Hechos 14:15 - Tayta Diosninchi Isquirbichishan

¹⁵ «Taytacuna, ama chayta ruraychu. Nogacunapis gamcunano runallami cä. Nogacunaga shamushcä cay manacaj custumricunata ruraycashayquita cachaycur Tayta Diosmanna yäracunayquipaj willapajmi. Paymi llapantapis camaran: syëlutapis, cay pachatapis, lamartapis, ima-aycatapis.

Hechos 14:15 ပူးပေါင်းရင်းမြစ်များ

Génesis 1:1

Gallarinancho manaraj imapis captin Tayta Dios camaran syëlutawan cay pachata.

Génesis 41:16

Chayno niptin José niran: «Manami nogachu musyä suyñucuna imapaj cashantapis. Chaypa ruquenga Diosmi tantiyachiman. Pay yarpayta gomaptinrämi nogaga gamta willashayqui imapaj suyñuyqui cashantapis.»

1 Reyes 16:13

Chaynöga ruraran Baasapawan wamran Elapa juchancunapita, Israelcunatapis juchayojyächishanpita, mana bälej ïdulucunata adurashpan Israelpa Tayta Diosninta fiyupa rabyachishanpita.

1 Reyes 16:26

Nabatpa wamran Jeroboam Israelcunata juchata rurachishannömi, mana sirbej ïdulucunata adurachishpan Tayta Diosta rabyachiran.

2 Reyes 19:16

Tayta Dios, mañacur ruwacushäta wiyaycamay ari. Ray Senaquerib cachamushan mandaj suldärun nimashantapis ama gongaychu Tayta Dios. Gam cawaj Dios caycaptiquimi chayno rimar rabyachishurayqui.

2 Reyes 19:4

Tayta Diosniquega wiyashami canga Asiriapa raynin cachamushan mandaj suldärun ashllishpan imata nishantapis. Cawaj Diostami ashllisha. Ashllishanpita Tayta Diosniqui castigaycunman. Mañacushpayqui ruwacuycuy ari quëdajcunallapäpis› nir.»

Salmos 115:15

Syëluta, cay pachatapis camaj Tayta Diosga gamcunata bindisyunta goycushunqui.

Salmos 124:8

Cay pachatapis janaj pachatapis ruraj Tayta Diosmi gueshpinanchïpaj yanapämashcanchi.

Salmos 31:6

Nogaga Tayta Diosllamanmi llapan shongöpa yäracö. Manacaj ïdulucunaman yäracojcunataga chiquëmi.

Salmos 33:6

Tayta Dios niptinmi syëlupis ruracaran. Mandarcuptillanmi yuriran intipis quillapis estrëllacunapis.

Éxodo 20:11

Tayta Diosga sojta junajchömi cay pachata rurayta usharan cay pachacho cajcunatapis, syëluta syëlucho cajcunatapis, lamarta lamarcho cajcunatapis. Ganchis caj junajchöga Tayta Dios jamarannami. Chaymi chay junajpäga niran payta rispitanan junaj cananpaj.

Isaías 45:18

Tayta Diosmi syëluta camäga. Paymi cay pachatapis camasha. Paymi sumaj tacyachisha. Payga camasha manami chunyaj cananpächu. Chaypa ruquenga camasha chaycho cawajcuna tiyananpämi. Llapan chaycunata camacächej Tayta Diosmi cayno nin: «Nogallami Tayta Diosga cä. Manami mas juc dios canchu.

Isaías 45:20

«Juc nasyun runacunaga mana tantiyashpanmi guerupita rurasha ïduluncunata matancasha purichin. Mana salbananpaj caycaptinpis ‹diosnë› nir mañacun. Paycunatami në: Cawaycar quëdaj cajcunaga shuntacarcushpayqui shamuy-llapa.

Isaías 46:7

Rurapashantaga matancacarcärirmi apan. Nircorga jamaränanman churaycun. Chaychöga mana cuyucuypami cacun. Yanapänanpaj may-jina gayacuptinpis manami imachöpis yanapanchu. Ñacananpaj caycar fiyupa llaquicuycaptinpis manami pitapis salbanchu.

Jeremías 10:8

Paycunaga llapanpis yarpayniynajllami. Manami tantiyayta atipanchu. Llagllasha gueruga paycunata manami imatapis yachachinchu.

Jeremías 14:22

Juc dioscunaga manami mayganpis tamyata tamyachimunchu. Syëlupitapis quiquillanga manami tamyamunchu. Chaypa ruquenga gammi Tayta Dios tamyachimunqui. Ima-aycatapis gamllami camashcanqui. ¡Chaymi Tayta Dios gamllaman yäracaycämöcuna!

