Hechos 7:30 - Tayta Diosninchi Isquirbichishan

³⁰ «Chuscu chunca (40) watana goyaycashancho Moisés aywaran chunyaj Sinaí punta chaquinman. Chaychömi Diospa anjilnin yuriparan shira rataycajcho.

Hechos 7:30 ပူးပေါင်းရင်းမြစ်များ

1 Reyes 19:8

Chaura Eliasga jatarcur micuran upuran. Chaywanga callpan yuriran. Chaypitaga pay aywaran chuscu chunca (40) junaj, chuscu chunca (40) pagas Diospa jircan Horeb puntaman chayanancama.

Salmos 66:12

Gammi camacächishcanqui manacajcunallapis manacajman churamänanpaj. Chayasha mayuman yagajnömi, ninacho rupajnömi fiyupa mana allicunaman chayachimashcanqui. Chaypitarämi ima-aycapis cananpaj yanapämashcanqui.

Éxodo 3:6

Mastapis niran: «Nogaga unay caj awiluyquicuna Abrahampa, Isaacpa, Jacobpa Diosninmi caycä» nir. Chayno niptenga Diosta ricapayta manchacushpan Moisés cäranta chapacurcuran.

Éxodo 7:7

Faraonwan parlashan öra Moisesga caycaran pusaj chunca (80) watayoj, Aaronna pusaj chunca quimsan (83) watayoj.

Isaías 43:2

Mayucunata chimpaptiquipis nogaga gamcunawanmi caycäshäpaj. Mayu yacupis manami apashunquipächu manami shenganquipächu. Nina chaupinpa päsaptiquipis manami rupashunquipächu. Gamcunachöga ninapis manami ratangapächu.

Isaías 63:9

Llapan ñacaycunapitami runacunataga salbaran. Paycunata salbananpäga manami anjilnintachu cachamuran. Chaypa ruquenga quiquin Tayta Diosmi cuyapäcoj cashpan paycunata salbaran. Paymi jatarcachishpan margacurcur shuntasha. Imaypis chaynömi yanapasha.

Daniel 3:27

Llojshircamuptinna chaycho caycaj autoridäcunaga ñaupanman aywaran. Chay mösucunataga nina mana ni imallantapis rupashachu caran. Ricaptin manami juc ajchallantapis gashpashachu caran. Röpancunatapis manami imallantapis rupashachu caran. Manami rupasha-rupashapis asyaranchu.

Malaquías 3:1

Chaymi munayniyoj Tayta Diosga nin: «Willacojnëtami cachamoj-aywä nänita allchapämänanpaj. Gamcuna shuyaycashayqui Cachaga illajpitami Templuman yaycoj-aywan. ¡Chayamojnami-aywan gamcuna ricayta munarcaycashayqui cacha conträtuta apamöga!»

Marcos 12:26

Gamcuna wañojcunapaj tapucamashayquipäga ¿manachu liguishcanqui Moisés isquirbishanta? ¿Shiracho nina rataycajpita ima nishantapis manachu liguishcanqui? Tayta Diosga niran: ‹Nogaga unay awiluyqui Abraham, Isaac, Jacob rispitaycashan Diosmi caycä› nir.

Lucas 20:37

Wañojcuna cawaycashantaga Moisespis musyachimaranchïmi. Paymi isquirbiran shiracho nina rataycashanpita Tayta Dios cayno nimushanta: ‹Nogaga unay awiluyqui Abraham, Isaac, Jacob rispitaycashan Diosmi caycä› nir.

Hechos 7:17

«Abrahampita mirajcunata jorgunanpaj Tayta Dios aunishan wallcana pishiptin Israelcunaga Egiptucho aypallamanna mirasha caran.

Hechos 7:31

Chaura Moisesga fiyupa almirasha car manchapayllapa witiran. Yaycuycaptin Tayta Dios nimuran:

Hechos 7:32

‹Nogaga caycä unay awiluyquicunapa Diosninmi. Abrahampa, Isaacpa, Jacobpa Diosninmi caycä.› Chayno niptin Moisés manchacur sicsicyashpan ricäriytapis mana munaranchu.

Hechos 7:35

«Moisesta ‹¿Pitaj gamtaga churasha-cashunqui mandajnë, jueznë canayquipaj?› nisha caycaptinpis Diosga cachasha salbajnin cananpaj, mandajnin cananpämi. Shiracho yuriparcur Diospa anjilnenga cacharan Israelcunata Egiptupita jorgamunanpämi.

Gálatas 4:25

Agarga Arabiacho caycaj Sinaí jircamanmi tincun. Chaynöpis Jerusalén siudäwanmi tincun. Chaycho tiyäga llapanmi laycunata cumlir munaynincho carcaycan.

Deuteronomio 33:16

Chacrancunapis alli chacra cachun. Micuyninpis alli wayuchun. Josëta bindisyunta gochun rataycaj shiracho yuripäcoj Tayta Dios. Llapanpis Josëpäga alli cachun. Paytaga llapan wauguincunapitami acraran.

Deuteronomio 4:20

Gamcunaga Egiptucho car fyërru chulluchicuna jurnuchönömi ñacarayqui. Chaypitami Tayta Diosga jorgamushurayqui pay japallanta sirbinayquipaj.