishätaga manacajmanmi churasha. Chauraga ¿imanöpataj yachaj canga?

Ezequiel 28:17

Cuyayllapaj carmi alli-tucurayqui. Allicho carmi yachaj cayniquitapis mana alliman ticrachishcanqui. Nogami gamta pampaman jitarishcä. Llapan raycunapa ñaupanman churashcä paycuna manacajman churar asipäshunayquipaj.

Ezequiel 30:14

Patros partitaga ushajpämi juchur-ushacächishaj. Zoán siudätapis ninawanmi rupaycachishaj. Tebas siudätapis sumajmi jusgashaj.

Ezequiel 7:26

Paycunapäga mana alli goyayllanami jananman jananmanpis chayangapaj. Mana alli willapallanami imaypis canga. Yanganami ashenga profëtatapis ‹Tayta Dios ¿ima nintaj?› nir tapucunanpaj. Tantiyachej cüracunapis manami canganachu. Alli willapänanpaj auquincunapis manami canganachu.

Abdías 1:7

Llapan yanapäshojcunami engañashunquipaj. Nasyunniquipitami jitarishunquipaj. Asta yanasayquicunapis chiquicurcushunquipämi. Mas yäracushayqui caj amistäniquicunami llullapäshunquipaj mana alliman chayanayquipaj. Edom runacuna, ¿maytaj musyaj yachaj cashayqui?

Abdías 1:8

«Edom runacunata castigashä junäga llapan musyaj yachajcunatami illgächishaj. Altucho tiyaj runacuna yachaj cashantapis gongachishämi.

Números 13:22

Neguevpa gallaycur chayaran Hebrón marcacama. Chaychömi tiyaycaran Anacpita miraj runacuna: Ahimán, Sesai, Talmai. Hebrón marcataga unaynami ruraran. Chaypita ganchis watatarämi Egiptucho caj Zoán marcatapis ruraran.

Hechos 7:22

Chaynöpami Moisesga Egipto runacuna estudyashanta yachacuran. Yarpaysapa carmi imatapis alli ruraj, alli rimaj.