Hebreos 3:8 - Tayta Diosninchi Isquirbichishan

⁸ Alli wiyacushpayqui ama shonguyquitapis chucruchiychu Tayta Diosta ñaupata mana wiyacojcunanöga. Paycunaga chunyajchömi Tayta Diosta musyapayta munaran.

Hebreos 3:8 ပူးပေါင်းရင်းမြစ်များ

2 Reyes 17:14

Chayno nishanpis manami wiyacuranchu. Chaypa ruquenga ñaupa caj famillyancunano mana allicunata rurararan. Ñaupa caj famillyancunapis Tayta Diosman manami yäracurannachu.

2 Crónicas 30:8

Chaymi wiyacuy. Ñaupa awiluyquicunano ama caynachu. Chaypa ruquenga Tayta Dios munashannöna cawashun yapay alli ricamänanchïpaj. Llapaniqui shamuy Templuman. Templutaga acrasha para-simrimi. Tayta Diosta sirbiy. Paypis gamcunapaj rabyasha caycashanpita allchacangami.

2 Crónicas 36:13

Ray Nabucodonosorpa contranpis ricacuran payta sirbinanpaj Tayta Diospa jutincho jurachisha caycaptin. Fiyupa juchata rurashpan Israelcunapa Tayta Diosninmanpis manana yäracurannachu.

Nehemías 9:16

Chay unay caj awilöcunaga casha mana tantiyaj, mana wiyacoj runacunami. Chaymi mandamintuyquitapis mana cumlishachu.

Job 9:4

Tayta Diosga fiyupa yachajmi, munayniyojmi. ¿Piraj payta ichipar allicho quëdanman?

Salmos 106:14

Chay chunyaj chaqui jircachömi Tayta Diostaga munashanta rurachiyta munaran.

Salmos 78:18

Gustashallan micuyta mañashpan musyapayta munaran.

Salmos 78:56

Ichanga Tayta Diosta musyapänanpaj rurachiyta munaran. Janaj pachacho caycaj Tayta Diospa contran rimaran. Mandamintuncunatapis mana cumliranchu.

Salmos 95:8

«Ama caychu Meriba particho rurashayquicunano mana wiyacöga. Ama caychu chunyaj Masah particho

Éxodo 17:7

Chay partipa jutintanami churaparan «Meriba» nir, «Masah» nir. Chayno jutinta churaparan Israelcuna Moisespa contran rimashanpita, Tayta Diosta musyapayta munashanpitami.

Éxodo 8:15

Chaypita llapanpis allina caycajta ricashpan faraonga yapay rumi shonguno contra ricacuran. Aaronwan Moisés nishantaga mana cäsurannachu. Tayta Dios willashannömi caran.

Proverbios 28:14

Tayta Diosta imaypis rispitajcunaga cushishami goyanga. Tayta Diosta mana wiyacojcunami ichanga ñacayman chayanga.

Proverbios 29:1

Piñacuycaptinpis tantiyacuyta mana munajcunaga manapis aycällatanami ushacanga. Jampipis manami canganachu.

Jeremías 7:26

Chaypis gamcunaga manami wiyacushcanquichu. Chaypa ruquin unay caj awiluyquicunapitaga mas piyur mana wiyacojraj ricacushcanqui.

Daniel 5:20

Fiyupa munayniyojna cashpan shongun chucru ricacuptin ichanga mandaj caynintapis, mandashan marcacunatapis Dios guechuriran. Sumaj allicho goyaycajtapis manacajman churaran.

Números 14:11

Chay örami Moisesta Tayta Dios niran: «Cay runacunaga ¿imaycamaraj chaynölla manacajman churamanga? ¿Imaycamaraj mana riguimangachu paycuna ricaycaptin almiraypajcunata rurasha caycaptëpis?

Mateo 13:15

Cay runacunapa shonguncuna fiyupa chucruyashami caycan. Chaymi rinrincunapis chapacashano caycan. Ñawincunapis mana ricajno caycan. Chaynöpami mana arpinticongachu. Chayno captenga nogapis manami allchacächishächu.›

Hechos 19:9

Jesusman yäracuyta mana munaj cajmi ichanga llapanpa ñaupancho Jesucristuman yäracojcunata manacajman churaj. Chaura Pabloga llapan yäracojcunawan shuyni aywacuran Tirano jutiyojpa escuela wasinman. Chaychöna waran-waran Jesucristupa willacuyninpita willapaj.

Hechos 7:36

Chaymi Moisesga Egiptuman aywaycur unay castanchi Israelcunata jorgamuran. Jinan Egiptuchöpis, Puca Lamarchöpis milagrucunata ruraran. Chunyaj chaqui jircachöpis chuscu chunca (40) watantin milagrucunata ruraran.

1 Corintios 10:9

Waquin rurashannöga Tayta Jesucristuta musyapänayqui-casha imatapis ama ruraychu. Chayno rurashanpitami Israelcunaga culebra cañiypa wañuran.

Deuteronomio 6:16

«Tayta Diosta musyapänayquipaj ama rurachiyta camaychu chunyaj Masahcho rurashayquinöga.

1 Samuel 6:6

¿Imanirtaj gamcunaga Egipto runacunano y faraón rumi shongu contra cashanno caycanqui? Paycunaga Israelcunapa Diosnin fiyupa castigaycuptinrämi aywacunanpaj Israelcunata cachariran.