Hechos 8:23 - Tayta Diosninchi Isquirbichishan

²³ Noga musyaycämi gam inbidyösu car llutan ruraycunatapis mana cacharishayquita.»

Hechos 8:23 ပူးပေါင်းရင်းမြစ်များ

Job 20:14

pachanchöga ismunnami. Ismurnami ticran culebrapa benënunmanno.

Salmos 116:16

Tayta Dios, nogaga cä sirbishojniquimi. Nogaga cä sirbishojniqui warmipa wawanmi. Gammi rachirgärishcanqui liyaraycämaj wascacunatapis.

Proverbios 5:22

Juchasapacunataga quiquin mana allita rurashancunallami tunichenga. Chaychica juchata aparicushanmi chariranga.

Isaías 28:22

Chaymi amana caynachu mana rispitacöga. Mana rispitacoj captiqui wataraycäshushayqui cadina mastami apritacäconga. Nogaga wiyashcänami munayniyoj Tayta Dios cay nasyunta ushajpaj illgächinanpaj mayna nishanta.

Isaías 58:6

Noga munashä ayünuga manami chaynöchu. Nogaga munä ayunay junajcho manacajpita prësu caycajcunata cacharinayquitami; ñacaycächishancunata libri cananpaj cacharinayquitami; firsapitaga pitapis manana aruchinayquitami; yüguta pascajno jamachinayquitami.

Jeremías 4:18

Quiquiqui mana allita rurashayquipitami chaynöga päsashurayqui. Fiyupa llaquicuycunaga gamcunaman chayamusha mana allicunata rurashayquipitami. Chayno yarpachacur llaquicuptiqui shonguyquipis nananrämi.»

Jeremías 9:15

Chaypitami micuynincunata ticrachishaj fiyupa ashgajman. Yacutapis bininashatami upuchishaj.

Lamentaciones 3:19

Yarpämi llaquicushäta, ñacashäta, japallä goyashätapis.

Lamentaciones 3:5

Intëröpa curralta rurajnömi fiyupa ñacachimashpan llaquicaycächiman.

Juan 8:34

Chaura Jesús niran: «Sumaj tantiyacuy. Pipis jucha rurayllacho goyäga chay juchapa uywayninnami caycan.

Efesios 4:31

Amana pitapis nanaparaychu, rabyapaychu, chiquinacuychu, gayapaychu, ashlliychu. Llutancunatapis ama ruraynachu.

Tito 3:3

Jesucristuta manaraj chasquicorga noganchïpis waquin runanöllami mana tantiyacur Tayta Diosta mana wiyacuranchïchu. Chaymi jucha ruraycunata cachariyta mana camäpacuranchïchu. Chiquinacur rimanacur goyaranchi.

Hebreos 12:15

Chaymi ima-aycanöpapis Tayta Dios munashanno caway. Pitapis ama jagayächiychu. Pitapis jagayächerga benënuyoj ashgaj jachanömi waquincunapäpis canquipaj. Chayno carga juccunatapis mana allimanmi chayachinquipaj.

2 Pedro 2:19

Chayno llutanta yachachirmi nin «manami pipa munayninchöpis canchïchu» nir. Chayno nirpis quiquincunaga dyablutami sirbiycan. Musyashanchïnöpis runaga imatapis munashanpa sirbejninmi caycan.

2 Pedro 2:4

Mana wiyacoj anjilcunatapis Tayta Diosninchi manami perdunaranchu. Chaymi chay anjilcunataga infiernuman gaycur yanauyaycaj chacayman wichgaycuran fisyu junajcho jusganancama.