Isaías 10:5 - Tayta Diosninchi Isquirbichishan

⁵ «¡Ay imanöraj canga Asiriapa raynin! ¡Manami musyanrächu! Payga caycan rabyasha car pitapis castigacuna guerömi. Payga caycan ollgur pitapis wirucuna guerömi.

Isaías 10:5 ပူးပေါင်းရင်းမြစ်များ

Génesis 10:11

Chay pachapitami aywacuran Asur partiman. Nircur ruraran Nínive siudäta, Rehobot-Ir siudäta, Cala siudäta.

2 Reyes 18:25

Jinachöpis gamga ¿yarpanquichu Tayta Dios mana niycämaptillan cay nasyunta illgächej shamushäta? ¡Tayta Diosmi nimasha cay nasyunman yaycaycamur illgächinäcunapäpis!»

2 Reyes 19:25

Ichanga ¿manachu musyarayqui noga Tayta Dios llapanta camacächishäta? Unaypita-pachanami chayno cananpaj camacächirä. Cananga chaytami cumlichishcä. Chaynöpami gamga curalasha siudäcunatapis illgächir ragällanta, muntuy-muntuy goturaycajta cachaycunqui.

Salmos 125:3

Tayta Dios acrashan runacunata manami fiyu runacunaga mandangachu. Fiyu runacuna mandaptin alli runacunaga juchata rurarpis ruraycunmanchari.

Salmos 17:14

Munayniquiwan chapaycamay ari. Chay runacunapaga cay pachacho cajcunallami canga. Paycunata cay pachapita illgaycachiy. Jina paycunaga rïcuyarpis rïcuyäcuchun ari. Wamrancunapis sacsashancama micunanpaj cachun. Willcancunapäpis puchuy-puchuy cachun.

Isaías 10:15

Ichanga ¿mutuycaj runapita jächa mas munayniyoj-tucunmanchuraj? ¿Cuchuycajpita rusadörapis mas munayniyoj-tucunmanchuraj? ¡Tucrucuycaj runata tucruga manami munashanpa apanmanchu! ¡Shauya guerupis mas lasajtaga manami awantanmanchu!

Isaías 10:25

Ichanga cananpita manapis aycällatanami gamcunapaj rabyasha caycashäpita allchacäshaj. Nircorga Asiriacunatanami fiyupa rabyashpä illgächishaj.

Isaías 13:5

Caru nasyunpitami aywarcaycämun. Allpapa cuchun syëlupa chaquinpitami aywaycämun. Chay aywaycämöga Tayta Dios rabyar castigacunanmi. Runacunata ushajpaj illgarachinanpämi aywaycämun.

Isaías 14:24

Munayniyoj Tayta Diosmi jurashpan nisha: «Yarpashänöllami rasunpa canga. Nishänöllami llapanpis canga.

Isaías 14:25

Acrashä nasyunchömi Asiria runacunataga ushajpaj illgächishaj. Altu puntäcunachömi ñitirishaj. Acrashä runacunata yügu ñacachishanno manami ñacachenganachu. Lasaj guepita apachishanno manami ñacachenganachu.

Isaías 23:13

¡Masqui ricay Caldeacuna tiyashanta! Chay nasyonga unay manami caranchu. Asiria runacunami yanaparan chunyaj chaqui jircacho goyajcuna tiyananpaj. Cananga Caldeacunami escaluncunata rurasha Tirocho caj palasyucunata juchuchinanpaj. Paycunaga pasaypa usharcur ragällantami cachaycusha.

Isaías 26:20

Marca-masëcuna wasiquiman yaycur puncuyquita wichgacarcäramuy. Tayta Dios rabyasha caycashanpita allchacänancama rätullapis pacacuycuy-llapa.

Isaías 29:2

Ichanga nogami Ariel siudämanga ñacaycunata chayachishaj. Chayrämi canga llaquicuy, wagay. Chay siudä nogapäga cangapaj rupachicuna altarnömi.

Isaías 30:27

Masqui ricay-llapa. Quiquin Tayta Diosmi caruta aywaycämun. Pay rabyashanga caycan nina ratarir yana goshtay jatarejnörämi. Fiyupa rabyasha cashpan rimananpämi caycan. Paypa shimenga imatapis rupar ushacurcoj ninanömi.

