Hechos 2:20 - Tayta Diosninchi Isquirbichishan

²⁰ Intimi chacacäcongapaj. Quillami yawarmanno ticracurengapaj. Llapan chaycunaga canga Tayta Dios jusganan junaj manaraj chayamuptinmi. Chay jusganan junäga cangapaj fiyupa manchariypaj junajmi.

Hechos 2:20 ပူးပေါင်းရင်းမြစ်များ

Isaías 13:10

Intipis yagarcamullarnami chacacäconga. Quillapis mananami achicyanganachu. Goyllarcunapis manami achicyanganachu. Janaj pachaga pasaypa yanauyaycajmi ricacongapaj.

Isaías 13:15

Chay junäga pitapis pacaraycajta tarerga tucsirengami. Pitapis charir wañurachengami.

Isaías 13:9

Tayta Dios castiganan junäga chayaycämunnami. Chay junäga manchariypämi cangapaj. Tayta Dios fiyupa rabyasha cashpanmi cay pachataga ticrarachengapaj chunyaj chaqui jircaman. Cay pachacho caj juchasapacunataga ushajpämi illgächengapaj.

Isaías 24:23

Munayniyoj Tayta Diosga Sioncho jamacunanman jamayconga acrashancunapa mandajnincuna ricapaycaptin. Nircur Jerusalenchömi achicyacurconga. Chauraga intipis quillapis manami achicyanganachu.

Isaías 34:8

Chayno canga chay junaj Tayta Dios ayñita cutichiptinmi. Chay watami Sionga ñacachejcunata ayñita cutichenga.

Jeremías 4:23

Cay pachata ricäriptë chunyaj manami imapis cashachu. Syëluta ricäriptë manami cashachu ima achicyajpis.

Joel 2:1

Sioncho trompëtata tucay-llapa. Tayta Dios acrashan rispitädu jircacho willacachiy musyananpaj. Judächo tiyaycajcunaga llapayqui manchariywan sicsicyay. Tayta Dios jusganan junäga chayaycämunnami.

Joel 2:31

Intimi chacaj ricacongapaj. Quillanami yawarmanno ticracurengapaj. Llapan chaycunaga canga Tayta Dios jusganan junaj manaraj chayamuptinmi. Chay jusganan junäga cangapaj fiyupa manchariypaj junajmi.

Joel 3:14

Chay Jusgana Pampachöga aypallami shuntacasha carcaycan. Chaynöga shuntacasha carcaycan Tayta Dios jusganan junaj chayamunanpaj wallcana pishiptinmi.

Amós 8:9

Tayta Dios nin: «Chay nishä junajmi camacächishäpaj inti las-dösicho caycaptin pacha chacacäcunanpaj. Pullan junaj alli achicyaraycaptinmi camacächishaj intëru mundupa chacay ricacunanpaj.

Malaquías 4:5

«Masqui wiyamay: Shamunä junaj manaraj chayamuptin profëta Eliastami cachamoj-aywä. Chay junäga cangapaj fiyupa manchariypaj y jatun diyami.

Mateo 24:29

«Fiyupa ñacaycuna päsariptillanmi intipis chacacäconga. Quillapis mana achicyamonganachu. Goyllarcunapis shicwacamonga. Janaj pachapis fiyupami sicsicyanga.

Mateo 27:45

Chaypitaga las-dösipita-pacha tardi mallway intiyaj pacha chacacäcuran.

Marcos 13:24

«Chayno ñacaycuna päsariptillanmi intipis chacacäconga. Quillapis mana achicyanganachu.

Lucas 21:25

«Intipis, quillapis, goyllarcunapis fiyupa manchariypämi ricaconga. Cay pachachönami llapan runacuna manchariywan löcutanga lamar yacu löcutar fiyupa gaparaptin.

Hechos 2:19

Syëluchömi ricacächishaj imaypis mana ricashancunata. Cay pachachönami ricacächishaj yawarta, ninata, goshtay jatariycajtano pucutayta.

Hechos 2:21

Pipis Payman yäracoj cäga salbacongami.›

1 Corintios 5:5

chay runata Satanaspa munayninman cachaycuy chaycho ñacananpaj. Ñacashpanga capaschari wanaconga. Chayrämi Tayta Jesucristo cutimur shuntar salbanga.

1 Tesalonicenses 5:2

Gamcunaga musyanquinami suwa illajpita chacaypa shamushanno pay cutimunanpaj cashanta.

2 Pedro 3:10

Ichanga suwa illajpita shamushannömi Tayta Jesucristupis illajpita chayamonga. Pay cutimuptinmi intipis, quillapis, llapan goyllarcunapis cay pachapis, manchariypaj wararaylla nina rataycajwan ushacanga. Cay pachaga llapanninwanmi rupaycällar ushacanga.

2 Pedro 3:7

Canan wichanpaj Tayta Diosninchi rimasha carmi cay pachatapis janaj pachatapis caycächinraj. Ushacay junaj chayamuptinmi ichanga ninawanna llapanta usharenga. Chay junajmi juchata rurar cawaj runacunatapis usharengapaj.

Apocalipsis 16:8

Chuscu caj anjilnami intiman tacshimuran chararaycashan bäsucho caycaj castïguta. Chaura intiga runacunata ruparan.

Apocalipsis 6:12

Röllucho sojta caj lagaraycaj sërata Cashni uysha jorguriptinmi cay pachacho fiyupa timlur caran. Chay örami ricarä inti chacacäcojta, quillapis yawar-niraj pucaman ticracurejta.