Hebreos 6:18 - Tayta Diosninchi Isquirbichishan

¹⁸ Tayta Diosninchëga manami llullacunchu. Chaymi canan noganchïpis musyanchi jurashanta, aunimashanchïta cumlinanpaj cashanta. Chaymi payman yäracoj cajcunaga cushisha shuyäcunchi Tayta Dios aunimashanchïta imay öra carpis cumlimänanchïpaj cashanta.

Hebreos 6:18 ပူးပေါင်းရင်းမြစ်များ

Génesis 19:22

Chauraga juclla chayman aywacuy. Manaraj chayman chayaptiquega cay siudäta manami imatapis rurashärächu.» Tacshalla cashanpitami chay marcapa jutinta churaparan «Zoar» nir.

1 Reyes 2:28

Joabga Adoniaspa faburnin caycaran. Absalonpa ichanga mana faburninchu caran. Adonías wañushanta mayaycur Joabga Tayta Diospa toldunman aywacuran. Chaychönami rispitädu altarpa wagrancunata charicusha ichiraycaran.

Salmos 110:4

Tayta Diosmi aunisha. Aunishantaga manami cutiricongachu. «Melquisedecnömi gamga imaycamapis cüra canqui» niran.

Salmos 46:1

Diosmi imapitapis pacamajninchëga. Ñacaycashanchi örapis juclla yanapämanchi.

Salmos 62:8

Marca-masëcuna payllaman yäracuyga ari. Mana manchacuypa willapay mañacushayqui öra. ¡Tayta Diosmi pacacunanchëga! Selah

Proverbios 3:18

Yachacojcunata yachayga allimi goyächin. Pipis yachaj cäga cushishami cawanga.

Proverbios 4:13

Willapar yachachishushayquicunataga umayquiman sumaj churacuy. Ama gongaychu. Willapäshushayquicunata wiyacorga allimi goyanquipaj.

Isaías 27:5

Noga chapänäta munashpan ichanga Nogawan parlachun alli ricanäpaj. ¡Nogawan rasunpa alli parlacuchun!»

Isaías 51:12

Tayta Diosmi cayno nisha: «Noga quiquëmi gamcunataga shacyächë. ¿Pitataj manchacunqui? ¿Runa-masiquitachu? ¿Guewanölla wañoj runacunatachu manchacunqui?

Isaías 56:4

Tayta Diosga caynömi nin: «Capun runacuna caycajpis säbadu jamay junajcunata rispitaptin; Noga munashäcunata cumliptin; conträtuta rurar parlashänölla ruraptenga

Isaías 64:7

Pipis manami canchu gamta adurashöga. Pipis manami yarpachacunchu gamman yäracamunanpäga. Chaypitami nogacunapitaga pacacuycushcanqui. Jucha rurashäcunapitami cachaycamashcanquipis.

Zacarías 9:12

«¡Gamcuna, prësu caycajcuna nasyunniquiman cutiyta yarpaycajcunaga cuticuyna-llapa! Cananga ñacashayquimannömi bindisyunta goshayquipaj mas allina goyänayquipaj.

Números 23:19

Tayta Diosga manami runacunanöchu. Payga manami llullacunchu. Imata aunircurpis manami cutiricunchu. Aunishantaga cumlinmi.

Mateo 24:35

Janaj pachapis cay pachapis ushacangami. Noga nishäcunami ichanga mana illgangapächu. Nishäcunaga llapanmi cumlenga.

Mateo 3:7

Juan bautisaycashan cajman achcaj fariseucunawan saduceocuna aywaran. Chaymi Juan niran: «¡Culebra casta runacuna! ¿Pitaj gamcunata willasha-cashunqui Tayta Diospa castïgunpita gueshpinayquipaj cashanta?

Lucas 2:25

Chay wichan juc runa Jerusalencho caycaran Simeón jutiyoj. Payga Tayta Dios ricaptinpis runa-masincuna ricaptinpis alli cawaran. Israelcuna ñacaycashanpita Cristo shamur jorgunanpaj cashantapis shuyaycaran. Payga Espíritu Santupa munayninchömi cawaj.

Romanos 15:5

Cuyapäcoj Tayta Diosninchëga imaypis yanapaycämanchïmi munashanno cawananchïpaj. Chaymi payta mañacö Jesucristo cuyamashanchïno jucniqui-jucniquipis cuyanacur alli cawanayquipaj.

Romanos 3:25

Tayta Diosninchïmi camacächisha Jesucristo cruscho wañur yawarninta mashtayninpa perdunasha cananchïpaj. Jesucristuman yäracuptillanchïmi juchanchïcunata perdunamanchi. Chaynöpami Tayta Diosninchi alli ricamanchi. Manami nogallanchïtachu perdunamanchi, chaypa ruquenga unay runacunatapis Tayta Diosman yäracuptin perdunaranmi.

Romanos 3:4

Manami. Tayta Diosga llapan aunishancunatami cumlin runacuna llulla cashapis. Chaymi Tayta Diospa palabranchöpis cayno niycan: «Gamga rasun cajtami rimanqui. Jusgashuptiquipis allichömi llojshinquipaj.»

Romanos 5:5

Alli cawayta shuyashpanchëga manami yangallapächu shuyaycanchi. Tayta Diosninchëga cuyamashanchïta Espíritu Santuwanmi musyachimashcanchi. Chay Espíritu Santutaga Tayta Diosninchïmi noganchïman cachamuran.

