Hechos 2:24 - Tayta Diosninchi Isquirbichishan

²⁴ Tayta Diospa wamran caycarga manami wañushallanchöga usharanmanchu caran. Chaymi wañuy chararänanpita Tayta Diosga Jesusta cawarachisha.

Hechos 2:24 ပူးပေါင်းရင်းမြစ်များ

Salmos 116:16

Tayta Dios, nogaga cä sirbishojniquimi. Nogaga cä sirbishojniqui warmipa wawanmi. Gammi rachirgärishcanqui liyaraycämaj wascacunatapis.

Isaías 10:7

Ichanga Asiriapa raynin manami chaynöchu yarpan. Ni imanillarpis manami tantiyacunchu. Payga achca nasyuncunata illgächiyllatami yarpaycan.

Isaías 25:8

Imaypis manana wañuy cananpämi Tayta Diosga wañuyta ushacächenga. Wagajcunatapis shogashpan weguinta pichapangami. Acrashan runacuna cay pachacho pengaycho cashantapis pampachar gongacächenganami. Tayta Diosmi chayno nisha.

Isaías 26:19

Gamman yäracamoj runacunaga cawarimongami. Allpacho pamparaycajcunami cawarimonga. Nircorga cushicuyllawanmi gaparpangaraj. Llapan guewacunata shullay wiñachir yagarichimushannömi llapan wañushacunatapis cawarachimunquipaj.

Isaías 53:10

Tayta Diosmi chayno manacajman churaypa ñacachiyta munaran. Sirbejninnami llapan juchayojcunapa ruquin wañunan caran. Chaypitami payga unaycama cawanga. Paypita mirajcunatapis ricangarämi. Tayta Dios munashancunataga llapanta paymi ruranga.

Oseas 13:14

Chayno caycarpis ¿wañunayquipita salbanätachuraj munarcaycanqui? ¿Wañunayquipita salbashayquichuraj? Wañuy ¿maytaj wañuchicoj gueshyayqui? Sepultüra ¿maytaj ushacächicoj munayniqui? Shamuyna ari. Canan mananami cuyapäshänachu cay runacunataga.»

Mateo 27:63

Chayaycur Pilatuta niran: «Tayta gobernador, chay engañacöga cawaycällarmi niran: ‹Wañushäpita quimsa junajtami cawarimushaj› nir.

Juan 10:18

Nogataga manami pipis wañuchimanchu. Chaypa ruquenga quiquë munarmi wañushaj. Quiquëpa munaynëchömi caycan wañuy. Chaynöllami cawarimushäpis. Chayno cananpämi Papänë nimasha.»

Juan 10:35

Tayta Diosta wiyacojcunatami ‹dioscuna canqui› nin. Chay palabrantaga manami manacajman churashwanchu.

Juan 12:39

Chaymi Jesusman riguiyta mana camäpacuranchu. Chaynöpis Isaiasga niran:

Juan 20:9

Chaypis manami tantiyaranrächu Tayta Diospa palabrancho cawarimunanpaj isquirbiraycashantaga.

Hechos 1:16

«Ermänucuna, unaymi Davidta Espíritu Santu rimachiran Judas Iscariote Jesusta prësu charichinanpaj cashanta. Judasmi runacunataga pushasha Jesusta prësu charinanpaj. Chaymi cananga Tayta Diospa palabran cumlisha.

Hechos 13:30

Ichanga Tayta Diosmi wañushacuna caycashanpita Jesusta cawarachimusha.

Hechos 13:37

Tayta Dios cawarachimushan Jesuspami ichanga cuerpun mana ismushachu.

Hechos 17:31

Tayta Diosga maynami juc runata acrasha juc junaj llapan runacunata ima rurashanpitapis jusgananpaj. Acrashanta musyananchïpämi chay runataga wañushanpita cawarachimusha.»

Hechos 2:32

Tayta Diosga nishannöllami Jesusta cawarachisha. Pay cawarishantaga llapanëmi ricashcä.

Hechos 3:15

Chaynöpami wañuchishcanqui cawayta tarichimajninchïta. Wañuchisha captiquipis Tayta Diosninchïmi cawarachimusha. Jesús cawarimushantaga nogacunami ricashcä.

Hechos 3:26

Chay nishannöllami Tayta Diosga wamran Jesusta rimëru gamcunaman cachamuran bindisyunta goshunayquipaj, chaynöpana jucha rurashayquipita arpinticur Dios munashannöna cawanayquipaj.»

Hechos 4:10

Israel-masëcuna, llapan musyananpaj willashayqui. Jesuspa munayninwanmi cay puriyta mana puydej runa allchacasha. Nazaret Jesusta crusificar wañuchishayquitami Tayta Dios cawarachimusha.

Hechos 5:30

Gamcuna Jesusta crusificaypa wañuchisha captiquipis unay awilunchïcuna yäracushan Tayta Diosmi cawarachimusha.

Romanos 10:9

Chaura Jesucristo Taytayqui cashanta willacorga y wañushanpita Tayta Diosninchi cawarachimushanta rasunpa riguerga salbashami canquipaj.

