Isaías 12:5 - Tayta Diosninchi Isquirbichishan

⁵ Tayta Diosta alabar cantay-llapa. Payga fiyupa almiraypajcunatami rurasha. Chaytaga cay pachacho caj runacuna intërucho musyanman.

Isaías 12:5 ပူးပေါင်းရင်းမြစ်များ

Salmos 105:2

Alabansacunawan payta alabay. Almiraypajcunata rurashanta willacuy.

Salmos 72:19

Tayta Diosga imaycamapis alabasha caycuchun. ¡Cay pachachöga intërucho paylla rejsisha cachun! ¡Chayno caycuchun!

Salmos 98:1

Mushoj alabansawan Tayta Diosta alabashun. Payga rurasha fiyupa almiraypajcunatami. ¡Munayniyoj cashpanmi, callpayoj cashpanmi llapanta binsisha!

Éxodo 15:1

Chaypita Moisesga llapan Israelcunawan Tayta Diosta alabar cantaran. Chay cantashan caynömi niycaran: «Tayta Diosta alabashpämi cantashaj munayniyoj cayninwan binsishanpita. Payga cawallucunatami, muntädu aywajcunatami lamarman garpurisha.

Éxodo 15:21

Caynömi María cantaran: «Tayta Diosta alabar cantay munayniyoj cayninwan binsishanpita. Payga cawallucunatami, muntädu aywajcunatami lamarman garpurisha.»

Isaías 24:14

Cawaycar quëdaj runacunaga Tayta Dios imanöpis rurashanta ricasha carmi cushicuypita gaparpanga. Tayta Diosta ricarmi maycho tiyaycashanchöpis cushisha cantanga.

Isaías 40:9

Sionman alli willapata apaj, altunnin puntaman wichay. Chaypita intërupa willacushpayqui llapan callpayquipa gayaray. Jerusalenman alli willapata apaj, mana manchacuypa sinchi gayaray. Judá siudäcunacho tiyajcunata willapay «¡Diosninchëga jananchichönami!» nir.

Isaías 42:10

Tayta Diostaga mushoj alabansawan alabay. Cay munducho cajcunaga may carucho cashpayquipis alabay-llapa, lamar jananpa büquiwan purejcunapis, lamarcho tiyaj animalcunapis, lamar chaupin tishgucunacho caycaj nasyun runacunapis.

Isaías 42:11

Cushicuchun chunyaj chaqui jircacunapis siudänincunapis, Cedarpita miraj runacuna witichinalla wasincunacho tiyajcunapis. Selacho tiyaj runacuna cushicuypita cantachun. Altunnin puntacunacho cushicuywan gaparpächun.

Isaías 44:23

¡Tayta Dios imanöpis rurashanpitaga cushicuywan gaparay ari syëlu! ¡Pacha rurincho caycajcunapis bïbar gaparpay! ¡Jircacunapis llapan munticunapis fiyupa cushicushpayqui gaparpay! ¡Cushicur gaparpay Jacobpita mirar aywaj Israelcunata salbashpan Tayta Dios fiyupa munayniyoj cashanta musyachishanpita!

Habacuc 2:14

Chauraga lamarcho yacu juntarashannömi mundu intëruchöpis Tayta Diosta rispitaj runacunallana aypalla canga.

Malaquías 1:11

Mundu intërucho may-chaychöpis nogataga rispitamanmi. May-chaychöpis nogapa jutëcho insinsuta rupaycächinmi. Nogapäga alli ofrendallatami churanpis.

Apocalipsis 15:3

Cantaycaran Tayta Diospa sirbejnin Moisés cantashanta, Cashni uysha cantashanta: «Llapanpaj munayniyoj Tayta Dios, Gam rurashayquicunaga fiyupa allimi. Llapanpa mandajnin Tayta Dios, Gamga imaypis alli cajllatami ruranqui.