Isaías 17:14 - Tayta Diosninchi Isquirbichishan

¹⁴ Chay runacuna tardipaga fiyupa mancharishami carcaycanga. Pacha wararcuptenga chiquimajninchïcuna llapanmi mana canganachu. Chaynömi illganga imanchïtapis suwapämajninchïcuna, marcanchïtapis mana allita rurajcunaga.

Isaías 17:14 ပူးပေါင်းရင်းမြစ်များ

2 Reyes 19:3

Aywajcunaga niran: «Ray Ezequiasmi nin: ‹Cananga fiyupa llaquicuychömi caycäcuna. Castïguchömi, pengaychömi caycäcuna. Nanaycho caycaj warmi gueshyacunanpaj callpan manana cajnömi caycäcuna.

2 Reyes 19:35

Chay nishan chacayllami Tayta Diospa anjilnin chayaycur wañuycachiran Asiria suldärucuna pachacaraycajta pachac pusaj chunca pichgan waranga (185,000) runacunata. Warannin tuta waquin suldärucuna riccharcamorga tariran wañusha mashtarpaycajtana.

Job 20:29

Chayno cananpämi mana alli runacunataga Tayta Dios distïnuta gosha. Chaynöman chayananpämi surtin caycan.»

Salmos 37:36

Chayno caycashanpitami illgacäcusha. Chauraga ashirpis mananami tarishcänachu.

Proverbios 22:23

Paycunapa faburnin Tayta Diosmi canga. Paycunata suwapajtaga Tayta Diosmi ima-aycantapis guechonga.

Isaías 10:25

Ichanga cananpita manapis aycällatanami gamcunapaj rabyasha caycashäpita allchacäshaj. Nircorga Asiriacunatanami fiyupa rabyashpä illgächishaj.

Isaías 21:12

Chaura ricachacojna nin: «Pachaga waranganami. Ichanga chacaypis yapay chayamonganami. Masta musyayta munarga yapay cutimunqui.»

Isaías 29:2

Ichanga nogami Ariel siudämanga ñacaycunata chayachishaj. Chayrämi canga llaquicuy, wagay. Chay siudä nogapäga cangapaj rupachicuna altarnömi.

Isaías 29:5

Ichanga mana yarpashapitami Noga munayniyoj Tayta Diosga chiquishojcunata castigashaj. Paycunataga castigashaj räyuwan, timlurwan, löcu wayrawan, löcu tamyawan. Chay aypalla chiquishojcunaga quëdangapaj ñuchu allpamanno ticrashami. Aypalla gaticachäshojcunaga cangapaj chaqui pangata wayra apashanömi.

Isaías 29:7

Aypalla nasyun runacuna Arielcho tiyajcunawan pillyarcaycäga illgangapaj suyñunöllami. Llapan magaycaj runacunaga, perga curralta juchuycächejcunaga illgangapaj chacaypa ricapacushannöllami.

Isaías 30:28

Jämayninpis caycan fiyupa chayasha mayu runata cuncancama ñiticurcojnömi. Payga aywaycämun juc-lä nasyun runacunata mana alliman chayachinanpämi. Llapan runacunapa shiminmanpis frënuta churapanga chaywan juc-läpana pantacächinanpaj.

Isaías 33:1

Ay imanöraj canqui jucta illgächej. Gamtaga manarämi illgächishunquirächu. Ay imanöraj canqui juccunata engañaj. Manami engañasharächu caycanqui. Illgächiyta ushaycorga quiquiquipis illganquipämi. Juccunata engañayta ushaycuptiquega quiquiquitapis engañashunquipämi.

Isaías 33:18

Fiyupa manchacur goyashayquita yarpärir ninquipaj: «¿Cananga maytaj impuestuta pägashanta yupajcuna? ¿Maytaj ayca imano lasashantapis ricajcuna? ¿Maytaj ricachacuna törricunata yupaycajcuna?» nir.

Isaías 34:17

Cada-ünuntami maycho goyänanpäpis camaripasha. Quiquinmi ricachisha maycho tiyananpäpis. Ricachishanchömi imaycamapis tiyaconga. Imaycamapis chayllachömi tiyacongapaj.

Isaías 41:12

Contrayqui cajcunataga ashirpis manami tarinquipänachu. Gamcunawan guërrata ruraj cäga mana cashan-japuymi cangapaj.

Jeremías 13:25

Israel runacuna, gamcunapaga chayno canayquipämi distïnuyqui. Chayno ruranätami gamcunaga munashcanqui. Noga Tayta Diosmi chayno në. Gamcunaga nogata gongaycamashpayquimi mana sirbej ïdulucunaman yäracushcanqui.

Jeremías 2:3

Gamcunaga noga acracushämi carayqui. Rimir punta shuntar raquishan micuynömi nogapaj raquisha carayqui. Chaymi ñacachishojcunataga noga castigaj cä. Castigarmi fiyupa ñacachej cä. Noga Tayta Diosmi chayno në.»

Jeremías 49:10

Nogami ichanga Esaú runacunata ima-aycantapis ushajpaj guechushaj. Pacacunantapis ushajpämi alayri cachaycushaj. Mananami mayman pacacunanpäpis canganachu. Wamrancunapis, castancunapis, bisïnuncunapis ushajpämi ushacanga. Manami pipis canganachu

Ezequiel 39:10

Chauraga manami jircapa yantacoj, ni muntiman guerucuna mutojpis aywangapänachu. Chay pillyacunallanmi yantanpaj canga. Chaynöpanami paycuna suwapanga quiquincunata unay suwapajcunataga. Unay paycunata guechojcunatapis guechonga. Noga Tayta Diosmi chayno në.

Zacarías 2:12

Tayta Diosga yapaymi Judá runacunata partisyuntano shuntangapaj. Jerusalén siudänami cangapaj llapan siudäcunapita acracushan siudä.

Jueces 5:31

«Tayta Dios, chiquishoj cäga llapanpis chaynölla ushacächun. Gamta cuyashoj cajcuna ichanga inti cuyayllapaj achicyashanno cachun.» Chaypitaga chuscu chunca (40) watayaj chay Israel nasyuncho jauca goyaylla caran.