Romanos 14:9

Jesucristoga cawajcunatapis wañushacunatapis maquincho chararänanpämi wañushanpita cawarimusha.

Romanos 4:24

Noganchïpäpis rimaycanmi. Noganchïtapis allimi ricamäshun taytanchi Jesucristuta cawarachimoj Tayta Diosman yäracushaga.

Romanos 6:4

Bautisacushanchi örami Jesucristuwan pampacuycajno cashcanchi. Chaypitanami munayniyoj cayninwan Tayta Jesucristuta cawarachimoj noganchïtapis cawarachimashcanchi jucnöna goyänanchïpaj.

Romanos 8:11

Tayta Jesucristuta wañushanpita cawarachimoj Espiritumi gamcunawan caycan. Chay Espirituwanmi wañoj cuerpuyquitapis quiquin Tayta Dios mushoj cawayta gonga.

Romanos 8:34

Perdunashana caycaptinchëga ¿piraj noganchïpaj nenga «castigasha cachun» nir? Jesucristoga salbamänanchïpämi wañusha. Nircorga cawarircamurnami Tayta Diospa derëchu caj ñaupanman aywasha. Chaychömi noganchïpaj ruwacuycan.

1 Corintios 15:12

Jesucristo cawarimushanta willacurcaycaptëga ¿imanirtaj waquinniqui rimarcaycanqui «wañushacuna mana cawarimunnachu» nir?

1 Corintios 15:15

Wañushacuna mana cawarimunanpaj captenga «Jesucristuta Tayta Diosninchi cawarachimusha» nir willacurpis llullacurcaycämanchari.

1 Corintios 15:20

Ichanga Jesucristo rasunpami wañushanpita cawarimusha. Rimir-puntata pay cawarimusha captinmi musyanchi noganchïpis cawarimunanchïpaj cashanta.

1 Corintios 15:4

wañurcuptin pampashanta, chaypita quimsa junajtaga Tayta Diosninchïpa palabrancho niycashannölla cawarimushanta.

1 Corintios 6:14

Payta Tayta Diosninchi munayninwan cawarachimushannöllami noganchïtapis cawarachimäshunpaj.

2 Corintios 4:14

Musyanchïmi Taytanchi Jesucristuta cawarachimushanno Tayta Dios llapanchïtapis cawarachimänanchïta. Nircorga ñaupanmanmi llapanchïta pushacamäshun.

Gálatas 1:1

Galacia probinsyacho caycaj ermänucuna: Noga Pablo Jesucristupa apostulnin canäpäga manami runacunachu churamasha, chaypa ruquenga Taytanchi Jesucristo y payta cawarachimoj Tayta Diosninchïmi. Noga Pablumi cay cartata gamcunaman apachimö. Caycho caycaj ermänucunapis salüdunta apachicamunmi.

Efesios 1:20

Jesucristuta wañushanpita cawarircachimur syëlucho derëchu caj-lädunman jamachisha.

Colosenses 2:12

Bautisacushpayquimi Jesucristo pampasha cashanno jucha ruraypaj wañushanöna carcaycanqui. Chaynöpis Jesucristo wañushanpita cawarimushannömi gamcunapis cawarimushanöna carcaycanqui. Chayno carcaycanqui munayniyoj Tayta Diosman yäracurmi. Paymi Jesucristutapis cawarachimusha.

1 Tesalonicenses 1:10

Chaynöpis musyaycan Tayta Diospa wamran Jesucristo cutimunanpaj cashanta shuyarpaycashayquita. Paytami Tayta Dios cawarachimusha. Paymi salbamäshun fisyu junajcho chayamunanpaj caycaj castïgupitaga.

Hebreos 13:20

¡Alli cawayta gomajninchi Tayta Dios imaypis yanapaycushunqui pay munashanno cawanayquicunapaj! Tayta Diosga Jesucristutami wañushanpita cawarachimusha. Jesucristoga yawarninta jicharmi cruscho wañuran mushoj conträtuta rurananpaj. Chaymi cananga pay caycan alli michimajninchi. ¡Chaypita Tayta Dios noganchïcho buluntäninta rurachun! ¡Chayno cashanpita Jesucristoga imaycamapis alabasha caycullächun! Amén.

Hebreos 2:14

Noganchïpis runalla carmi ñacanchi, wañunchïpis. Chaymi Jesuspis noganchïno runa yurir ñacaytapis, wañuytapis tarisha. Noganchïno yurircur wañurmi Jesusga wañuypaj munayniyoj caycaj dyabluta binsisha.

1 Pedro 1:21

Wañushanpitami Tayta Diosninchi Jesucristuta cawarircachimur janaj pachaman apacusha. Chaymi yäracuycanqui Tayta Dios llapan aunishanta cumlishunayquipaj cashanta. Chayta musyarmi Diosninchïman yäracurcaycanqui.

Apocalipsis 1:18

Nogaga imaypis cawaycämi. Wañuchimashanpita cawarimushcä imaycamapis cawanäpämi. Nogami charaycä wañushacunapa almancuna caycashan lläbita.