Isaías 11:1 - Tayta Diosninchi Isquirbichishan

¹ Tumpupitaga chillguinmi. Chaynöllami Davidpa papänin Isaïpitapis juc ray yurenga.

Isaías 11:1 ပူးပေါင်းရင်းမြစ်များ

2 Samuel 23:3

Israelcunapa Diosninmi parlasha. Israelcunata washajmi nimasha: ‹Runacunata mandashpan alli arrigläga, Tayta Diosta manchacuypa mandäga

1 Crónicas 2:12

Booz caran Obedpa papänin. Obed caran Isaïpa papänin.

Salmos 145:11

Paycunaga sumaj mandashayquipämi parlanga. Munayniyoj cashpayqui rurashayquicunatapis willaconga.

Isaías 11:10

Chay wichanga tumpuno caycaj Isaïpita mirar aywaj yurejmi llapan runacunata shuntanga. Llapan nasyun runacunami payta ashej aywanga. Pay caycashannami fiyupa rispitädu cangapaj.

Isaías 4:2

Chay junajmi Israelcho cawaycar quëdajcunapäga Tayta Dios chillguichimushan canga cuyayllapaj camaraj, fiyupa cushicunanpaj. Micuy pogojcunapis cangapaj paycuna fiyupa cushicunanpaj, rispitasha cananpaj.

Isaías 53:2

Tayta Diosga munasha mallwa lanta wiñar chaqui allpaman sapichashanno sirbejnin wiñanantami. Payga manami cuyayllapaj buyna-mösupischu caran. Manami ricapänapänöpischu caran.

Isaías 6:13

Nasyuncho cada chuncapita jucnaylla quëdasha captinpis ushajpämi illgächishaj. Ichanga gueruta muturiptin runcun quëdashannömi quëdanga. Chaypitami Tayta Dios acrashan chillguimonga.»

Isaías 9:6

Cushicuy caycan juc wamra noganchïcho yurishanpitami. Juc wamratami Tayta Dios gomashcanchi. Paytami munayninta gosha mandananpaj. Paytami pï-maypis rejsenga: «Almiraypaj tantiyachicoj» nir, «Binsej Dios» nir, «Para-simri cawaj Tayta» nir, «Alli goyayta tarichicoj mandaj» nir.

Isaías 9:7

Ray David jamashanmanmi jamaycongapaj. Payga llapantami mandanga. Alli goyayga manami ushacanganachu. Imaycamapis payllanami mandanga. Pay mandarga rasun cajta, alli cajllatami imaycamapis ruranga. Chaynöga ruranga munayniyoj Tayta Dios fiyupa cuyamashpanchïmi.

Jeremías 23:5

«Juc junäga Davidpita lijïtimu mirar aywajnami ray cangapaj. Payga alli yachaj cayninwanmi mandangapaj. Cay nasyunchöga alli cajllatanami rurangapäpis.

Jeremías 33:15

Chay junajcuna chayamuptenga camacächishaj Davidpita lijïtimu mirar aywaj ray cananpämi. Payga mandangapaj rasun cajta, alli cajllata rurarmi.

Ezequiel 17:22

« ‹Noga Tayta Diosmi në: Nogapis sedru guerupa ñawin wiñaycajta paquirishämi. Mas allinnin caj rämapa ñawintami paquirishaj. Nircur quiquëmi lantashaj mas altunnin puntaman.

Ezequiel 37:25

Unay awiluncuna tiyashanchömi tiyanga. Chayga caycan sirbimaj Jacobta goycushä nasyunmi. Chaychömi tiyanga paycuna, wamrancuna, paycunapita mirar aywajcunapis. Sirbimajnë Davidllanami imaypis mandajnin caycanga.

Miqueas 5:2

Ichanga Judächo caj marcacunapita mas tacsha Belén Efrata marca, gamchömi Israelcunapa raynin yurengapaj. Payga yurenga mas unay famillya aywarajpitami.

Zacarías 3:8

Josué, sumaj wiyamay. Gamga caycanqui mandaj cürami. Gamno caycaj cüra-masiquicunapis wiyacuchun ari. Gamcunaga acrashä runacunapaj caycanqui juc señalmi: Sirbimajtami yöra chillguimojtanöpis yurichimushaj.

Zacarías 6:12

Nircur ninqui: ‹Munayniyoj Tayta Diosga caynömi nin: «Chellguej» jutiyoj runaga quiquinpa sapinpita chillguircurmi Tayta Diospa Templunta jatarachenga.

Mateo 1:1

Jesucristoga Davidpa castan aywajpitami caran. Davidpis caran Abrahampa castan aywajpitami. Jesucristupa waquin awiluncunapa jutincuna caynömi caran:

Romanos 15:12

Profëta Isaiaspis niran: «Tumpuno caycaj Isaïpita mirar aywajpitami yurenga. Llapan nasyun runacunata mandananpämi jatarenga. Mana Israel runacunapis paymanmi yäracongapaj.»

Hebreos 7:14

Musyashanchïnöpis Tayta Jesusga Judá trïbupitami yurisha. Chay trïbupita cüra cananpaj cajtaga Moisés nishan laycho manami ni imanillarpis rimacuranchu.

Apocalipsis 22:16

Jesucristumi nin: «Nogami anjilnëta cachamushcä ima päsananpaj cajcunatapis yäracamajcunata musyachinäpaj. Nogaga Davidpita mirajmi, Waraj estrëllami caycä.»

Apocalipsis 5:5

Chaymi chay ishcay chunca chuscu (24) mayur runacunapita jucga nimaran: «Ama wagaychu. ‹Judá trïbupita yurej Liyun› nishan Davidpita mirajmi llapanta binsisha. Paymi munayniyoj caycan ganchis jana lagasha sërata paquirir rölluta pascananpaj.»

Rut 4:17

Bisïnancuna ricar nej: «¡Noemïpami ollgu wamran yurisha!» Chayno nirmi jutinta churaparan «Obed» nir. Jatunyashpanga paymi caran Isaïpa papänin, Davidpana chachan.

1 Samuel 17:58

Chayachiptin Saúl tapuran: «Willamay. ¿Pipa wamrantaj canqui?» nir. Niptin David niran: «Belencho tiyaj Isaïpa wamranmi cä tayta.»