Hechos 8:2 - Tayta Diosninchi Isquirbichishan

² Estebanta wañuycachiptenga Diosta manchapacojcuna cuerpunta pampaycäriran. Nircur paycunaga llaquicur wagaran.

Hechos 8:2 ပူးပေါင်းရင်းမြစ်များ

Génesis 23:2

Payga Quiriat-arbachömi wañuran. Mas jucaj jutin caran Hebrón. Chayga caycan Canaán particho. Sara wañuptin Abrahamga wagar lüturan.

Génesis 50:9

Aypalla runacuna Josëta yan'garan chaquipapis, carrëtacunawanpis.

2 Samuel 3:31

Chaypita Joabta yan'guincunatawan David niran: «Röpayquicunata rachir ushay. Nircorga jaticunqui gachga röpata. Abner wañushanpita wagay.» Nircur ray Davidga ayata gatiran.

2 Crónicas 32:33

Ezequías wañuptin pampaycäriran Davidpa famillyancuna pamparaycashanchöga mas allinnin partiman. Jerusalencho tiyajcunawan ushajpaj Judá runacunaga Ezequías amatar alli cashanta yarpararan. Ruquinna ray caran wamran Manasés jutiyoj.

2 Crónicas 35:25

Josías wañuptin Jeremías juc cantanata yarpayninpita jorguran wañushanpita cantananpaj. Chayta wañojcunapaj cantarmi warmipis ollgupis cantajcunaga canancamapis yarpan Josías wañushanta. Chay cantanataga Israelcunacho juc custumrimanmi churasha. Chay cantanaga isquirbiraycan llaquicur cantanan cantanacuna isquirbiraycashanchömi.

Jeremías 22:10

Ama wagaychu ray Josiaspäga. Ama wagaychu pay wañushanpitaga. Chaypa ruquenga wagay-llapa wamran Salumpaj. Payga aywacun mana cutimojmi. Yurishan marcatapis manami ricanganachu. Salummi papänin Josiaspa ruquin Judäpa raynin caran. Salumga caypita aywacushanami. Paypämi Tayta Diosga cayno nin: «Manami imaypis cutimongapänachu.

Jeremías 22:18

Chaypitami Josiaspa wamran Judäpa raynin Joacimpaj Tayta Dios cayno nin: «Pay wañuptenga manami pipis wagangapächu. Manami pipis ‹¡Wauguillau! ¡Pañillau! ¡Ay taytallau! ¡Ay mandajnillau!› nir wagangapächu.

Números 20:29

Aarón wañushanta musyaycur Israelcunaga juc quillacama llaquicur lüturan.

Marcos 6:29

Chayno rurashanta mayaycur Juanpa disïpuluncunaga aywaycur ayanta shuntaycur pampaycäriran.

Lucas 2:25

Chay wichan juc runa Jerusalencho caycaran Simeón jutiyoj. Payga Tayta Dios ricaptinpis runa-masincuna ricaptinpis alli cawaran. Israelcuna ñacaycashanpita Cristo shamur jorgunanpaj cashantapis shuyaycaran. Payga Espíritu Santupa munayninchömi cawaj.

Hechos 10:2

Cornelioga quiquinpis, wasincho goyajcunapis Tayta Dios munashanno cawaj. Israel runacunatapis achcanpa caridäta goycoj. Y Tayta Diosta imaypis mañacoj.

Hechos 2:5

Chay wichan Tayta Dios munashannölla goyaj Israel runacuna intërupita sharcamur Jerusalencho goyarcaycaran.

Hechos 8:1

Estebanta wañuchishanta ricar Sauluga «allimi wañuchisha» niran. Chay wichan Jerusalencho Jesusman yäracojcunata chiquir gaticacharan. Chaura yäracojcunaga mashtaypa mashtar aywacuran Judea partipa, Samariapa. Apostulcunallana Jerusalenchöga quëdaran.

Hechos 8:3

Saulumi ichanga Jesusman yäracojcunata chiquishpan wasincaylla ashiran. Charishan cajtana warmita ollgutapis carsilman apachiran.

Deuteronomio 34:8

Moisés wañuptin Israelcunaga Moab pampacho quillacama lüturan. Chayno lüturan custumrin cashannömi.

1 Samuel 28:3

Chay wichaypäga Samuel mayna wañusha caran. Intëru Israel nasyuncho llaquicur wagasha caran. Nircur pampaycärishana caran jinan yurishan Ramá siudäman. Saúl gargushana caran nasyunpita llapan musyacojcunata, wañusha runacunapa almanwan parlajcunatapis.