Hechos 7:32 - Tayta Diosninchi Isquirbichishan

³² ‹Nogaga caycä unay awiluyquicunapa Diosninmi. Abrahampa, Isaacpa, Jacobpa Diosninmi caycä.› Chayno niptin Moisés manchacur sicsicyashpan ricäriytapis mana munaranchu.

Hechos 7:32 ပူးပေါင်းရင်းမြစ်များ

Génesis 26:24

Chay chacay Tayta Dios yuriparcur niran: «Nogami caycä papäniqui Abrahampa Diosnin. Nogaga gamwanmi caycä. Chaymi ama manchacuychu. Sirbimajnë Abraham-raycumi gamtapis bindisyunta goshayqui. Chaymi gampita mirajcunapis aypallaman mirananpaj yanapäshaj.»

Génesis 50:24

Chaypita juc junajcho wauguincunata José niran: «Wañucojnami-aywä. Diosmi shamongapaj gamcunata yanapäshunayquipaj. Paymi jorgushunquipaj cay nasyunpita. Nircurmi pushashunquipaj Abrahamta Isaacta Jacobta aunishan Canaán partiman.»

1 Reyes 19:13

Chayta wiyar Eliasga jacuraycashanwan cäranta chapacurcuran. Nircur machay puncuman llojshircur ichicuycuran. Chay öra wiyaran «Elías, ¿imatataj caycho ruraycanqui?» nejta.

Job 4:14

Chaymi fiyupa mancharirä. Tullöcunapis sicsicyaycaran.

Salmos 89:7

Janaj pachacho llapan shuntacasha caycashanchöpis gamtaga manchacushunquimi. Anjilcuna tumaparaycäshushayquichöpis gamga canqui fiyupa manchacuypaj munayniyojmi.

Éxodo 3:15

Mastapis Diosga Moisesta niran: «Israelcunata ninqui: ‹Tayta Diosmi cachamasha. Payga unay caj awilunchi Abrahampa, Isaacpa, Jacobpa Diosninmi› nir. Imaycamapis chayllami nogapa jutëga. Chay jutiwanmi imaycamapis rejsimanga.

Éxodo 3:6

Mastapis niran: «Nogaga unay caj awiluyquicuna Abrahampa, Isaacpa, Jacobpa Diosninmi caycä» nir. Chayno niptenga Diosta ricapayta manchacushpan Moisés cäranta chapacurcuran.

Éxodo 33:20

Ichanga cäräta manami ricanquimanchu. Pipis cäräta ricaj cäga wañongami.»

Éxodo 4:5

Chaura Tayta Dios niran: «Chayga canga unay caj awiluyquicuna Abrahampa, Isaacpa, Jacobpa Tayta Diosnin yuripashäta riguishunayquipämi.»

Mateo 17:6

Chayta wiyar disïpuluncunaga fiyupa manchacushpan pampaman lätacaycäriran.

Mateo 22:32

‹Nogaga unay awiluyqui Abraham, Isaac, Jacob rispitaycashan Diosmi caycä› nir. Tayta Diosga cawajcunapa Tayta Diosninmi caycan; manami wañushacunapachu.»

Mateo 22:46

Jesús chayno tapuptin mana pipis imanöpa cutichiytapis camäpacuranchu. Chay junajpita-pacha manami pipis Jesusta tapupayta almïtirannachu.

Lucas 5:8

Aypalla pescäduta chariycur Simón Pedroga Jesuspa ñaupanman gongurpacuycur niran: «¡Nogaga juchasapa runami cä. Ñaupäpitaga aywacuy ari tayta!»

Hechos 3:13

Chaypa ruquenga Jesusman yäracuptinmi Tayta Dios allchacächisha. Jesustami unay awilunchïcuna Abraham, Isaac, Jacob yäracushan Tayta Dios alliman churasha. Gamcunaga Jesusta autoridäcunamanmi prësu entregarayqui. Pilato cachaycuyta munaptinpis manami munarayquichu.

Hechos 7:31

Chaura Moisesga fiyupa almirasha car manchapayllapa witiran. Yaycuycaptin Tayta Dios nimuran:

Hebreos 11:16

Unay tiyashan marcanpitapis syëlucho caycaj marca mas alli cashanta musyarmi chayno shuyaran. Chay marcaman chayanancunapaj cashanta musyarmi paycunaga Tayta Diosninchïman yäracuran. Chayno yäracushanpitami Tayta Diospis mana pengacunchu paycunapa Diosnin cayta. Chaymi chay marcata camarishana paycunata shuyaraycächin.

Apocalipsis 1:17

Payta ricaycurmi paypa ñaupanman wañushano tunirä. Chaymi derëchu caj maquinwan yataycamar nimaran: «Ama manchacamaychu. Nogaga gallaycunanpita ushanancamami caycä.