Hebreos 10:27 - Tayta Diosninchi Isquirbichishan

²⁷ Chay-niraj runacunataga fisyu finalcho infiernullanami shuyaraycan.

Hebreos 10:27 ပူးပေါင်းရင်းမြစ်များ

Salmos 21:9

Chayamushpayqui fiyucunataga llapantami rataycaj jurnuman gaycunquipaj. Tayta Diosnami rabyasha cashpan ninawan ushajpaj illgarachenga.

Isaías 26:11

Tayta Dios castiganayquipäga maynami camarisha caycanqui. Ichanga chay runacuna manami tantiyacunchu. Acrashayqui runacunata fiyupa cuyashayquita ricashpanrämi pengaycho ricacongapaj. ¡Chay runacunataga rabyasha caycashayqui ninano usharichun!

Isaías 33:14

Juchayojcunaga Sioncho sicsicyanmi. Diosman mana yäracojcunami fiyupa mancharishpan cayno nircaycan: «¿Mayganchïraj awantashwan rupar ushacoj ninataga? ¿Mayganchïraj cawaycushwan imaycamapis mana upej ninachöga?» nir.

Jeremías 4:4

Jerusalén runacuna, Judá runacuna cuerpullayquichöga ama señalacuychu. Chaypa ruquenga rumi shonguyquitapis camariy conträtuta rurar parlashanchïta cumlinayquipaj. Chayno mana ruraptiquega illajpitami fiyupa rabyacurcushaj. Rabyacurcuptëga manami pipis allchacächimangapächu. Nina ratariptin pipis upichiyta mana camäpacushannömi ricacushaj.

Ezequiel 36:5

Noga Tayta Diosga caynömi në: Rabyasha rimashäcuna waquin runacunapäga caycan nina rataycajnömi. Chayno nishä masga caycan intëru Edom nasyunpämi. Paycunaga fiyupa cushicushpanmi acracushä nasyunta charicarcäriran. Chaycho tarishancunatapis manacajman churashpan apacuran.›

Ezequiel 38:19

Fiyupa rabyashpämi camacächishaj chay wichan Israelchöga fiyupa timlur cananpaj.

Daniel 5:6

rayga fiyupa manchariyllawan pasaypa yur'gacäcuran. Manchariyllawan sicsicyaycaran.

Oseas 10:8

Mana bälej ïduluncunata adurashan capillancunapis ushacangami. Chaychöga Israelcuna juchatami ruraran. Capillancunachöga cashacunawan shiracunallami wiñamonga. Chayrämi runacunapis puntacunata nenga: «¡Juchumur chapacarcamay!» nir. Jircacunatapis nenga: «¡Nogacunapa janäman tunimur ñiticarcamay!» nir.

Joel 2:30

Syëluchömi ricacächishaj imaypis mana ricashancunata. Cay pachachönami ricacächishaj yawarta, ninata, goshtay jatariycajtano pucutayta.

Nahúm 1:2

Tayta Diosga payllata sirbinanchïtami munan. Mana allita rurashaga pay rabyar castigacunmi. Pay nishanta mana rurajcunataga rurashanmannömi castïguta gon. Paypa contran cajcunapäga fiyupami rabyan.

Sofonías 1:18

Tayta Dios jusganan junäga manami runata salbangapächu guellaynin ni gori charashanpis. Tayta Dios rabyasha caycashanga ninanörämi nasyun intëruta usharengapaj. Cay pachacho tiyajcunataga llapantami juc guepishtayllacho usharengapaj.

Sofonías 3:8

Chaymi gamcunaga ichicllata shuyaycäriy jusganä junajcama. Noga Tayta Diosmi në: Achca nasyun runacunata, raycunata shuntanäpämi yarpachacushcä. Shuntarcurnami rabyasha caycashäta paycunacho gasarpachishaj. Rabyashäga caycan rataycaj ninanörämi. Nina ratariycajno rabyasha caycashäwan castigaptë munducho cäga ushajpaj illgächishami canga.

Malaquías 4:1

Munayniyoj Tayta Diosmi nin: «Wallcanami pishin jurnucho nina rataycajno chayamunanpaj caj junaj. Chay junäga llapan alli-tucojcuna, fiyu runacuna rupangapaj ninacho ogsha rupaycajnörämi. Chay junaj chayamur rupaptin manami ni imallanpis quëdangapächu.

Números 16:35

Tayta Diosga ninawan ruparachiran ishcay pachac pichga chuncan (250) insinsuta saumachej runacunatapis.

Mateo 13:42

Nircurnami ratataycaj ninaman gaycurenga. Chaychönami fiyupa ñacar, wagar quiruncunatapis uchongapaj.

