Hechos 15:18 - Tayta Diosninchi Isquirbichishan

¹⁸ Chayno cananpäga unaypita-pachanami noga Tayta Dios musyachirä.›

Hechos 15:18 ပူးပေါင်းရင်းမြစ်များ

Isaías 44:7

¿Pitaj nogaman tincun? Mä willapämächun ari. Imano cananpaj cajtapis ¿pitaj gallarinanpita-pacha willacachisha? Ima cananpaj caycajtapis ¿pitaj nin?

Isaías 45:21

Mä rimacuy. Imata yarpashayquitapis nimay. Jucniqui-jucniquipis tapunacur parlacuy: ¿Pitaj gallarinallanchöna niran cayno cananpäga? ¿Pitaj unayna willacachiran? ¿Manachu noga Tayta Dios chaycunataga willarä? Nogapita mas juc diosga manami canchu. Nogapita mas jucga manami canchu allita ruraj, imapitapis salbäga.

Amós 9:12

Chauraga Edom runacuna chararaycashan parti, waquin nasyuncuna chararaycashan partipis yapay canga Israel nasyunpa munayninchöna.» Chayno cananpämi Tayta Dios nisha. Nishantaga cumlengami.

Zacarías 14:7

Chay junäga almiraypämi canga. Tayta Diosllami musyan imano cananpaj cashantapis. Chay öraga manami musyacangapächu chacay ni junaj cashanpis. Chay öraga chacay captinpis junajpanöllami achicyaycangapaj.

Números 23:19

Tayta Diosga manami runacunanöchu. Payga manami llullacunchu. Imata aunircurpis manami cutiricunchu. Aunishantaga cumlinmi.

Mateo 13:35

Chayno Jesús willacuptinmi cumliran Tayta Diospa profëtan cayno willacushan: «Imamanpis tincuchiypami runacunata willapäshaj. Mundu ruracashanpita-pacha mana pipis tantiyashantami willapäshaj.»

Mateo 25:34

Chayno raquircurnami derëchö cajcho caycajcunata nishaj: ‹Gamcunataga Papänë fiyupami cuyashunqui. Ñaupäman shamuy gamcunapaj camarisha caycajcunata chasquinayquipaj. Chaytaga gamcunapaj Papänë camarisha cay pachata manaraj camallarnami.

Hechos 17:26

«Juc runallata rurashanpitami achca nasyuncunaman mirashcanchi. Paymi distinamashcanchi may nasyuncho tiyananchïpaj, imaycama juc nasyun cananpaj, nasyuncunapa lindancuna may-maypa cananpäpis.

Efesios 1:11

Nogacunatapis Jesucristu-raycumi Tayta Diosga unaypita-pacha acracamasha erensyata chasquinäpaj. Tayta Diosninchëga llapantapis yarpashanno ruraj carmi aunimashan partisyunta gomanga.

Efesios 1:4

Pay-raycumi cay pachata manaraj camar Tayta Diosninchi acramashcanchi perdunasha car paypa ñaupancho juchaynaj cawananchïpaj.

Efesios 3:9

Acramasha llapanta camaj Tayta Dios unaypita-pacha yarpashancunata willacunäpämi.

2 Tesalonicenses 2:13

Ermänucuna, Tayta Diosnillanchïpaj cawanayquipaj Espíritu Santu acrashushayquipitami y Jesucristupa alli willacuyninman yäracushayquipitami Tayta Diosninchi salbashurayqui. Pay salbashunayquipäga unaynami gamcunata acrashurayqui. Chaypitami imaypis gamcunapaj Tayta Diosninchïta agradësicö.

1 Pedro 1:20

Noganchi-raycu Jesucristo wañunanpäga Tayta Diosninchi niran cay pachata manaraj camallarnami. Ichanga guepatarämi gamcuna-raycu wañunanpaj shamusha.

Apocalipsis 13:8

Munayniyoj cashanpitami llapan runacuna waräcuyta aduraran. Cay pachata manaraj camar jutincunata libruman isquirbishan runacunami ichanga mana aduraranchu. Chay libroga caycan noganchi-raycu cruscho wañoj Cashni uyshapa librunmi.

Apocalipsis 17:8

Chay ricashayqui puca waräcuyga ñaupata cawaycasha carpis cananga manami cawannachu. Chaypis cawarircamurmi wanwanyaycajpita llojshimonga. Ichanga castïguman aywanallanpänami llojshimongapis. Jutincuna Tayta Diospa libruncho mana apuntarajcunaga waräcuy shamojta ricar almirangami. Chay waräcuyga unaymi cawaran. Cananga manana cawannachu. Ichanga yapay yurimojta ricashpanmi almiranga.