Hebreos 6:7 - Tayta Diosninchi Isquirbichishan

⁷ Gamcunaga chacranömi caycanqui. Tamya alli chayashan chacraga duyñunpaj allimi wayun. Chay chacraga Tayta Diospa bindisyunnintami chasquin.

Hebreos 6:7 ပူးပေါင်းရင်းမြစ်များ

Génesis 1:11

Chaypita yapay niran: «Allpapita wiñamuchun llapan casta jachacuna, muruyoj guewacuna, tucuy-niraj wayoj yöracunapis». Chaura nishannölla caran.

Génesis 27:27

Papäninta muchananpaj Jacob ñaupanman witircuptin Isaacga röpanpa asyayninta mayaran. Chaymi bindisyunta goshpan cayno niran: «Cayga wamräpa asyayninmi. Tayta Dios bindisyunta churashan jircacunapa asyayninnömi caycan.

Salmos 126:6

Wagashpan muruta apashpanpis cosëchachöga cushishami cutimonga rïgu manöjun margasha.

Salmos 24:5

Paycunataga salbacoj Tayta Dios bindisyuntami gonga, allimi ricangapis.

Isaías 44:3

Nogami camacächej-aywä chunyaj jircapa yacu aywananpaj, chaqui jircacunachöpis mayu aywananpaj. Gamcunapita mirajcunamanga nogami Espiritöta cachamushaj. Paycunatami bindisyunta goshaj.

Ezequiel 34:26

Paycunataga rispitädu jircäpa ñaupanmanmi pushashaj. Chaychönami bindisyunta goshaj. Nistashan örami tamyatapis tamyachimushaj. Chaynömi paycunataga bindisyunta goshaj.

Oseas 10:12

Noga unay nirä: ‹Murupacojnöpis alli cajllata ruray. Chauraga cuyanacurmi goyanquipaj micuyta alli shuntajnöpis. Chucru chacrata yapyajnöpis chucru shonguyquita pascacächiy. Cananmi noga Tayta Diosman yäracamunayqui. Chayrämi shamushpä gamcunaman bindisyunnëta churamushaj.›

Levítico 25:21

Chaypäga ama yarpachacunquichu. Bindisyunnëwanmi sojta wata cajchöga aypallata shuntanquipaj. Chay shuntashayquicunaga düranga asta quimsa watacamarämi.

Malaquías 3:10

Charashayqui cajcunapa diesmunta ushajpaj apamuy Templöman. Chauraga wasëcho micuy cangami. Chayno rurashpayqui mä musyapämay. Chauraga syëlupa bentänancunatapis quichapäshayquimi gamcunaman mas alli bindisyunta churamunäpaj.

Mateo 7:8

Mañacoj cäga chasquinmi. Ashej cäga tarinmi. Gayacur puncuta tacaj cajtaga quichapanmi.

2 Timoteo 2:6

Fiyupa ñacar chacra arojcunapis cosëchachöga arushanpita rimërumi chasquin.

Santiago 5:7

Ermänucuna, gamcuna ichanga ñacarpis Jesucristo cutimunanta mana yamacaypa shuyaray. Chacra arojcunapis micuynin alli wayunanta munar tamyarcunantami shuyan murupacunanpaj. Alli wayushan micuynincunata shuntananpäpis usyarcunanta shuyan.