Hechos 7:42 - Tayta Diosninchi Isquirbichishan

⁴² Chayno ruraptin Tayta Diosga witicuriran. Intita, quillata, goyllarcunata adurananpaj camacächiran. Chaymi profëtacuna isquirbishanchöpis cayno niycan: « ‹Israelcuna, chuscu chunca watantin chunyaj chaqui jircapa pushamuptë ¿imaytaj nogapaj uywacunata pishtarayqui u chaqui micuycunata gomarayqui?

Hechos 7:42 ပူးပေါင်းရင်းမြစ်များ

2 Reyes 17:16

Tayta Diospa mandamintuncunataga manami juctapis cumlirannachu. Chaypa ruquenga runsita jundiypa ruracarcäriran ishcay besëracunata, Asera diosa-niraj ïdulutapis. Aduraran syëlucho cajcunata, Baaltapis.

2 Reyes 21:3

Ïdulucunata aduranan puytush lömacunacho capillacunata papänin Ezequías juchuchishancunatapis yapay allchachiran. Baalta rispitar adurananpaj altarcunata rurachiran. Asera diosa-niraj ïdulutapis rurachiran Israelpa raynin Acab rurashanno. Chayno rurarmi goyllarcunatapis rispitar aduraran.

Salmos 95:10

Chay wichan cawaycajcunapäga chuscu chunca watami rabyashalla cacurä. Chaymi nirä: ‹Cay runacunaga pantacashami puricurcaycan. ¡Manami mandamintöcunata wiyacunchu!›

Isaías 43:23

Nogapaj uyshacunata rupachinayquipaj manami apamushcanquichu. Rispitamashpayqui manami uywacunata garamashcanquichu. Nogaga manami ‹chaqui micuy ofrendacunata garamay› nir yamacächishcächu. Manami ‹insinsuta saumachiy› nir rabyachishcächu.

Isaías 63:10

Chaypis paycunaga Tayta Diospa contranmi ricacuran. Chaymi Santo Tayta Diosta rabyachiran. Chaynöpami Tayta Diosga paycunapaj rabyacurcuran. Nircur contran ricacur castigaran.

Isaías 66:4

Chayno rurajcunapäga nogapis ñacananpämi acrashaj. Chaymi paycunamanga fiyupa manchacushan cajtaraj chayachishaj. Chayno cananpäga camacächishaj gayaptëpis mana wiyamashanpitami, willapaptëpis mana tantiyacushanpitami. Paycunaga mana gustashä cajtami rurasha. Noga mana munashä cajtami acrashapis.»

Jeremías 19:13

Judäpa raynincunapa palasyuncunawan Jerusalencho caycaj wasicuna, goyllarcunata adurashpan insinsucunata saumachishanpis, juc dioscunata adurar bïnuta jichapashan wasi janancunapis Tofetno ganrami quëdanga.› »

Jeremías 8:2

Nircur pampaman mashtarenga. Chaura manami pipis shuntangapächu pampananpaj. Chay tullucunaga uywacunapa iscannömi mashtaräconga. Chaura intipis, quillapis, goyllar achicyashanpis chayanga. Chay wañojcunaga chaycunatami aduraran, tapucuranpis.

Ezequiel 20:25

Chaypitami nogapis paycunapaj camacächirä mana alli laycunata, mana alli yachachicuycunata chaynöpana cawayta mana tarinanpaj.

Ezequiel 20:39

« ‹Israel runacuna, nogami Tayta Diosniqui cä. Mana wiyacamayta munashpayquega ayway ari mana bälej ïdulucunata aduraj. Ichanga amana manacajman churamaynachu mana bälej ïduluyquicunata ofrendayquicunawan adurashpayqui.

Ezequiel 8:16

Chaypita apamaran Tayta Diospa Templun puncuman. Noga caycashäpita altar cajman ricärir chaupicho ricarä ishcay chunca pichganno (25) runacuna intita adurarcaycajta. Paycunaga Templuta guepapaycaran. Chayno cashpanmi inti yagamunan caj-läman umpur urcuntapis pampaman töpachir intita adurarcaycaran.

Oseas 4:17

Efraín runacunaga ïdulucunata aduraymanmi chayasha. ¡Mä chayno goyäcuchun ari!

Juan 6:45

Juc profëta isquirbishanchöpis niycan: ‹Tayta Diosmi llapan runacunata tantiyachenga› nir. Chaymi Tayta Dios tantiyachishanta alli chasquicoj cajlla nogatapis chasquicaman.

Hechos 13:40

Taytacuna, cuydä chayargushunquiman profëtacuna cayno nishan:

Hechos 7:36

Chaymi Moisesga Egiptuman aywaycur unay castanchi Israelcunata jorgamuran. Jinan Egiptuchöpis, Puca Lamarchöpis milagrucunata ruraran. Chunyaj chaqui jircachöpis chuscu chunca (40) watantin milagrucunata ruraran.

Deuteronomio 17:3

Capas adurarcaycanman gongurpacuycanman juc dioscunaman. Capas aduraycanman intita, quillata, goyllarcunatapis.

Deuteronomio 4:19

Intita, quillata, goyllarcunata, syëlucho waquin cajcunata ricashpayqui ama yarpachacunquichu ‹tagaycunata aduräman› nishpayqui. Janajcho caycajcunataga Tayta Dios camasha llapan runacunata achicyapänanpämi.

Hebreos 3:9

Chuscu chunca watantin llapan rurashäta ricasha carcaycarpis unay awiluyquicunaga musyapämayta munaran.

Josué 24:20

Tayta Diosta cachaycur juc dioscunatana aduraptiquega pay fiyupa mana allicunawanmi castigashunquipaj. Alli goyänayquipaj yanapäshushayquimannöllami castigashunquipäpis ushajpaj illgächishunayquicama.»