Hechos 13:26 - Tayta Diosninchi Isquirbichishan

²⁶ «Abrahampita miraj Israelcunapis Tayta Diosta sirbej mana Israelcunapis wiyaycallämay. Salbacunapaj alli willacuyga llapanchïpämi chayamusha.

Hechos 13:26 ပူးပေါင်းရင်းမြစ်များ

2 Crónicas 20:7

Tayta Diosnë gammi runacunata gargurayqui cay partipita acrashayqui Israelcuna tiyananpaj. Llapanta garguycurmi amïguyqui Abrahampita mirajcuna imaycamapis tiyacunanpaj goycurayqui.

Salmos 105:6

Sirbejnin Abrahampita mirar aywajcuna yarparay. Tayta Dios acrashan Jacobpita mirar aywajcuna yarparay.

Isaías 41:8

Tayta Diosga mastapis niran: «Jacobpita miraj Israelcuna, gamcunaga sirbimajnëmi carcaycanqui. Gamcunataga nogami acracushcä. Gamcunaga amïgö Abrahampita mirar-aywajmi carcaycanqui.

Isaías 46:13

Nogami camacächishaj salbanäpaj caycäga juclla chayamunanpaj. Salbanäpäga manami aycäpis pishinnachu. Sión runacunataga nogami salbashaj. Quiquëmi Israelchöpis caycäshaj.»

Isaías 48:1

Jacobpita miraj cashpayqui Israel jutita aparajcuna wiyay. Judá trïbu runacuna wiyay. Gamcunaga juranquipis Tayta Diospa jutinchömi. Israelpa Diosnintami mañacunquipis. Ichanga janan shongullami Tayta Diosta rispitaj-tucunqui.

Mateo 10:6

Chaypa ruquenga ayway Israel runacunallaman. Paycunaga ogracasha uyshanömi carcaycan.

Mateo 3:9

Ama yarpaynachu-llapa Abrahampita miraj cashallayquipita Tayta Dios salbashunayquipaj cashantaga. Munarga Tayta Dios cay rumicunatapis Abrahampita mirajmanga ticrarachinmanmi.

Lucas 1:69

Sirbejnin Davidpa castanpitami munayniyoj runata yurichenga salbamänanchïpaj.

Lucas 1:77

Runacunata willapanquipaj Tayta Dios perdunashpan salbananpaj caycashanta.

Lucas 24:47

Chaycuna cumlishana captinmi runacunata willapänayqui ‹Jucha rurashayquipita arpinticur Tayta Dios munashannöna caway. Chayrämi llapan jucha rurashayquipita perdunashunqui› nir. Jerusalenpita gallaycur may-chaypapis aywar llapan runacunata willapanqui.

Juan 6:68

Chaura Simón Pedro niran: «Tayta, nogacunaga ¿pimantaj aywashaj? Gam yachachimashayquipitami mana ushacaj cawayta tarishaj.

Hechos 10:2

Cornelioga quiquinpis, wasincho goyajcunapis Tayta Dios munashanno cawaj. Israel runacunatapis achcanpa caridäta goycoj. Y Tayta Diosta imaypis mañacoj.

Hechos 10:35

Payta wiyacojcunataga alli runacunataga Tayta Dios chasquinmi may nasyunpita captinpis.

Hechos 13:43

Shuntacasha caycashanpita aywacuptin Israel runacunapis Tayta Diosta rispitaj mana Israelcunapis Pabluwan Bernabëwan iwal aywaran. Aywajcunatami shacyächiran cuyapäcoj Tayta Diosta mana gongananpaj.

Hechos 13:46

Chaymi Pabluwan Bernabëga mana manchacuypa niran: «Israel runacuna captiquimi Tayta Diospa willacuyninta gamcunata rimëruga willapashcä. Gamcunami ichanga mana chasquicushcanquichu. Mana ushacaj cawaytapis manami tarinquipächu. Chaymi nogacunaga mana Israel runacunatana willapäshaj.

Hechos 16:17

Chay jipashga Pablutawan nogacunata gatirämaran: «Cay runacunaga Tayta Dios munashanno cawajmi. Paycunami gamcunata willapaycäshunqui imano salbacunayquipaj cashantapis» nir.

Hechos 22:5

Chaytaga mas mandaj cürapis, llapan mayurcunapis musyanmi. Paycunapitami ordinta jorgurä Damasco marcacho Israel-masinchïcunaman aywanäpaj, Jesusman yäracojcunata prësu cay Jerusalenman apaycamur castigachinäpaj.

Hechos 28:28

Isaías nishannöllami gamcunapis caycanqui. Chaymi mana Israel runacunatana salbacunanpaj willapäshaj. Paycunami ichanga juclla tantiyaconga.»

Hechos 3:26

Chay nishannöllami Tayta Diosga wamran Jesusta rimëru gamcunaman cachamuran bindisyunta goshunayquipaj, chaynöpana jucha rurashayquipita arpinticur Dios munashannöna cawanayquipaj.»

Hechos 4:12

Tayta Diosninchëga salbamänanchïpaj Jesustami cachamusha. Manami paypita mas jucga canchu salbamänanchïpaj.»

Hechos 5:20

«Cananga Templuman ayway. Chaychöna runacunata willapay alli cawayta tarinanpäga imata rurananpäpis.»

Romanos 1:16

Nogaga manami pengacöchu alli willacuyta willacur. Chay alli willacuyga Tayta Diospa munayninmi Jesucristuman llapan yäracojcuna salbacunanpaj. Chaymi rimëru willapä Israel-masëcunata, chaypitana juc-lä runacunata.

Efesios 1:13

Gamcunapis alli willacuyninta wiyar Jesucristuta chasquicurmi salbasyunta tarishcanqui. Chaynöpami Tayta Diosninchi aunishan Espíritu Santuta chasquicushcanqui señalashano paypäna canayquipaj.

Colosenses 1:5

Chayno cawarcaycanqui Tayta Diospa ñaupancho imaycamapis cawanayquipaj cashayquita musyarmi. Tayta Diospa ñaupancho cawanayquipaj cashayquitaga musyashcanqui Jesucristupa alli willacuyninta chasquicurmi.