Isaías 16:6 - Tayta Diosninchi Isquirbichishan

⁶ Musyanchïnami Moab runacuna alli-tucushanta, waquinpita mas munayniyoj-tucushanta, pitapis mana rispitaj cashanta, baduläqui cashanta.

Isaías 16:6 ပူးပေါင်းရင်းမြစ်များ

Proverbios 21:24

Ollgojta, alli-tucojtaga «shimisapa» nirmi rejsin. Chayno runaga yachaj-tucojmi.

Isaías 15:1

Moab nasyun imano cananpäpis Tayta Dios ribilashanta Isaías willacuran: Moab nasyuncho caycaj Ar siudätaga illgächengami. ¡Juc chacayllachömi illgächenga! Moab nasyuncho caycaj Kir siudätaga illgächengami. ¡Juc chacayllachömi illgächenga!

Isaías 2:11

Alli-tucojcunaga uysurpangami. Ollgojcunapis manacajman churashami ricacongapaj. Chay junäga Tayta Diosllami fiyupa munayniyoj cashpan rispitasha canga.

Isaías 25:10

Sión lömataga Tayta Diosmi imapitapis chapanga. Moabtami ichanga lluchcar-ushanga. Ganrata lluchcashannömi lluchcarenga.

Isaías 25:11

Moab runacunaga mayucho bäñacushannörämi maquintapis tapsenga. Ichanga Tayta Diosmi alli-tucuycajta ñitirenga. Manami imanöpapis gueshpengachu.

Isaías 28:15

Gamcunaga nircaycanqui: «Wañuywanmi parlashcäcuna fiyupa manchariypaj mana alli chayamuptin nogacuna mana wañunäpaj. Nogacunaga llullacuypami pacacushäcuna. Engañaypami chapacushäcunapis.»

Isaías 28:18

Wañuywan parlashayquega anulacangami; manami bälenganachu. Fiyupa manchariypaj mana alli disigrasyami chayamongapaj. Chaura chay mana alliga ushajpämi ñitirishunquipaj.

Isaías 44:25

Nogaga manami camacächëchu llulla profëtacuna ‹caynömi, wacnömi canga› nishanno cananpäga. Nogami camacächë musyacojcunapapis manana yarpaynin cananpaj. Nogami camacächë yachajcuna jucnin nishan jucnin nishanwan mana tincunanpäpis. Yachashancunapis imapäpis mana bälejna cananpaj camacächë.

Jeremías 48:14

«Moab runacuna ama nichunchu: ‹Jinyu runacunami cä. Guërracho pillyay yachaj munayniyoj runacunami cä› nir.

Jeremías 48:26

Moab runacunaga nogapa conträmi ricacuran. Chaypita paycunataga rabyasha caycashä cöpawan machächiy. Machacarcärerga gumitashan jananchömi gochpanga. Chaura llapanmi asipanga.

Jeremías 48:42

Moabga manami nasyunnachu canga. Chayno canga noga Tayta Dios caycaptë apärimashanpitami.

Jeremías 50:36

¡Musyacojnincuna guërracho cachun chaynöpa löcuna ricacunanpaj! ¡Suldäruncunapis guërracho cachun chaynöpa manchariywan sicsicyananpaj!

Amós 2:1

Tayta Diosga caynömi nin: «Moab nasyuncho tiyajcunaga aypallatanami mana allita rurasha. Paycunaga uchpayänanyajmi rupachiran Edompa rayninpa tulluncunata. Chaypitami castigänillataga mana cachaycushächu.

1 Pedro 5:5

Jipash mösupis, mayur ermänucunata wiyacuy. Chaynölla jucniqui-jucniquipis mana alli-tucuypa rispitanacuy. «Alli-tucojcunataga Tayta Diosninchi manami yanapanchu. Umildicunatami ichanga cuyapar yanapan.»