Jeremías 32:17

«Tayta Dios gammi fiyupa munayniquiwan camashcanqui syëlutapis cay pachatapis. Gampäga manami imapis sasa canchu.

Jeremías 51:15

Tayta Diosmi munayninwan cay pachata camasha. Fiyupa yachaj cayninwan cay munduta tacyachisha. Yarpaysapa cayninwan syëlutapis camacächisha.

Jeremías 8:19

Marca-masëcuna intëruchömi llaquicur wagashpan nircaycan: «Sionchöga ¿mananachu Tayta Dios can? Rayninchëga ¿mananachu chaycho can?» nir. Chayno niptinmi Tayta Dios nin: «¿Imapätaj gamcuna rabyachimanqui mana sirbej ïdulucunata adurashpayqui, juc-lä runacuna ‹diosnë› nishan mana bälejta adurashpayqui?» nir.

Daniel 6:26

«Cananga noga në: Cay mandashächöga llapaniquipis Danielpa Diosninta rispitar aduray-llapa. «Paymi cawaj Diosga. Payga imaycamapis caycanmi. Pay mandashanga manami imaypis ushacangachu. Munayniyoj cayninpis chaynöllami imaypis caycanga.

Amós 2:4

Tayta Diosga caynömi nin: «Judá nasyun runacunaga aypallatanami mana allita rurasha. Paycunaga manami wiyacushachu yachachicuynëcunata. Laynëcunacho niycashancunatapis manami cäsushachu. Chaypa ruquenga papänincuna adurashan ïdulucunallatami adurasha. Chaypitami castigänillataga mana cachaycushächu.

Jonás 2:8

Mana bälej ïdulucunata adurajcunaga gamta gongaycushurayquimi.

Zacarías 12:1

Cay willacuyga caycan Israelcuna imano cananpäpis Tayta Dios willacachimashanmi. Syëluta camacächej, cay pachatapis sumaj tacyachej y runata cawayta goj Tayta Diosmi cayno nin:

Mateo 16:16

Chaymi Simón Pedroga niran: «Gamga cawaj Tayta Diospa Wamran Cristumi canqui» nir.

Juan 5:26

Tayta Diosga munayniyojmi caycan pitapis cawayta gonanpaj. Chaynömi nogatapis wamran captë churamasha pitapis cawayta gonäpaj.

Juan 7:18

«Quiquinpa yarpayllanpita parlaj cäga alli-tucuyllatami ashin. Cachamushan alabasha cananta munaj cajmi ichanga rasun cajllata riman. Manami llullacunchu.

Hechos 10:26

Pedroga jatarcachir niran: «Jatariy. Nogapis gamno runallami cä.»

Hechos 13:32

«Nogacunapis unay Israelcunata Tayta Dios aunishan alli willapatami willacurcaycä.

Hechos 14:21

Derbe marcaman chayaycurnami alli willacuyta willacuran. Chaymi achca runacuna Jesusman yäracuran. Willacurirna aywashallanpa cutiran Listrapa, Iconiopa, Pisidiacho caycaj Antioquiapa.

Hechos 14:7

alli willacuyta willacuraycar.

Hechos 16:30

Nircur juclla jawaman pusharcur niran: «Taytacuna, ¿imataraj ruräman salbacunäpaj?»

Hechos 27:10

«Taytacuna, amana aywashunnachu. Aywarga mana allipämi aywashun. Büquipis, carganpis ushacanmanmi. Quiquinchïcunapis wañuycushwanmi.»

Hechos 27:21

Achca junajna imatapis mana micuptinmi llapanpa chaupinman ichiycur Pablo niran: «Taytacuna, nishäta wiyamanquiman caran. Cretapita mana llojshimorga manami ñacashwanchu caran. Imatapis manami lamarman garpushwanchu caran.

Hechos 27:25

Taytacuna, anjil chayno willaycämashaga ama manchacushunnachu. Nogaga Tayta Diosmanmi yäracö. Anjil nimashannöllami canga.

Hechos 4:24

Willaptin paycunaga juc yarpaylla Tayta Diosta mañacuran: «Tayta Diosnë, gammi syëluta, cay pachata, lamarta y ima-aycatapis camarayqui.

Hechos 7:26

Egipto runata wañuchishan warannin yapay cutir Israel-masincuna quiquin-puralla pillyaycajtana tariran. Paycunata raquir niran: ‹Chay castalla caycarga ¿imanirtaj pillyanqui?›

1 Corintios 8:4

Chauraga ïdulucunapaj churashan aychacunata micunapaj cashantana willapäshayqui. Musyashanchïnöpis ïdulucunaga manami cawanchu. Manami ima munayninpis canchu. Jucnayllami Tayta Diosninchëga.