Filipenses 2:1

Jesucristuman yäracur cushisha cawarcaycanqui, ¿au? Jesucristo cuyashuptiqui mana llaquicuypa cawarcaycanqui ¿au? Espíritu Santu yanapäshuptiqui alli cawarcaycanqui ¿au? Runa-masiquiwan cuyapänacur cawarcaycanqui ¿au?

Colosenses 1:23

Ñaupancho imaycamapis cawananchïpäga Jesucristuman imaypis yäracur alli willacuyninta wiyacur cawashun. Payman chaynölla yäracushpayquega imaycamapis paypa ñaupanchömi cawanquipaj. Chay alli willacuytaga may-chaychöpis willacurcaycanmi. Nogapis chay willacuyta willacuycämi.

Colosenses 1:27

Chaymi musyanchi, mana Israel runacuna caycaptiquipis gamcunawan Jesucristo caycashanta. Chaynöpami musyanchi may-chaypita carpis Tayta Diospa ñaupanman chayananchïpaj cashanta.

Colosenses 1:5

Chayno cawarcaycanqui Tayta Diospa ñaupancho imaycamapis cawanayquipaj cashayquita musyarmi. Tayta Diospa ñaupancho cawanayquipaj cashayquitaga musyashcanqui Jesucristupa alli willacuyninta chasquicurmi.

1 Tesalonicenses 1:10

Chaynöpis musyaycan Tayta Diospa wamran Jesucristo cutimunanpaj cashanta shuyarpaycashayquita. Paytami Tayta Dios cawarachimusha. Paymi salbamäshun fisyu junajcho chayamunanpaj caycaj castïgupitaga.

1 Timoteo 1:1

Cuyay wamräno Timoteo: Noga Pablumi gamman cay cartata apachimö. Salbacoj Tayta Diosninchi, yäracuycashanchi Taytanchi Jesucristumi acramasha apostulnin canäpaj. Tayta Diosninchi y Taytanchi Jesucristo cuyapaycushunqui ari alli goyänayquipaj.

1 Timoteo 6:12

Guërracho suldärucuna mana gueshpiypa pillyashanno gampis mana yamacaypa Tayta Dios munashannömi goyänayqui. Paypa ñaupancho imaycamapis cawanayquipämi Tayta Diosninchi acrashurayqui. Chay cawayta chasquishcanqui ermänucunapa ñaupancho Jesucristo munashanno imaypis cawanayquipaj cashanta aunirmi. Chaytaga mana gongaypa yarparay ari.

2 Timoteo 2:13

Aunishanchïta mana cumlishapis payga imaypis noganchïwanmi caycan. Payga aunishanta manami cutiricunmanchu.

Tito 1:2

Chayno goyaptinchïmi imaycamapis alli cawayta tarichimäshun. Imaycamapis cawananchïpäga Tayta Diosninchi cay pachata manaraj camar unaynami niran. Nishancunataga imaypis Tayta Dios cumlinmi.

Hebreos 11:7

Noëpis Tayta Diosman yäracurmi tamyata manaraj rejsirpis chaqui allpallacho büquita ruraran. Chayno ruraran cay pachacho dilubyu captin wamrancuna y llumchuynincunapis mana ushacänanpaj. Chaynöpis Noé yäracuyninpami runacunata willaparan jucha rurashancunata mana cacharerga dilubyuwan shengaypa ushacänanpaj cashanta. Nishanno runacuna ushacaptinpis yäracuyninpami Noëga salbacuran.

Hebreos 3:11

Chaymi rabyashpä cayno nirä: ‹Jamananpaj aunishämanga manami yaycuchishächu› nir.»

Hebreos 3:6

Jesusmi ichanga mana capuralnachu. Payga quiquinpa wasinchöna caycan Tayta Diospa wamran cashpanmi. Noganchïpis Jesusman mana yamacaypa yäracur nishancunata imaypis cumlerga Tayta Diospa wamrannami caycanchi.

Hebreos 6:17

Chaynöllami Tayta Diospis quiquillan jurar auniran. Chaymi awilunchïcunaga yäracuran: «Quiquin aunishantaga Tayta Dios llapantami cumlenga. Aunishantapis manami cutiricongachu» nir.

Hebreos 7:19

Moisés isquirbishan layta yachacurpis runacuna manami Tayta Dios munashanno cawashachu. Cananmi ichanga noganchïpaj caycan mas yäracunapaj. Paymi Tayta Diospa ñaupanman chayachimanchi.

Hebreos 7:21

Jesús cüra cananpaj churashpanmi ichanga jurashpan niran: «Tayta Diosmi aunisha. Aunishantaga manami cutiricongachu. ‹Melquisedecnömi gamga imaycamapis cüra canqui› » niran.

Josué 20:3

Pipis illajpita runa-masinta mana yarpashapita wañuycacherga chay siudäman gueshpir aywaconga pacacunanpaj. Chauraga wañojpa famillyan manami wañuchengachu.

1 Juan 1:10

«Manami juchayojchu cä» nerga Tayta Diostami llullata-japuy ricaycanchi. Tayta Dios «Llapan runapis juchayojllami» nishancunata manacajmanmi churaycanchi. Chayno carga willacuyninta manami rasunpa chasquicushcanchïrächu.

1 Juan 5:10

Jesucristo Tayta Diospa Wamran cashanta willachiptin tantiyacoj cäga llapan shongunwanmi payman riguin. Tayta Dios Wamranpaj willacachishanta mana riguejcunami ichanga Tayta Diosta llullamanno churan.

1 Samuel 15:29

Tayta Diosga yäracuna Diosmi. Payga manami llullacunchu. Rimashantaga cumlinmi. Runacunanöchu manami aunircur cutiricun.»