Isaías 17:12 - Tayta Diosninchi Isquirbichishan

¹² ¡Wiyay-llapa chiquishoj aypalla marca runacuna ollgurcaycashanta! ¡Paycuna ollgur gaparpashanga wiyacaycan chayasha mayu bunyaylla aywaycajnörämi!

Isaías 17:12 ပူးပေါင်းရင်းမြစ်များ

Salmos 18:4

Wañuyga janächönami ricacuran. Juchuno janächöna captin fiyupa mancharirä.

Salmos 29:3

Tayta Diospa busnenga lamar jananpitami wiyacämun. Syëlucho caycaj Tayta Diosmi junruruchimun. Tayta Diosga intëru lamar jananchöpis caycanmi.

Salmos 83:2

Chiquishojcunata masqui ricay: imanöshi gayapaycäshunqui. Contrayquicunata masqui ricay: gaparpashpan imanöshi washayquita rimarcaycan.

Isaías 13:4

Masqui wiyay. Aypalla runacuna shuntacasha cashanmi puntacunapita wiyacaycämun. Masqui wiyay. Achca nasyun runacuna shuntacaycur gaparashanmi wiyacaycämun. Munayniyoj Tayta Diosmi shuntaycan pillyaman aywananpaj camaricusha caycaj suldäruncunata.

Isaías 28:17

Chaychöga alli goyaymi plomädano canga. Rasun cajta ruraynami nibilno canga. Gamcuna llullacuypa pacacushayquitaga runtu tamyami illgarachengapaj. Chapäshunayquipaj yäracushayquitanami yacu apacongapaj.

Isaías 54:17

Ichanga gamta illgächishunayquipaj manami pipis pillyanacunata rurashachu. Achäquita ashipäshojcunataga llapantami upällachinquipaj. Chaynömi canga nogata sirbimajcunapäga. Chaynöpami nogaga salbashaj.» Tayta Diosmi chayno nin.

Isaías 8:9

May caru nasyuncunacho caycajcuna wiyamay-llapa: Juc-lä nasyun runacuna mä shuntacay. Mä mancharachimay. Armayquicunata may-jina camaricusha carpis pirdinquipämi. Rasunpami may-jina camaricurpis ushacanquipaj.

Isaías 9:5

Cushicuy caycan suldärucuna jaticushan bötasnincunatapis manana nistaptin, guërracho pillyananpaj caj yawar töpasha röpancunatapis rupachinanpaj captin. Ninami ushajpaj rupanga.

Jeremías 6:23

Chay runacunaga lëchanwan sablinwan camaricushallanami carcaycan. Chay runacunaga fiyumi. Manami pitapis cuyapanchu. Pillyapaj gayarparpis lamar yacu gaparajnörämi gaparpan. Llapanpis cawallun muntashallami aywarcaycämun. Jerusalén runacunawan pillyananpaj camaricushanami carcaycan.» Judá runacunaga nircaycan:

Ezequiel 43:2

Chaypita ricarä Israelcunapa Tayta Diosninpa achicyaynin inti yagamunan caj-läpita aywaycämojta. Suynashanga fiyupa wiyacaran chayasha mayu gaparajnöraj. Chaura cay pachaga fiyupa achicyacurcuran.

Daniel 7:2

«Suyñuynëcho ricaycashcä cay pachacho chuscun lädupita wayraycämojta. Chayno wayrashpanmi lamar yacutapis manchariypaj wac-läman cay-läman apar pullchajyaycächiran.

Miqueas 4:11

Cananga achca nasyun runacunami gampa contrayqui shuntacasha carcaycan. Paycunami cayno parlan: «¡Jerusalén ushacaycunman! ¡Chauraga fiyupa cushicurmi ricapashwan!» nir.

Números 10:35

Babulta apananpaj jogarcäriptin Moisés nej: «¡Aywaculläshunna Tayta Dios! ¡Contrayqui cajcunaga machiypa-machir gueshpichun! ¡Chiquishojcunaga ricashushpayqui gueshpir aywacuchun!»

Lucas 21:25

«Intipis, quillapis, goyllarcunapis fiyupa manchariypämi ricaconga. Cay pachachönami llapan runacuna manchariywan löcutanga lamar yacu löcutar fiyupa gaparaptin.

Apocalipsis 17:1

Bäsuta tacshimoj ganchis anjilpita juc aywaycamur nimaran: «Shamuy, mayu tincojcho jamaraycaj mañösa warmita Tayta Dios imano castigashantapis ricachishayqui.

Apocalipsis 17:15

Chaypitanami anjil nimaran: «Mañösa warmi jamaraycashan cajcho caycaj yacoga tincun may-chay marca runacunamanmi, may-chay nasyun runacunamanmi, tucuy rimayta rimaj runacunamanmi.