Isaías 30:30

Asiriata ushananpaj shamur Tayta Diosga fiyupa manchariypaj munayniyoj busnintami wiyacächenga. Rabyashpanmi fiyupa castigangapaj räyuwan, löcu tamyawan, runtuwanpis ima-aycatapis ushacurcoj ninawannöraj.

Isaías 30:9

Cay nasyun runacunaga mana wiyacoj llullami. Tayta Dios yachachishantapis manami wiyayta munanchu.

Isaías 34:2

Tayta Diosga nasyuncunapaj rabyashami caycan. Rabyashami caycan nasyuncunapa suldäruncunapäpis. Paymi llapanta illgächenga; ushajpaj wañuchenga.

Isaías 66:14

Chayno caycajta ricashpayquega fiyupami cushicunquipaj. Tamya wichan jacha chillguejnörämi cuerpuyquicunapis ricaconga. Tayta Diosmi munayninta musyachenga payta sirbejcunataga. Paypa contran cajcunatanami rabyaycashanta musyachenga.

Isaías 7:17

«Tayta Diosga nasyunniquiman magashunayquipaj cachamonga Asiriapa raynintami. Paymi gamtapis, mandashayqui runacunatapis, famillyayquicunatapis fiyupa ñacachengapaj. Efraín runacuna Judäpita raquicashan junajpita-pacha manaraj cashanno fiyupa manchariypämi canga.»

Isaías 7:20

Chay wichanga Asiriapa rayninta Tayta Dios chararangapaj Éufrates mayupita mañacushan fiyupa afilasha cuchillutanörämi. Chay pägapaj mañacushan cuchilluwanmi Judäta castigangapaj. Shapraynajtanömi chacrantaga pasaypa galayashata cachayconga.

Isaías 8:4

Chay wamra manaraj ‹mama› ni ‹papä› nir rimayta pashtachiptinmi Damascupitawan Samariapitaga ima-aycantapis apacongapaj. Nircurnami llapan bälej cajcunataga Asiriapa rayninman apapanga.»

Isaías 8:7

Chaypitami nogaga Asiriapa rayninta cachashaj Judäpa contran. Paycunaga chayanga Éufrates mayu bötiypa bötir aywaycajnömi, mayu jichar ima tarishantapis apacojnörämi.

Ezequiel 22:31

Chaynöpami rabyasha caycashäta paycunacho päsachishcä. Nircorga usharishcä rabyashä ninanöraj caycajwan. Paycuna jucta imanöpis rurashanpita quiquincunaman ticrachishcä. Noga Tayta Diosmi chayno në.»

Ezequiel 7:10

«¡Ushacänayquipaj junaj janayquichönami! ¡Chay junaj chayamushanami! Mana allita rurayllanami, alli-tucuyllanami may-chaychöpis caycan.

Daniel 11:36

« ‹Norte caj-läpa raynenga imatapis munashantami rurangapaj. Chayno carmi fiyupa alli-tucongapaj. Llapan dioscunapitapis mas munayniyoj cashanta yarpangapaj. Chaymi rasunpa caj Tayta Diospäpis fiyupa manchariypaj mana allicunata rimangapaj. Chay raypaga ima rurashancunapis llapanmi yarpashanno alli llojshipanga Dios castiganan junajcama. Imay junajpäpis Dios nishanga rasunpami cumlengapaj.

Nahúm 1:1

Cay libroga caycan Nínive imano cananpaj cashantapis Nahumta Tayta Dios ribilashanmi. Nahúm tiyaran Elcos marcachömi.

Habacuc 1:12

Tayta Dios gamga Santo Diosmi canqui. Imaycamapis cawaj cashpayquimi nogacunata wañunäpita salbaycämanqui. Imapitapis chapämaj gagano caycaj Tayta Diosnë, gammi Caldea runacunataga yanapashcanqui munashayquino yarpaycashayquita rurananpaj.

Sofonías 2:13

Nircur Tayta Diosga Asiria runacunatanami castigar illgächengapaj. Capitalnin Nínive siudächo tiyajcunatapis uywantinta ushajpämi wañuchenga. Chaymi chunyaj chaqui jircaman ticrashano ricaconga.

Números 24:24

Lamar chaupin Chipre tishgupitami büquicunawan runacuna shamonga. Asiria nasyuncho caj marcacunata ragällantami cachayconga. Heber runacunatapis pasaypami ushacächenga.»