Isaías 10:26 - Tayta Diosninchi Isquirbichishan

²⁶ Noga munayniyoj Tayta Dios Madián runacunata Oreb gagacho binsishänömi castigashaj. Munayniyoj cashätapis Asiria runacunata musyachishaj Egipto runacunata musyachishänömi.

Isaías 10:26 ပူးပေါင်းရင်းမြစ်များ

2 Reyes 19:35

Chay nishan chacayllami Tayta Diospa anjilnin chayaycur wañuycachiran Asiria suldärucuna pachacaraycajta pachac pusaj chunca pichgan waranga (185,000) runacunata. Warannin tuta waquin suldärucuna riccharcamorga tariran wañusha mashtarpaycajtana.

Salmos 35:23

Tayta Dios, faburnë jatariy ari. Ricchayna. Rasun cajta jusgamay ari.

Salmos 83:11

Mandajnincunatana wañuchiy Orebta, Zeebta wañuchishayquino. Llapan raycunatana wañuchiy Zebata, Zalmunata wañuchishayquino.

Éxodo 14:16

Gamnami tucruyquita janajpa jogarcur lamarman macyaranqui ishcayman lamar yacu raquicäcunanpaj. Chaura Israelcunaga lamar raquicasha chaupinpa chaqui allpapanami päsangapaj.

Isaías 10:24

Munayniyoj Tayta Diosmi nin: «Sioncho tiyaycaj acrashä runacuna, ama manchacuychu Asiria runacunataga guerucunawan magashuptiqui; bastunnincunawan wirushuptiqui Egipto runacuna rurashushayquino rurashuptiquipis.

Isaías 11:16

Israelcuna unay Egiptupita llojshicamur jatun näninpa shamushannömi Asiriacho quëdajcunaga jatun nänipa cutimongapaj.

Isaías 30:30

Asiriata ushananpaj shamur Tayta Diosga fiyupa manchariypaj munayniyoj busnintami wiyacächenga. Rabyashpanmi fiyupa castigangapaj räyuwan, löcu tamyawan, runtuwanpis ima-aycatapis ushacurcoj ninawannöraj.

Isaías 30:31

Asiria nasyun runacunaga Tayta Diospa busninta wiyar fiyupami mancharengapaj.

Isaías 30:32

Asiriacunata Tayta Dios castigaynin-tupumi gamcuna cushicur tamburcunata, arpacunata tucashayquipis wiyacangapaj. Asiria runacunata Tayta Diosga fiyupami castigangapaj.

Isaías 9:3

Tayta Dios gammi achca runa cananpaj mirachishcanqui. Fiyupa cushicuy cananpäpis camacächishcanqui. Cosëcha wichan cushicushannöraj gampa ñaupayquicho llapan cushicun. Riquësacunata raquipänacur cushicushannörämi cushicun.

Isaías 9:4

Cushicuy caycan ñacaycajcunata Madián runacunapa munayninpita jorgushayquipitami. Chaynömi acrashayqui runacunataga salbashcanqui mandaj ñacachiptin fiyupa ñacaycho caycajta, fiyupa llaquicuycho caycajta.

Apocalipsis 11:18

Chaymi contrayqui caycajcunaga fiyupa rabyaycan. Ichanga paycuna castigasha cananpaj timpu chayamushanami. Cananmi wañushacunatapis jusganquipaj. Cananmi profëtayquicunata premyuta gonquipaj. Cananmi gamman yäracojcunata premyuta gonquipaj jatuntapis tacshatapis. Cay pachacho mana allita rurajcuna castigasha cananpaj caj timpu chayamushanami.»

Apocalipsis 19:15

Llapan nasyuncunata castigananpämi afilasha sabli shiminpita llojshimuran. Chaywanmi llutanta ruraj runacunata fiyupa rabyar mana cuyapaypa castiganga. Übasta gapchishannömi runacunata castiganga llapanpaj munayniyoj Tayta Diosta rabyachishanpita.

Jueces 7:25

Paycunaga chariran Madián runacunapa ishcay mandajninta Orebta, Zeebta. Orebta wañuchiran gagacho. Chay gagapa jutinmi cananga «Oreb Gaga.» Zeebtana wañuchiran canan jutin caycashancho. Chay partichömi bïnupaj übasta lluchcaj. Madián runacunata gaticacharcur Orebpawan Zeebpa umanta Gedeonman apaparan. Payga caycaran Jordanpa jucaj chimpancho.