Mateo 13:50

Juchata rurallar goyajcunataga nina rataycajmanmi garponga. Chaychömi fiyupa wagar quiruncunatapis uchongapaj.»

Mateo 25:41

«Chay ichoj caj-lädöcho caycajcunatanami nishaj: ‹¡Gamcunataga Satanaspaj y yanapajnincunapaj camarisha caycaj imaypis mana upej ninamanmi canan gaycurishayqui!

Mateo 3:10

Juc yöra frütata mana wayuptenga duyñun sapipita muturirmi ninaman rupachenga. Chaynömi Tayta Diospis mana allita rurajcunataga castigananpaj caycan.

Mateo 3:12

Payga jorquëtita aptaraycannami rïguta wayrananpaj. Wayrarcurnami rïgunta wasinman churanga. Punshantanami ichanga mana imaypis upej ninaman gaycurenga.»

Mateo 8:29

Jesusta ricärerga fiyupa gaparaypa niran: «Diospa Wamran Jesús, ¿imatataj nogacunawan munanqui? ¿Castigamänayquipaj öra manaräpis chayamusha caycaptinchu castigamanqui?»

Lucas 16:24

Chayshi gayacuran: ‹Tayta Abraham, cuyapaycallämay. Lazaruta cachaycamuy dëdunta yacuman ushmarcachir shimëta oguchipämänanpaj. Fiyupami ñacaycä cay ninacho rupar› nishpan.

Lucas 19:27

Ray canäta mana munar conträ jatarejcunatapis cayman apaycamur ñaupächo wañuchiy.› »

Lucas 21:26

Imapis cay pachata päsananpaj cashanta yarpashpan runacunaga manchariywan rimaytapis mana puydir chiyacäconga. Chay örami goyllarcunapis wacman cayman cuyonga.

Lucas 23:30

Chay wichanmi fiyupa ñacashpan puntacunatapis nenga ‹Juchumur chapacarcamay› nir. Jircacunatapis nenga: ‹Nogacunapa janäman tunimur ñiticarcamay› nir.

Juan 5:29

Chayno wiyashpanmi alli cajcunaga imaycamapis Tayta Diospa ñaupancho cawananpaj cawarimonga. Juchallata rurasha cajcunami ichanga fisyuchöpis jusgasha canallanpaj cawarimonga.

Deuteronomio 32:43

«May-chay nasyunchöpis tiyaj runacuna Tayta Dios acrashan Israelcunawan iwal cushicuy-llapa. Paymi ayñita cutichishpan wañuchenga sirbejnincunata wañuchishanpita. Acrashan runacuna cushisha cawananpämi tiyashan nasyunninta limyuyächenga.»

Hebreos 12:25

Chaymi Tayta Diosninchïpa shiminta wiyarga ama upa-tucushunchu. Unay awilunchicunaga cay pachachömi Tayta Diosninchïpa shiminta wiyaran. Mana wiyacuptinmi ichanga llapanta wañuchiran. Pipis manami gueshpiranchu. Cananga syëlupitana Tayta Diosninchïpa shiminta wiyarcaycanchi. Paypa shiminta mana wiyacorga ¿gueshpishwanchuraj?

Hebreos 12:29

Man'chäga usharamashwanmi. Payga fiyupa rataycaj ninanömi.

Hebreos 2:3

Chayno caycaptenga salbamajninchi Jesucristuta mana wiyacur ¿imanöparaj salbacushwan? Salbamänanchïpaj cashantaga quiquin Tayta Jesusmi rimëru willacusha. Nircurnami payta wiyajcunapis llapanta musyachimashcanchi.

Hebreos 9:27

Chayno juc cutillami pï-maypis wañun. Chaypitaga cawarimonga imano goyashanpitapis jusgasha canallanpänami.

Santiago 5:3

Gotucushayqui goriquipis guellayniquipis oxidangami. Fisyu junajchöga goturächishayquimi quiquillayquipaj shuntashayquita musyachengapaj. Chaycunami ninanöpis rupar ushashunquipaj.

Apocalipsis 20:15

Libro de bïdacho jutincuna mana apuntaraj cajcunataga nina rataycaj gochamanmi gaycuriran.

1 Samuel 2:25

Juc runa, runa-masinpaj mana allita ruraptenga Tayta Dios faburnin canmanmi. Juc runa Tayta Diospa contran captenga ¿pitaj faburnin canga?» Chayno piñacushanpis wamrancunaga Elïta mana wiyacuranchu. Tayta Diosmi mayna camacächiran paycuna wañunanpaj.