Efesios 4:17

Cananga Tayta Jesucristupa jutincho gamcunata willapä: Tayta Diosman mana yäracoj runacunanöga amana goyaynachu. Paycunaga manacajcunata yarpallarmi cawan.

Deuteronomio 32:21

Mana dios caycaptin juc dioscunata adurashpanmi rabyachiman. Manacaj ïdulucunata adurashpanmi rabyachiman. Nogapis paycunata rabyachishaj juc marca runacunawan. Mana tantiyacoj runacunawanmi rabyachishaj.

Deuteronomio 5:26

Canan noganchi wiyashanchïno nina rataycajpita Tayta Dios parlamojta wiyarga manami pipis cawanmanchu.

1 Tesalonicenses 1:9

Chaynöllami may-chaychöpis musyaycan alli chasquicamashayquita y ïdulucunata aduranayquipa ruquin Tayta Diosninchïtana aduraycashayquita.

1 Timoteo 3:15

Juclla mana shamuptë-imaga cay cartacho niycänami Tayta Diosman yäracojcuna imano alli cawananpaj cashantapis. Noganchëga cawaycaj Diospa wamranmi caycanchi. Chaynöpis noganchïmi rasun cajta niycanchi. Llutancunata Tayta Diosninchïpaj rimaptinpis rasun cajta tantiyachinanchïpämi caycanchi.

Hebreos 3:12

Ermänucuna, gamcunapis sumaj tantiyacuy. Cuydä canquiman chucru shongu. Cuydä munayniyoj Tayta Dios nishancunata mana wiyacoj canquiman.

Santiago 5:17

Unay profëta Eliasga noganchïno runallami caran. Mana tamyananpaj llapan shongunpa Tayta Diosninchïta mañacuptin, quimsa wata medyanmi mana tamyaranchu.

Josué 3:10

Cananmi gamcuna musyanquipaj munayniyoj cawaj Tayta Dios noganchïcho caycashanta. Gamcuna mayuta päsariptiquega paymi ñaupayquita aywar ushajpaj wañuchenga Cananeo, Het, Hev, Ferez, Amorreo, Jebús runacunata.

Apocalipsis 14:7

Chay anjilmi sinchipa nimuran: «¡Tayta Diosta alabay-llapa! Cananga llapan runacunata jusgananpaj öra chayamushanami. Janaj pachata, cay pachata, lamarta, pucyucunatapis camaj Tayta Diosta alabay-llapa.»

Apocalipsis 19:10

Nimaptin anjilta aduranäpaj gongurpacurä. Chaymi pay nimaran: «Nogataga ama aduramaychu. Nogapis gamno, yäracoj-masiquicunanöllami Tayta Diospa sirbejnin caycä. Tayta Diosllanchïta adurayga. Jesucristupaj nishäcunaga llapanpis caycan profëtacunatano Tayta Diosninchi willachimashallanmi.»

Apocalipsis 19:19

Chaychömi ricarä lamarpita llojshimoj waräcuyta y llapan nasyuncunapa mandajnincuna suldäruncunawan caycajta. Paycunami shuntacaran yuraj cawallun muntashata y suldäruncunatawan magananpaj.

Apocalipsis 22:9

Anjilna nimaran: «Nogataga ama aduramaychu. Profëta-masiquicunanölla, isquirbishayquicunata chasquicojcunanöllami nogapis Tayta Diospa sirbejnin caycä. Quiquin Tayta Diosnillanchïta adurayga.»

Apocalipsis 4:11

«Tayta Dios, gamllami llapanpäpis munayniyoj canqui. Llapan imatapis gammi camashcanqui. Cawayta gam goshayquipitami llapanpis cawaycan. Chaymi llapanpis rispitar gamta alabashunqui.»

1 Samuel 12:21

Ama yäracunquichu ïdulucunamanga. Chaycunaga manami imachöpis yanapäshunquipächu, salbashunquipächu.

1 Samuel 17:26

Chaura läduncho caycajcunata David tapuran: «¿Imataraj gonga tagay Filistea runa Israelcunata manana ashipänanpaj wañuchejtaga? ¿Pitäshi tagay Filistea juchasapa runaga Cawaj Tayta Diospa suldäruncunata achäquita ashipänanpäga?» nir.

1 Samuel 17:36

Nogaga wañuchejmi cä liyun captin ösu captinpis. Chay juchasapa Filistea runatapis chaynömi wañurachishaj. Payga Cawaj Tayta Diospa suldäruncunatami manacajman churasha.