Hebreos 6:12 - Tayta Diosninchi Isquirbichishan

¹² Chaymi guellacuna-japuy janan shongullaga ama canquichu. Man'chäga unay runacuna yäracushanno mana yamacaypa sumaj yäracuy. Chayrämi shuyashayquitapis chasquinquipaj.

Hebreos 6:12 ပူးပေါင်းရင်းမြစ်များ

Proverbios 12:24

Aroj runacunaga munayniyojmi canga. Guellacunami ichanga jucpa-jucpa munaynillancho canga.

Proverbios 13:4

Guellacunaga may-jina imata munaparpis manami tarinchu. Bïbu runami ichanga ima-aycatapis munashanta tarin.

Proverbios 15:19

Guellacunapäga caminunpis casha shata juntashami caycan. Alli runapämi ichanga caminunpis limyu alli puricuy caycan.

Proverbios 18:9

Guella runacunawan fiyu runacunaga chay wauguimannöllami tincun.

Proverbios 2:20

Ïju, gam ichanga alli caminupa puriy. Allillata ruraj runacunano goyay.

Proverbios 26:14

Jinallancho puncu tumarishannömi guella runapis cämallancho ticraycachaycan.

Proverbios 28:10

Alli runacunata juchata rurananpaj pushajcunaga quiquinmi mana allita yarpaycashanman chayanga. Juchata mana rurajcunami ichanga alli cawayman chayanga.

Cantares 1:8

Cuyayllapaj warmicunapitapis mas cuyayllapaj warmi, mana musyashpayquega uyshacunapa yupillanpa ayway. Michicojcunapa chucllancuna caycashan lädullanpa cabrayquicunata michicuy.

Jeremías 6:16

Tayta Diosga acrashan runacunata nin: «Tincoj nänicunacho ichiray. Nircur tapucuy unay alli caj nänipa aywanayquipaj. Chay alli caj nänipa ayway chaycho jamayta tarinayquipaj. Ichanga paycuna nin: ‹Manami chaypa aywayllaga canchu› nir.

Mateo 22:32

‹Nogaga unay awiluyqui Abraham, Isaac, Jacob rispitaycashan Diosmi caycä› nir. Tayta Diosga cawajcunapa Tayta Diosninmi caycan; manami wañushacunapachu.»

Mateo 25:26

Chaura patrunninshi nisha: ‹Gamga cashcanqui guellami, mana alli uywaymi. Mana muruyllapa imatapis shuntashäta musyaycarga, mana wayrallar shuntashätapis musyaycarga

Lucas 16:22

Chayno caycashanpitashi pobriga wañucuran. Chaura anjilcunashi syëlucho Abraham caycashan cajman shuntacuran. «Chaypitanaga rïcu runapis wañuran. Paytaga castancuna pamparan.

Lucas 8:15

Waquin runacunapa shongonga alli allpanömi caycan. Paycunaga Tayta Diospa willacuyninta cushisha chasquicur Tayta Dios munashannömi cawan. Chaymi alli allpacho muru wiñarcamur fiyupa wayushanno caycan.

Romanos 12:11

Mana guellanayllapa aruy. Tayta Diosninchïpäga llapan shonguyquipa cushisha ruray-llapa.

Romanos 2:7

Tayta Diosninchi munashanno cawajcuna, allillata rurajcunaga Tayta Diospa ñaupanchömi imaycamapis cawanga.

Romanos 4:12

Abrahamga señalacusha cajcunapapis papäninmi caycan. Papänenga caycan manami señalacusha cashanpitachu, chaypa ruquenga Abrahamno manaraj señalacur yäracushanpitami.

1 Tesalonicenses 1:3

Tayta Diosninchïta mañacur manami gongächu Jesucristuman yäracur imaypis allillata ruraycashayquita, pï-maywanpis cuyanacushayquita y imano ñacarpis Jesucristo cutimunanta shuyaraycashayquita.

2 Tesalonicenses 1:4

Chaymi juc-lä marcacunachöpis shuntacaj ermänunchïcunawan tincur cushisha willapä: «Tesalónica ermänucunaga Tayta Diosninchïta manami gongaycunchu runacuna fiyupa ñacachiptinpis, chiquiptinpis» nir.

Hebreos 1:14

¿Manachu llapan anjilcunapis caycan Tayta Dios munashanta ruranallanpaj? Paycunataga Tayta Dios cachamusha Jesusta chasquicojcunata yanapänanpämi.

Hebreos 10:36

Cay pachacho ñacarpis gamcunaga Tayta Diosman yäracuy. Chaynöpami Tayta Dios munashanno cawar Pay aunishancunata chasquinquipaj.

Hebreos 11:33

Waquenga Tayta Diosman yäracurmi nasyuncunatapis binsiran. Chaynöllami Tayta Diosninchi munashannölla runacunata alli arriglaran. Waquin cajnami Tayta Dios aunishancunatapis chasquiran. Waquintaga liyuncunapis mana micuranchu.

Hebreos 12:1

Chayno achca runacunami Tayta Diosninchïman yäracusha. Chaymi paycuna ricaycämashaga cörrinanpaj guepinta cachaycojno noganchïpis llapan juchata rurashanchïta cachaycushun. Nircorga Tayta Diosman yäracur pay munashannölla cawashun.

Hebreos 13:7

Tayta Diospa palabranta ñaupata willacojcunataga sumaj ricacunquiman. Paycunaga wañuy janancho caycarpis Tayta Diosnillanchïmanmi yäracuran. Chaymi paycuna alli cawashanno cawanquiman. Rimashantapis ama gonganquichu.

Hebreos 5:11

Jesucristo mandaj cüranchi cashanta willapänäpäga achcarämi caycan. Ichanga willapaptëpis gamcuna guellanarmi tantiyayta mana atipanquipächu.

Hebreos 6:15

Chaymi Abrahamga mana yamacaypa shuyarayninpa Tayta Dios aunishanta chasquiran.

Santiago 1:3

Ñacaycunata päsar-rämi yachacunchi llapan shongunchïwan masta Tayta Diosman yäracuyta.

2 Pedro 1:10

Ermänucuna, chayno caycaptenga waran-waran sumaj yarpachacur Tayta Diosninchi munashanno cawashun. Chaynöpami tantiyacunqui salbasha car Tayta Diospa wamran cashayquita. Chayta tantiyacorga mana juchata ruraypami cawanquipaj.

1 Juan 2:25

Jesucristoga quiquinmi aunimashcanchi imaycamapis cawananchïpaj.

Apocalipsis 13:10

Carsilman aywananpaj captenga carsilmanmi aywanga. Sabliwan wañuchisha cananpaj captenga sabliwanmi wañonga. Chayno päsaptinpis yäracojcunaga pasinsacuchun. Imano ñacarpis sïguir yäracuchun.